Ex 40:20 - Chuj San Sebastian Bible

^20-21 Xya'n 'ajxocq'ue junx slan̈l yib'n̈ mantiado cha. Xlajw cha xyi'n cot Moisés chi chapachn̈ q'uen q'uen 'aj tz'ib'b'il 'och lajn̈e checnb'il, xya'n 'ejm 'a yojl te scaxail trato. Xya'n 'och te can̈nub' tzb'achn b'ey jun caxa cha, xya'nq'ue smacl sti yib'an̈. Xlajw cha, xya'n 'ajxoc 'och 'a yojl scajnub' Dios, xya'n locxocq'ue te cortina tz'och yen̈loc te caxa cha, 'icha wal yaj yaln Jehová 'a 'a.

Chuj San Mateo Bible

²⁰ Ix lajvi chi, ix yac'anem chab' pachan̈ q'uen q'ueen vin̈aj Moisés chi' d'a yol scaxail trato, aton q'uen b'aj tz'ib'ab'iloch lajun̈e' checnab'il. Ix yac'anoch te' sb'achlab'il te' caxa chi' vin̈, ix yac'anpaxem smacul te' vin̈, aton b'aj tz'ac'ji tup mul.

Ex 40:20 Referans Kwoze

Ex 16:34

'Icha wal xyutj Jehová yaln 'a Moisés, 'ixta xyutj Aarón smoln can jun chen 'a stz'ey te scaxail strato Dios.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

Ro 10:4

A Cristo 'a'jnac lajwc yopiso ley yic Moisés. Yujto tzann̈j mach tzya'ch sc'ojl 'a 'a, wach' eb' 'a sat Dios ticnec.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

Mt 3:15

—Yowlal 'oj a b'o jun tic, yujto smoj tzqui yiclj jantcn̈ej tas tzyal Dios, xchi Jesús 'a 'a. 'Ixta to b'i'an, xyaln sc'ojl Juan cha.

Salmos 40:8

Caw tzchaj in c'ojl in b'on tas tza nib'ej, molb'il a checnb'il wuj 'a in nab'en, xin chi 'ayach.

A Ch'an̈ B'ab'el Libro Yic Yab'ixal Eb' Rey 8:9

May junc xo tas 'ay 'ejm 'a yojl te caxa cha, cojn wal chapachn̈ q'uen q'uen ya'jnac can 'ejm Moisés 'a yojl te 'a Horeb, tzcuch pax Sinaí, atn q'uen 'aj tz'ib'b'il can 'och strato Jehová ya'jnac can yet' eb' israel, yic yelt eb' 'a lum Egipto.

Dt 10:5

Xlajw cha, in pax 'emt 'a sjolm lum witz cha. 'Ix wa'n 'ejm eb' q'uen 'a yojl te caxa cha, 'icha wal xyutj Jehová yaln 'ayin, an̈ja 'ay 'ejm eb' q'uen ta ticnec, xchi Moisés.

Ex 40:3

Tza'n 'ajxoc 'och te scaxail in trato 'a yojol, tzlajw cha, tz'och te cortina yen̈loc.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

Ex 26:34

Tzlajw cha, tza'n q'ue smac te scaxail in trato, te tzcan 'a jun Lugar to cojn in 'ay wic cha.

1 Cr 15:3

'Ix ya'n David syam sb'a smasnil eb' yit israelal 'a Jerusalén, yic tz'ijx cot te scaxail trato chi 'a jun lugar tox 'ix yac' b'o cha.

2 Cr 5:10

A 'a yojl te caxa cha, cojxn chapachn̈ q'uen q'uen ya'jnac can 'ejm Moisés 'a yojl te 'a Horeb, cojxn chi 'ay 'ejmi, atn eb' q'uen 'aj tz'ib'b'il can 'och strato Jehová ya'jnac can yet' eb' israel, yictax yelt eb' 'a Egipto.