Ex 4:5 - Chuj San Sebastian Bible

⁵ Xyaln pax Jehová chi 'ixtic: —Yuj tas 'ix el tic, yuj cha, ax ya'n 'och eb' et chon̈b' chi 'a sc'ojol, chajtlto 'ix in ch'ox in b'a 'ayach, an ton tic sDiosal in eb' a mam echam, atn Abraham, Isaac yet' Jacob.

Chuj San Mateo Bible

⁵ —Yuj tas toxo ix il tic, ol yac'och eb' d'a sc'ol to ix in ch'ox in b'a d'ayach, a in ton Jehová a Diosal in, sDiosal in pax eb' e mam eyicham, aton vin̈aj Abraham, vin̈aj Isaac yed' vin̈aj Jacob, xchi.

Ex 4:5 Referans Kwoze

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Ex 3:15

'Ix yaln pax Jehová 'ixtc 'a Moisés: —Al 'ixtc 'a eb' et chon̈b' cha: A Jehová qui Diosalec yet' eb' qui mam quichmec, atn Abraham, Isaac yet' Jacob, a in checn cot colwjoc 'ayex, xa chi 'a eb'. A 'in b'i tic, 'ayc' 'a jun 'ejmn̈ej; 'oj b'inaxc 'a smasnil tiempo yuj eb' eyin̈tl b'aq'uin̈.

Gn 48:3

Xlajw cha, xyaln Jacob 'ixtc 'a José: —A jun Dios tztac' yuj smasnil, a xch'ox sb'a 'ayn 'a chon̈b' Luz, 'a yol yic Canaán, xyaln wach' paxti 'a wib'an̈.

Gn 26:2

Ata sch'ox sb'a Jehová 'a 'a, xyaln 'a 'ixtic: Man̈ ach 'at 'a Egipto, cann̈ 'aj xwal 'ayach.

Gn 18:1

Xlajw cha, sch'oxn sb'a Jehová 'a win Abraham 'a sla'nil 'aj 'ay te ma'ach', 'a yol yic win Mamre. Yic am chimc'ual, wocn 'elt Abraham 'a sti smantiado,

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Jn 11:42

Wojc xoni to smasnil tiempo tzab' tas tzwala. Palta yuj eb' 'anma tic, tzwaln jun tzo'n̈ tic 'ayach, sec wach' 'oj ya'ch eb' 'a sc'ojol, chajtlto ach checjnacn coti, xchi Jesús.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

A Tas Sc'ulejnac Eb' Schecab' Jesús Hechos 7:2

Yuj cha, 'ix yaln Esteban chi 'ixtic: —Ex wit chon̈ab', ex 'ichmtac winac, 'ab'ec. A Dios, caw niwn yel'chi. Sch'oxjnac sb'a 'a qui mam quichmec Abraham, yic 'ayc' 'a yol yic Mesopotamia, yic mantzac c'och cajn 'a chon̈b' Harán.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Jn 11:15

A ticnec caw tzin tzalji, yujto man̈toc 'ayn 'ec' ta' yic 'ix chami, sec 'oj e wach' 'a'c 'och e c'ojl 'ayin. Al ticnec, coyc 'at quila', xchi 'a eb'.

Jn 5:36

Palta 'ay junx 'ec'b'al yel'ch 'a yib'n̈ Juan cha. A tzch'oxn 'eli tas wopiso. Yujto a jun tzo'n̈ tas tzyac' in Mam in b'o', a tzin b'o'o. 'Ixta tz'aj scheclj 'eli, to a 'in Mam chi checjnacn coti.

Jeremías 31:3

A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

Ex 4:1

'Ix ta'w Moisés 'ixtc 'a Jehová: Ma'oj scha eb' yab' 'ayin, ¿tom 'oj syiclc eb' tas 'oj wala'? Tecn 'oj yal eb' 'ayn 'ixtic: Totn am wal yel 'ix sch'ox sb'a Dios 'ayach, mto ma'ay, 'oj schic am eb', xchi Moisés.

Ex 3:18

'Oj scha eb' yab' 'ayach. Tzlajw cha, tzach 'at yet' eb' yichm wincal chon̈b' Israel 'a yojltac win sreyl Egipto cha, tzeyaln 'a win 'ixtic: A Jehová qui Diosal an̈ hebreo on̈ tic on̈, a 'ix sch'ox sb'a 'ayn̈ on̈. Yuj cha, to tzon̈ a chaj 'at 'a lum cusltac lu'um, to tz'at cac' qui xajmb'al 'a qui Diosal on̈, 'aym 'oxe'oc c'u ste'nb'il jun lugar cha, xe chi 'a winac.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

A Ch'an̈ Carta D'a Eb' Hebreo 11:16

Palta snib'jnac eb' junx schon̈b' caw wach', atn jun chon̈b' 'ay 'a satcha'an̈. Yuj cha, a Dios, matz q'uixwi, yic tzyaln eb' sDiosaloc, yujto tox xyac' lista jun chon̈b' chi yico'oc eb'.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Ex 3:4

Ax yic 'ix yiln Jehová to wan sc'och Moisés chi 'a stz'ey te c'ac' cha, 'ix paxtin 'elt 'a scal te', xyaln 'ixtic: —Moisés, Moisés, xchi. —Waj Mamin, xchi Moisés cha.

Ex 3:16

'Ixic, 'at yamb'tzej eb' yichm wincal chon̈b' Israel, tzaln 'a eb' 'ixtic: A Jehová qui Diosalec yet' eb' qui mam quicham, atn Abraham, Isaac yet' Jacob, a 'ix sch'ox sb'a 'ayin, 'ix yaln 'ixtic: Wal yel tzwil tas tz'aj eyixtx 'a Egipto.

Ex 4:4

Palta 'ix yaln Jehová 'ixtc 'a Moisés cha: —Yam sn̈e no chan cha, xchi. 'Ix ya'n 'at Moisés chi sc'ab', syamn sn̈e no chan cha, ax yic 'ix syamn cha, 'ix 'ochx c'occhal.

A Ch'an̈ B'ab'el Libro Yic Yab'ixal Eb' Rey 18:36

Ax yic xc'och yorail 'icha xon yajx tz'a no xajmb'al, 'ix snitzn 'ochch sb'a Elías 'a stz'ey jun xajmb'al cha, xyaln 'ixtic: Mamin Jehová, sDiosal ach Abraham, Isaac yet' Israel: A ticnec, 'ojcaxc cab' 'eli to ach tic, qui Diosal ach an̈ israel on̈ tic on̈, an xo tic, a checb' waji, ach 'ix 'ac' in b'o jun tzo'n̈ tic.