Ex 4:21 - Chuj San Sebastian Bible

²¹ Xyaln pax Jehová 'ixtc 'a Moisés: —A yic 'oj a c'och 'a Egipto cha, nann̈ej cab' jun tzo'n̈ tic o'oj, yic 'oj a c'och 'a yojltac win rey, chajtlto 'oj a ch'ox yil win jun tzo'n̈ milagro to satjub'tac yilx xwac' a b'o'. Palta an 'oj wac' pitb'oc 'el snab'en win rey cha, yic ma'oj e chax 'elt yu'uj.

Chuj San Mateo Bible

²¹ Ix yalan Jehová d'a vin̈: —Ayic ol ach c'och d'a Egipto chi', naann̈ej uuj to ol a ch'ox juntzan̈ ch'oxnab'il te satub'tac d'a yichan̈ vin̈ rey, aton juntzan̈ ix vac' a c'ulej. Palta a in ol vac' pitb'oquel spensar vin̈, yuj chi' man̈ ol ex schael-laj vin̈.

Ex 4:21 Referans Kwoze

Ro 9:18

Yuj cha, a eb' tznib'j Dios 'aj tz'o'ch sc'ojol, atn eb' chi 'aj tz'o'ch sc'ojol. Yet' pax eb' tznib'j Dios tzpitb'i, atn eb' chi tzyac' pitb'oc.

Is 63:17

Mamin Jehová, ¿tas yuj tzon̈ ejcan 'el 'a yol a b'e, tza'n pitb'oc 'el qui nab'en yic man̈x 'a qui xiwc'ojlal 'ayach? Ax ticnec jun, ch'oxx wal a chamc'ojlal chi 'ayn̈ an̈ a checb' on̈ tic, atn an̈ yin̈tl on̈ can eb' a chon̈b' to ecn̈ej yaji.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

Ex 14:8

'Ixta 'ix yutj pax Jehová ya'n pitb'oc 'el snab'en win rey, 'ix 'ochx tza'n win yuj eb' israel. Palta toc 'ay xon eb' israel chi tzxiwi yic x'elt eb' 'a Egipto.

Ex 9:35

Ma'ix schaj 'elt win eb' israel cha, yujto 'ix pitb' 'el snab'en win 'icha wal xyutj Jehová yalni.

Ex 9:12

Palta 'ix pitb' 'el pax snab'en win rey jun 'ejm xo yuj Jehová, 'icha wal yutjnac Jehová yalni. Ma'ix schaj win yab' tas 'ix yal Moisés yet' Aarón.

Ex 7:13

Palta ma'ix schaj xon win rey chi yab' tas xyal eb' chawn̈ cha, 'icha 'ix yutj Jehová yalni. 'Ix yac' pitb'oc 'el snab'en win rey cha.

Ex 3:20

Yuj cha, 'oj in ch'ox in poder, 'oj wac' yailal to satjub'tac yilx 'a yib'n̈ jun nacion̈ cha, 'ixta 'oj wutoc, sec 'oj ex yac' 'elt win rey chi 'a libre.

Ex 10:20

Palta 'ix ya'n Jehová pitb'oc pax 'el snab'en win rey chi jun 'ejm xo, yuj cha, ma'ix 'ajx 'elt eb' israel chi yu'uj.

Ex 7:3

An xo 'oj wac' pitb'oc snab'en win rey cha, sec 'oj ste'wtzoc sb'a, ya' sb'a cha, til wal jun tzo'n̈ tas satjub'tac 'oj in ch'ox 'ilxoc 'a Egipto tic.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

2 Co 2:16

A yic tzcalnec 'a eb' wan satq'ui, lajn yab'xil 'icha sjab' junc tas tzon̈ cham yu'uj, yujto 'oj cham eb' 'a jun 'ejmn̈ej yu'uj. Ax yic tzcalnec 'a eb' wan scolchji, lajn yab'xil 'icha junc caw su'q'ui sjab' 'a sat eb', yujto wan schan eb' sq'uinl 'a jun 'ejmn̈ej yu'uj. Yuj cha, may wal junc mach 'oj techjoc yaln 'el jun 'ab'x tic 'a yol yico'.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Salmos 105:25

'Ix sjeln Dios snab'en eb' 'aj lugar cha, sec tz'och eb' 'ajc'ojlal 'a eb' schon̈b' cha, 'ixta x'aj yixtx eb' schecb' Dios chi yuj eb'.

A Ch'an̈ B'ab'el Libro Yic Yab'ixal Eb' Rey 22:22

'Ix ta'w jun espíritu chi 'ixtc 'a 'a: 'Oj 'at woch 'a sti smasnil eb' schecb' win Acab cha, ax wa'n yac' eb' 'es 'a winac, xchi. Yuj cha, xyaln Jehová 'ixtc 'a 'a: 'Ixic, 'oj stac' oj 'icha tzal cha, xchi 'a 'a.

Dt 2:36

'Ix 'el yich qui satnec 'el eb' 'a lum chon̈b' Aroer, lum 'ay 'a span̈nil sti a Arnón, masnto on̈ jawc 'a Galaad. May xon junc eb' chon̈b' chi stac' scoln sb'a 'ayn̈ec; yujto a Jehová qui Diosalec, a 'ix 'a'n eb' 'a yol qui c'ab'ec.

Gn 6:3

Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

Ex 8:32

Palta 'ix pitb' 'el pax snab'en win rey chi jun 'ejm xo, ma'ix schaj 'elt win eb' israel cha.

Ex 10:1

'Ix yaln pax Jehová 'a Moisés 'ixtic: —'At 'ilt pax win rey cha, an 'ix wa'x pitb'oc 'el snab'en win yet' eb' 'aych yajlil chi yet'oc, sec tzyil eb' jun tzo'n̈ milagro satjub'tac yilx tzin ch'oxo.

Ex 10:27

Palta an̈j 'ijnoc 'ix yac' Jehová pitb'oc 'el snab'en win rey chi jun 'ejm xo, yic matz chaj 'el win eb' israel cha.

Ex 11:9

Atn jun tzo'n̈ tic 'ix yal Jehová 'a Moisés yic yaln 'ixtic: —Ma'oj scha win rey yab' tas 'oj eyala', yuj cha, til wal tas satjub'tac yilx 'oj in ch'ox 'a Egipto tic, xchi.

Ex 11:10

A Moisés yet' Aarón 'ix laj sb'o eb' smasnil tas 'ix alx 'a 'a, atn tas satjub'tac yilx sch'ox eb' 'a yojltac win rey cha. Palta 'ix ya'x Jehová pitb'oc 'el snab'en winac, ma'ix schaj 'elt win eb' israel 'a yol yic Egipto chi muc'uc.

Salmos 78:43

A wal 'a jun tiempoal cha, a 'a Soan 'a yol yic Egipto, ata 'ix sb'o Dios jun tzo'n̈ tas niwn yel'chi, caw satjub'tac yilx 'a yib'n̈ eb' 'aj Egipto cha.

Ex 3:19

Palta wojtac to ma'oj ex scha 'elt win sreyl Egipto cha, 'ac'b'il puralil, yet' cal owlal 'oj eyaj eyelta.

Ex 8:11

'Ixta 'oj 'aj yel no pajtza tic 'a a despacho, 'a yatut eb' 'aych yajlil et'oc yet' pax 'a scal smasnil 'anma'; cojxn̈ej no 'ay 'a yojl eb' a a 'oj canoc, xchi Moisés.

Ex 8:15

Cojn wal yic 'ix yiln win rey chajtlto man̈x 'a jun yailal cha, 'ix ya'n win pitb'oc pax 'el snab'en jun 'ejm xo, 'icha wal xyutj Jehová yalni. Ma'ix schaj win yab' tas xyal Moisés yet' Aarón.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.