Ex 39:43 - Chuj San Sebastian Bible

⁴³ A yic xyiln Moisés to caw wach' x'aj 'el'ch sb'o jun tzo'n̈ tic yuj eb', 'icha yaj yaln can Jehová, 'ixta to b'i'an, xyaln can swach' paxti 'a yib'n̈ eb' chon̈b' cha.

Chuj San Mateo Bible

⁴³ Ayic ix yilan vin̈aj Moisés chi' to icha chi' ix aj sb'oel yuj eb', ix yalan vach' lolonel vin̈ d'a yib'an̈ eb'.

Ex 39:43 Referans Kwoze

2 Cr 30:27

Xlajw cha, 'ix q'ue wan lin̈n eb' ya'mal 'och sti eb' 'anma 'a Dios yet' eb' yit levitail, yic tzc'ann eb' syaxilal Jehová 'a yib'n̈ eb' chon̈ab'. Caw 'ix 'ab'x slesl eb' chi 'a satcha'an̈, atn 'a 'aj cajn Dios.

A Ch'an̈ B'ab'el Libro Yic Yab'ixal Eb' Rey 8:14

Xlajw cha, 'ix meltzj 'at q'ueln win rey chi 'a smasnil eb' israel lin̈n 'ec' ta'. 'Ix yaln win wach' paxti 'a yib'n̈ eb' smasnil.

A Ch'an̈ Schab'l Libro Samuel 6:18

Ax yic xlajw ya'n jun tzo'n̈ xajmb'al cha, 'ix yaln wach' paxti 'a yib'n̈ chon̈b' Israel 'a sb'i Jehová, jun tzta'n̈j yuj smasnil.

Salmos 104:31

Mamin Jehová, 'ayc' cab' a tzictznil 'a jun 'ejmn̈ej. Caw tzach tzalj yet' tas b'ob'il o'oj.

2 Cr 6:3

'Ix meltzj 'at q'ueln win rey chi 'a smasnil eb' yit israelal lin̈n 'ec' chi ta', xyaln win wach' paxti 'a yib'n̈ eb'.

Josué 22:6

A yic xlajw yaln can jun tzo'n̈ tic, xyaln can Josué wach' paxti 'a yib'n̈ eb', xyaln can pax sb'a eb' 'a 'a. Xlajw cha, xmeltzj eb' 'a 'aj 'aycn yet'l cha.

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Gn 1:31

Xyiln 'och Dios smasnil tas 'ix b'o'i, to caw wach' smasnil. 'Ix 'ec' junx 'ac'wal yet' junx c'u, 'ixta x'aj yec' swacl c'ual.

Salmos 19:11

A tzon̈ tennec 'och wan 'a maysch'olnil; toto yiclum tzcutjec qui b'a 'a 'a, 'oj yac' pax spac 'ayn̈ec.

Nehemías 11:2

Xlajw cha, xyaln eb' chon̈b' wach' paxti 'a smasnil eb' x'el 'a sc'ojl tz'at cajn 'a Jerusalén.

1 Cr 16:2

A yic 'ix lajw yajx jun tzo'n̈ xajmb'al cha, 'ix yaln David swach' paxti 'a yib'n̈ smasnil eb' chon̈b' 'a sb'i Jehová.

Ex 39:42

A eb' israel cha, 'ix syiclj eb' sb'on smasnil tas 'icha yaj yaln Jehová 'a Moisés.

Ex 40:1

'Ix yaln pax Jehová 'a Moisés 'ixtic:

Jeremías 13:5

Xlajw cha, in 'at 'a Perat cha, xin c'ub'n can 'el jun jal-l cha, 'icha xyutj Jehová yaln 'ayin.

Ex 7:6

Syiclj Moisés yet' Aarón sb'on 'icha tas 'ix yal Jehová.

Ex 12:28

Yajn̈j wal cha, syamn 'och eb' syiclni mto sb'on 'icha 'ix yutj Jehová yaln 'a Moisés yet' 'a Aarón.

Ex 25:9

Palta a jun lugar 'aj tzin 'aj cajn cha, smasnil tas 'oj c'anxoc 'a yojol, lajnn̈ej tz'aj sb'o'i, 'icha wal yaj yechl 'oj in ch'ox 'ayach, xchi Dios.

Lv 16:34

A jun tic ley tz'ajcn 'ayx 'a smasnil tiempo. 'A junjn ab'il tz'ajx no xajmb'al tic, yuj yajx lajwc e mul ax israel ex tic, xchi Dios. 'Icha wal 'ix yutj Jehová yalni, 'ixta xyutj Moisés yaln 'a eb' yit israelal cha.

Josué 22:7

Spacln̈ej eb' yin̈tl Manasés 'ac'b'ilx can smacl lum 'a yol yic Basán yuj Moisés. Ax spacl xo eb', a Josué a x'a'n slum eb' 'a stojlal 'aj tz'em c'u 'a a Jordán. A yic 'ix yaln can sb'a Josué 'a eb' 'ix can smacl 'a stojlal 'aj tzq'uel c'u 'a sti a Jordán, xyaln can wach' paxti 'a yib'n̈ eb',

A Ch'an̈ B'ab'el Libro Yic Yab'ixal Eb' Rey 6:38

Ax 'a yic yuxlchil ab'il yoch reyal 'a jun 'uj tzcuch Bul, swajxquil 'ujl 'a yol jun ab'il cha, 'ix lajw sb'o 'el'ch smasnil, 'icha wal yaj yechl 'a yun̈al. Uque ab'il 'ix yac' sb'o'i.

A Ch'an̈ B'ab'el Libro Yic Yab'ixal Eb' Rey 8:55

Xlajw cha, xq'ue wan lin̈an, xyaln wach' paxti 'a yib'n̈ smasnil eb' yit israelal, xyaln 'a caw 'ip 'ixtic: