Ex 37:6 - Chuj San Sebastian Bible

⁶ Sb'on pax smacl sti te caxa cha, oro 'ix 'aji. Jun metro yet' lajn̈e centímetro x'aj spac'b'il, 65 centímetro x'aj schiquin.

Chuj San Mateo Bible

⁶ Ix b'opax jun smacul nab'a oro b'aj tz'ac'ji tup mul, jun metro yed' 10 centímetro sc'atul, 70 centímetro sat.

Ex 37:6 Referans Kwoze

A Ch'an̈ Carta D'a Eb' Hebreo 9:5

Ax 'a yib'n̈ jun caxa cha, ata b'ob'il q'ue jun tzo'n̈ yechl querubín, sec chequel, to 'ayc' Dios ta'. Jen̈n 'at sc'axl eb' 'a yib'n̈ jun yet'l 'aj tz'ajx lajwc smul eb' quit chon̈b'ec. Colb'il wal jun tzo'n̈ tic tzwalb't 'ayx yuj chajtl yilx jun cha.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Gl 4:4

Palta a yic xc'och stiempoal, ya'n cot Dios Yunnal, wul 'aljnac 'el 'a jun 'ix 'icha tzon̈ 'aj calj an̈ 'anman̈ec tic. Wul ya'jnac 'och sb'a israelal. 'Ajxnac mandar yuj jun ley yic Moisés.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

1 Cr 28:11

Xlajw cha, 'ix ya'n David yechl yatut Dios 'a Salomón, yuj tas 'oj 'aj sb'o'i, a 'aj tzyal yuj scoredoral yet' jun tzo'n̈ xo n̈a 'aj tzmolx yamc'ab', yet' jun tzo'n̈ cuarto 'ay 'a cha'an̈, yet' 'a yalan̈, yet' pax jun lugar cojxn Dios 'ay yico'.

Ex 31:7

Mantiado 'aj tzin chaj in b'a eyet'oc yet' smasnil syamc'ab'il, te scaxail in trato yet' smacl yib'an̈, te mexa yet' syamc'ab'il, jun yet'l cantil nab'a oro yet' syamc'ab'il, yet'l xajmb'al yic incienso; yet'l xajmb'al 'aj tz'a smasnil no xajmb'al yet' smasnil syamc'ab'il, q'uen palagan yet' sb'achnub'al yalan̈, te pichl caw wach' tz'aj sjalxi, atn te 'oj ya'ch Aarón yet' eb' yunnal, yic 'aych eb' 'a yopiso ya'n 'och sti eb' 'anma 'ayin.

Ex 37:5

'Ix ya'n 'ec' 'a yojl eb' q'uen argoya, eb' q'uen 'aych 'a spac'b'il te caxa cha, sec wach' sb'achx b'ey te'.

Ex 37:7

Sb'on 'och yechl chawn̈ querubín 'a yib'n̈ sti smac cha, nab'a oro jun tzo'n̈ yechl cha, tenb'il b'o eb' yet' q'uen martillo.