Ex 34:28 - Chuj San Sebastian Bible

²⁸ Chawinc c'u chawinc 'ac'wl 'ix can Moisés yet' Jehová 'a sjolm lum witz cha. May xon jac tas sc'ux 'a yic jun tiempoal cha, may pax tas xyuq'uej. Atn 'a jun tiempoal cha, ata 'ix stz'ib'j can 'och jun trato 'a eb' q'uen q'uen cha, atn jun tzo'n̈ lajn̈e checnb'il.

Chuj San Mateo Bible

²⁸ A vin̈aj Moisés chi', 40 c'ual yed' 40 ac'val ix ec' vin̈ yed' Jehová d'a jolom vitz Sinaí. Malaj val jab'oc tas ix sva vin̈, malaj pax jab'oc tas ix yuq'uej vin̈ d'a jun tiempoal chi'. Ix stz'ib'anoch slolonelal strato Jehová yed' eb' chon̈ab' israel d'a q'uen q'ueen, aton lajun̈e' checnab'il.

Ex 34:28 Referans Kwoze

Ex 34:1

'Ix yaln Jehová 'a Moisés 'ixtic: —A ticnec, ach xo 'oj a tzey chab'oc q'uen q'ue'en, 'icha wal q'uen 'ix wac' 'aych 'a b'ab'el. An xo 'oj in tz'ib'c pax q'uen 'icha eb' q'uen b'ab'l xa ma' pojoc.

Dt 4:13

Ata 'ix yac' Jehová cojcoc 'el strato, atn jun lajn̈e checnb'il. 'Ix stz'ib'j 'och 'a chapachn̈ q'uen q'ue'en. 'Ix yalni to yowlal tzqui b'eylb'ejec.

Ex 24:18

'Ix 'at Moisés 'a scal jun 'asn cha, masnto xq'ue'ch 'a sjolm lum witz cha, ata 'ix can chawinc c'u, yet' chawinc 'ac'wal.

Dt 9:25

Yuj ton wal cha, yaln Jehová to tzex satli, palta an xo, in 'emcn cumn 'a yojltac 'a chawinc c'u 'a chawinc 'ac'wal.

Dt 9:18

Xlajw cha, in 'em cumn 'a yojltac Jehová, 'icha xon tzwac' yet'oc. Chawinc c'u chawinc 'ac'wl ma'in wa'i, may pax jac tas xwu'j eyaloc. 'Ixta xwutj in b'a, yujto xeya'ch e mul 'a Jehová, xe tzuntzn cot yowal.

Ex 32:16

Caw a Dios 'ix b'on eb' q'ue'en, a pax tz'ib'jnac 'och schecnb'il chi 'a eb' q'ue'en.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

2 Co 3:7

A ley yic Moisés, tz'ib'b'il can 'a jun tzo'n̈ q'uen 'icha u'un̈. A yic yajx cani, til wal stzictznil Dios 'ayc' 'a jun lugar cha. Ax eb' israel, ma'ix stac' yoch q'ueln eb' 'a sat Moisés, yujto caw tzictzni paxi. Palta a jun stzictznil cha, c'ojnc'ojnil sati. Wach'xam yopiso jun ley chi ya'n 'och chaml 'a quib'n̈ec, 'a yic sjawi, caw niwn yel'chi. Toto 'ixta 'ajnc 'el'ch jun ley chi sjawi,

Dt 9:9

In xit'c 'a sjolm lum witz Sinaí 'at in cha chapachn̈ q'uen q'uen 'aj tz'ib'b'il 'och strato Jehová b'ob'il yuj quet'ec. Ata in can chawinc c'u chawinc 'ac'wal, may xon jac tas xin c'uxu, may jac tas xwuq'uej.

Mt 4:2

Chawinq'uin̈ may tas sc'uxu, yuj cha, caw x'och swejel.

Lc 4:2

Chawinq'uin̈ x'aj ta', ax win diablo x'a'n prowal. Man̈x 'a tas 'ix sc'ux Jesús 'a jun tiempoal cha, caw x'och swejel.

Ex 34:10

'Ix yaln Jehová 'ixtc 'a Moisés: Chaj ab' tas 'oj wala'. A ticnec tzin b'ocn jun in trato tic et' 'a sat smasnil eb' et chon̈b' tic. 'Oj in b'o jun tzo'n̈ tas satjub'tac yilxi, jun tzo'n̈ to mant 'a 'aj tzb'o 'a junc nacion̈ 'a sat lum lum tic. Ax smasnil eb' 'anma ajun et' tic, 'oj yil eb' smasnil tas 'oj in b'o', caw wal satjub'tac yilx tas 'oj in b'o 'a e cal.

Dt 10:10

'Ix yaln pax Moisés: A 'a jun tiempoal cha, chawinc c'u chawinc 'ac'wl in can 'a sjolm lum witz cha, 'icha 'ix wac' 'a b'ab'el. An̈jtona', 'ix schaj pax Jehová yab' tas xwal 'a 'a, yuj cha, ma'ex satl yu'uj.

A Ch'an̈ B'ab'el Libro Yic Yab'ixal Eb' Rey 19:8

Yajn̈j cha, 'ix q'ue wan Elías cha, 'ix wa'i, xyu'n a a cha. Ax tas 'ix sc'ux cha, 'ix 'och yip yu'uj, chawinc c'u, chawinc 'ac'wl 'ix b'ey'ti yic xc'och 'a lum jolm witz Horeb, atn lum Sinaí 'aj sch'oxjnac sb'a Dios.

Dt 10:5

Xlajw cha, in pax 'emt 'a sjolm lum witz cha. 'Ix wa'n 'ejm eb' q'uen 'a yojl te caxa cha, 'icha wal xyutj Jehová yaln 'ayin, an̈ja 'ay 'ejm eb' q'uen ta ticnec, xchi Moisés.