Ex 34:11 - Chuj San Sebastian Bible

¹¹ Yicljec smasnil tas 'ix wal 'ayx tic, sec an xo 'oj wi'l eb' 'anma chi 'aj 'oj e c'och cha, atn eb' amorreo, eb' cananeo, eb' hitita, eb' ferezeo, eb' heveo yet' eb' jebuseo.

Chuj San Mateo Bible

¹¹ C'anab'ajejec masanil tas svalcan tic d'ayex. A in ol viq'uel eb' amorreo, eb' cananeo, eb' hitita, eb' ferezeo, eb' heveo yed' eb' jebuseo d'a eyichan̈.

Ex 34:11 Referans Kwoze

Ex 33:2

An 'oj wac' b'ab'ljoc jun wángel eyu'uj, a 'oj e jucb'tzani. 'Oj wi'l eb' 'anma 'ay 'a sat lum lum cha, atn eb' cananeo, eb' amorreo, eb' hitita, eb' ferezeo, eb' heveo yet' eb' jebuseo.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Dt 6:25

Yuj cha, toto wach' tzcutjec qui yiclni jun tzo'n̈ checnb'il tic 'a yojltac Jehová qui Diosalec, wach'n̈ec 'a sat, xe chi 'a eb', xchi Moisés.

Dt 6:3

'Ab'tec wal ex wit chon̈ab', caw tze b'eylb'ej jun tzo'n̈ checnb'il tic sec wach' 'oj eyel'chi. 'Oj niwtjoc e b'isul, ax eyoch niwc chon̈b'al 'a sat lum lum caw wach' cha, 'icha yutjnac Jehová qui Diosalec yaln 'a eb' qui mam quichmec.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Jn 14:21

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Dt 28:1

Toto caw yel, yiclum 'oj eyutc e b'a 'a Jehová qui Diosalec, ax e b'eylb'an smasnil jun tzo'n̈ schecnb'il tzwalcn 'ayx tic, toto 'ixta', caw niwn 'oj eyaj 'el'ch yuj 'a yib'n̈ jun tzo'n̈ xo nacion̈ 'a yolyib'n̈q'uinl tic.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

Dt 12:28

Tzcham wal eyab'n jun tzo'n̈ tzwal tic, yowlal tzeyiclj smasnil, sec wach' 'oj eyaj 'el'ch yet' eb' eyunnal b'aq'uin̈, yujto wach' tzeyutj eyiclni tas tojl 'a sat Jehová qui Diosalec.

Dt 7:19

Nac cot jun tzo'n̈ yailal 'e'nc 'a yib'n̈ eb' 'aj Egipto cha. Xeyiln pax jun tzo'n̈ milagro caw satjub'tac yilxi, yet' wal spoder Jehová on̈ yi'nec 'elt 'a jun lugar cha. 'Icha wal yutjnac Jehová eb' 'aj Egipto cha, 'ixta 'oj yutc eb' chon̈b' 'aj tzex xiw cha.

Dt 5:32

Yuj cha, yowlal tze b'eylb'ej smasnil schecnb'il Jehová qui Diosalec. Man̈ eyi'l e nab'en 'a 'a.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.

Ex 23:28

A yic mantzac ex c'och 'a lum lum cha, ax wa'n somchjoc 'el snab'en eb' 'ajc'ojl cha, ax s'at eb' 'elc eyu'uj, atn eb' heveo, eb' hitita yet' eb' cananeo.

Dt 33:27

A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

Nehemías 13:23

An̈jtona', a 'a yic jun tiempoal cha, xwiln paxi to 'ay eb' wit israelal xyij sb'a yet' eb' 'ix 'aj Asdod, eb' 'ix 'aj Amón yet' eb' 'ix 'aj Moab.

Ex 8:27

Yuj cha, yowlal tzon̈ 'at 'a cusltac lum on̈, ata 'oj 'at cac' qui xajmb'al 'a Jehová qui Diosal on̈, 'icha yutjnac yalni. 'Oxe c'u ste'nb'il jun lugar 'aj tzon̈ 'at chi 'on̈, xchi Moisés.

Josué 23:5

A Jehová a 'oj 'i'nc 'el eb' 'anma cajn 'a sat lum lum cha, ax xo, 'oj eyico'oc lu'um, 'icha wal yutjnac Jehová qui Diosalec ya'n can sti'.

1 Cr 1:14

A 'a win Canaán, ata cotnc yin̈tl eb' jebuseo, eb' amorreo, eb' gergeseo,