Ex 33:3 - Chuj San Sebastian Bible

³ 'Ixquec 'a lum lum caw wal 'ay syaxil sat cha, palta an tic, ma'oj in 'at eyet'oc, yujto caw pit eb' 'anma tic. 'Ay smay ex in satn can 'el 'a yol b'e, xchi Dios.

Chuj San Mateo Bible

³ Ixiquec d'a jun lum te yax sat chi', palta man̈ ol in b'atlaj d'a e cal, yujto te pit ex, ay smay tzex in satel d'a yoltac b'e, xchi Jehová.

Ex 33:3 Referans Kwoze

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Jeremías 11:5

Toto ax tic, 'oj eyiclc tas tzwal 'ayex, to 'ixta', 'oj wac' 'el'choc in ti wa'jnac 'a eb' e mam eyicham, yic tzwa'n jun e lu'um, atn lum caw 'ay syaxil sat 'aj 'ayx 'ec' ticnec, xchi Jehová, xa chi 'a eb', xchi 'ayin. Yuj cha, in ta'w 'ixtc 'a 'a: B'o cab' 'ixta Mamin Jehová, xin chi.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.

Nm 16:45

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi. —Ax Moisés yet' Aarón, 'ix 'em n̈ojn eb', masnto squil 'ejm eb' snan̈l sat 'a sat lu'um.

Nm 16:21

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi.

Jonás 3:10

A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.

Jonás 3:4

'Ix 'och Jonás 'a yol chon̈b' cha, 'a b'ab'l c'u 'ix yaln 'ixtc 'a caw 'ip. ¡Yic wal chawn̈q'uej ticnec, 'oj lajwc 'el chon̈b' Nínive tic! xchi.

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

Nm 16:13

¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?

Nm 14:12

A ticnec b'i'an, 'oj wa' cot junc niwquil yab'il 'a yib'n̈ jun tzo'n̈ 'anma tic, ax scham eb' yu'uj. Palta a 'ayach, ata 'oj 'el jun chon̈b' caw niwquil, caw wal jelnto 'a yib'n̈ eb' tic, xchi Dios.

Nm 14:8

Toto tz'el 'a sc'ojl Jehová tzcolwj quet'ec, 'oj cochc xon 'a lu'um, yujto a 'oj a'noc lum 'ayn̈ec. A jun lum cha, caw wal yax sat lu'um.

Nm 13:27

'Ix yaln eb' 'ixtc 'a Moisés: —On̈ xit' quil lum lum chi 'aj on̈ a checb'ti. Yel ton wal b'i'an, caw wach' lu'um, yax sat lu'um, yaj sat eb' te 'awb'ente tic 'ay 'a lu'um.

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

Ex 34:9

—Mamin, ach Wajlil, toto caw yel 'ay a tzaljc'ojlal 'ayin, tzach 'at quet' on̈ 'an, yujto a eb' a chon̈b' tic caw wal pit eb', palta comnoc tzon̈ ac' niwnc'ojlal yuj qui mul on̈, yet' qui maysch'olnil tzlaj 'och 'a ojltac, sec tzon̈ a chaj 'och a chon̈b'oc on̈, xchi Moisés.

Ex 32:14

Xlajw cha, 'ix sjeln Jehová snab'en yic matz satl eb' schon̈b' cha.

Ex 23:21

Man̈ eyi'l e b'a 'a stz'ey jun ángel cha, man̈ e pitc e b'a 'a 'a, caw tzeyiclj tas 'oj yala', yujto a tzmunlj in jeloc. A jun cha, ma'oj yac' lajwc e mul 'a eyib'an̈.

Ex 13:5

Atn 'a jun 'uj tic, 'aj tzqui nac cot jun q'uin̈ tic, yic tox on̈ c'ochc yuj Jehová 'a lum lum caw 'ay syaxil, lum 'ajtil cajn eb' cananeo, eb' hitita, eb' amorreo, eb' heveo, yet' eb' jebuseo. Atn lum yaljnac can Jehová 'a eb' qui mam quichmec, to a 'ayn̈ec tzyac' jun lum cha.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ex 33:5

Yujto alb'il can 'a Moisés yuj Jehová 'ixtic: —Al 'a eb' et israelal to an tzwal 'ixtic: Ax tic caw wal pit ex. Q'uinloc tzin c'och 'a e cal, yajn̈j am wal cha tzex in satn 'eli. A ticnec, 'ijec 'el smasnil eyumchiquin yet' e ton̈ chan̈ stojol, ax wilni tas 'oj wutc in b'a eyet'oc, xchi Dios, xchi Moisés cha.

A Ch'an̈ Schab'il Libro Yic Yab'ixal Eb' Rey 17:14

Palta ma'ix syiclj eb', caw wal pit 'ix yutj eb' snab'en 'icha eb' smam yichm eb' cha, yujto ma'ix ya'ch eb' Jehová sDiosal yipc sc'ojol.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Dt 4:24

A Jehová Dios, caw wal ow 'a junc mach tzyac' 'ejm sb'a 'a junc yechel. A yowl sc'ojl cha, lajn wal 'icha junc c'ac' tz'a smasnil tas yu'uj.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.