Ex 33:18 - Chuj San Sebastian Bible

¹⁸ —Mamin, ch'ox wal wil a tzictznil 'an, xchi Moisés cha.

Chuj San Mateo Bible

¹⁸ —Mamin, tzin tevi val d'ayach to tza ch'ox snivanil elc'och d'ayin, xchi vin̈.

Ex 33:18 Referans Kwoze

Ex 33:20

Palta tzwal 'ayach, ma'oj el xon in sat, yujto may xon junc 'anma tztac' yilni. Toto tzyila, yajn̈ej tzchami.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

2 Co 3:18

Yuj cha, man̈x 'ayc 'och jun 'icha nip chi 'a qui satc qui masnil. A ticnec, lajn on̈c 'icha junc nen 'aj tzquil qui sat, yujto cujec, tzcheclj 'el swach'l Cajlil. Yuj cha, wan slajnb'i qui nab'enec 'icha Cristo, yujto wan xo stz'acw qui wach'lec 'icha swach'il. 'Ixta wan on̈ yutnec Cajlil, atn Yespíritu Dios.

Salmos 4:6

Til wal eb' tzaln 'ixtic: Comnoc 'ay mach tzch'oxn quil wach'l cha, xchi eb'. Mamin Jehová, ch'ox quil a wach'l chi 'on̈.

Jn 14:21

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

Salmos 63:3

Yujto a 'a chamc'ojlal, yel xo wal niwn yel'ch 'a yib'n̈ in q'uinal. Yuj cha, 'oj ach in b'itnoc.