Ex 32:8 - Chuj San Sebastian Bible

⁸ Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Chuj San Mateo Bible

⁸ Yelxo val d'a elan̈chamel ix yiq'uel sb'a eb' d'a tas ix vala'. D'a elan̈chamel ix sb'o jun yechel quelem vacax eb', syac'anem sb'a eb' ejmelal d'ay. Syac'an silab' eb', syalan eb': Ex quetchon̈ab' israel, a val jun co diosal tic ix on̈ ic'anelta d'a Egipto, xchi eb'.

Ex 32:8 Referans Kwoze

A Ch'an̈ B'ab'el Libro Yic Yab'ixal Eb' Rey 12:28

A yic xlajw spaxtin win rey chi yet' eb' 'aych yajlil yet'oc, 'ix ya'n win b'o yechl chawn̈ quelm wacax, nab'a oro x'aji. 'Ix yaln 'a eb' 'anma 'ixtic: Ex wit israelal caw 'ajltac e 'atn̈j 'a Jerusalén. A ticnec yaj eb' qui diosalec on̈ 'i'nec 'elt 'a Egipto, xchi win 'a eb'.

Ex 20:23

Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Dt 9:16

Ax yic in 'emli, 'ix wilni b'ob'ilx jun yechl wacx e diosaloc. Tox 'ix 'och e mul 'a Jehová qui Diosalec. Yajn̈ej xeyi'n 'el e nab'en 'a schecnb'il tzyac' e b'eylb'oc.

Jueces 2:17

Palta a eb' israel cha, ma'ix schaj eb' yab' tas xyal eb' tzcoln eb' cha, palta to 'ix 'och tz'a'n eb' yuj jun tzo'n̈ comn dios, atn jun tzo'n̈ 'aj tzyac' 'ejm sb'a eb'. Yajn̈j cha xyi'n 'el sb'a eb' 'a jun b'eyb'al sb'eylb'ejnac eb' smam yichm eb'. A wal eb' smam yichm eb' cha, caw yiclum yutjnac sb'a eb' 'a schecnb'il Jehová, palta ax eb', man̈ 'ixta'oc xyutj sb'a eb'.

Ex 22:20

Toto 'ay mach tzyac' xajmb'al 'a tas tzalx 'och diosal, to man̈oc 'ayn an Jehová in tzyac'a, yowlal tzchami.

Ex 32:4

Schan 'ec' jun tzo'n̈ q'uen cha, xya'n 'ulb'xoc 'a scal c'ac'. Syamn 'och stenn tojlb'oc, masnto 'ix b'o 'icha yechl junc quelm wacax. Xyiln eb' 'anma cha to xb'o 'el'chi, xyaln eb' 'ixtic: Ex quit israelal, atn jun qui diosalec tic on̈ 'i'nec 'elt 'a Egipto, xchi eb'.

Ex 34:15

Yuj cha, may wal junc trato tztac' e b'on yet' eb' 'anma cajn 'a sat lum lum cha. A yic tzlaj ya'noc 'ejm sb'a eb' 'a sdiosal cha, yic tzlaj ya'nc eb' xajmb'al chi 'a 'a, toq'ue tzex yawtj eb' yic tze c'uxn jun tzo'n̈ xajmb'al chi yet' eb', caw man̈ e cha'.

Lv 17:7

Man̈x 'a wal b'a'n̈ tzeyac' e xajmb'al 'a eb' demonio, atn jun tzo'n̈ 'aj eya'jnac 'ejm e b'a. Yujn̈ej ton jun tzo'n̈ cha, yoch e mul. A jun tic ley tz'ajcn 'a e cal 'a smasnil tiempo, yet' 'a eb' eyin̈tl b'aq'uin̈.

Dt 9:12

'Ix yaln 'ayn 'ixtic: 'Ixic, paxn̈ 'ejm muc'uc, yujto a jun chon̈b'al eb' 'anma 'ix ej 'elt 'a Egipto, caw wal 'ix juw 'el eb'. Ma'ix syiclj eb' in checnb'il alb'il can wu'uj, yajn̈ej sb'on eb' jun sdiosal to nab'a oro.

Dt 32:17

'Oj eyac' e xajmb'al 'a eb' demonio, 'a eb' comn dios to man̈ eyojcoc xon 'a yic yaln̈taxi, atn jun tzo'n̈ yechl comn dios tot b'ob'il, tzat checlj cha'an̈, jun tzo'n̈ to man̈ 'ojcab'ilc xon yuj eb' qui mam quichmec.

Salmos 78:36

Tzyal eb' wach' paxti cob' yet' sti', palta caw 'es tzyac' eb'.

Josué 22:15

Smasnil jun tzo'n̈ eb' tic, x'at eb' 'a Galaad, 'a 'aj 'ayc' eb' meltzjnacx cha, xyaln eb' 'a eb' 'ixtic:

Jueces 8:24

Cojn tas tzin c'an 'ayex, comnoc tzeyac' q'uen yumchicn 'ayin yet' q'uen colc'ab' xeyij 'ec' 'a owl cha, xchi 'a eb'. —A jun tzo'n̈ cha, oron̈ej eb', yujto an̈j chi tzya'ch eb' ismaelita cha.

Nehemías 9:18

An̈jtona', a yic 'ix sb'on eb' jun yechl wacx tenb'il b'o'oc, xyaln eb' 'ixtic, atn jun qui diosalec tic on̈ 'i'nec 'elt 'a Egipto, xchi eb'. Caw wal niwquil smul eb' xya'chi, yajb'entac xyutj sb'a eb',

Salmos 106:19

A 'a yich lum witz Sinaí, ata sb'o eb' jun yechl quelm wacx nab'a oro, xlajw cha, xya'n 'ejm sb'a eb' 'a jun yechl cha.

Is 46:6

'Ay mach til wal q'uen oro tzyijq'uet 'a yol smucuc, tzyechtan pax q'uen plata 'a yojl junc 'echtab'. Tzlajw cha, tztojn junc win tenm q'ue'en, sec tzb'o win junc sdiosal win cha. A yic tzb'o 'el'chi, tzyamn 'och win ya'n 'ejm sb'a 'a yojltac jun yechl cha, tzleslwi 'och 'a 'a.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.