Ex 32:34 - Chuj San Sebastian Bible

³⁴ Ax ticnec 'an, 'ixic, 'ij 'at eb' chon̈b' tic 'a jun lugar 'aj xwal 'ayach. A jun wángel 'oj b'ab'ljoc eyu'uj, a 'oj e jucb'tzani. Palta 'ay jun c'ual, 'oj wac' syailal eb' 'anma tic yuj smul 'ix 'och 'ayin, xchi Dios.

Chuj San Mateo Bible

³⁴ Yuj chi' ixic, tzic'anb'at eb' chon̈ab' chi' d'a jun lugar ix val d'ayach. A jun vángel ol b'ab'laj eyuuj, palta ol c'och sc'ual yic ol vac'anoch syaelal eb' anima tic yuj smul, xchi.

Ex 32:34 Referans Kwoze

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

Ex 23:20

'Oj in checb't jun wángel eyet'oc yic tzex stan̈wni 'a yol b'e, ax ex yi'n 'at 'a jun lugar 'ajtil wach'x yaj wu'uj.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.

Am 3:14

A yic 'oj jawc jun c'u yic 'oj wa'nc 'och yailal 'a yib'n̈ eb' israel yuj jantc smaysch'olnilal eb' tzb'o'o, a yic cha, c'uxn 'oj in ma'cn lan̈chjoc jun tzo'n̈ yet'l xajmb'al eb' 'a Bet-el. A sch'ac jun tzo'n̈ yet'l xajmb'al cha, 'oj ma'xoc 'ejm b'uychjoc 'a sat lu'um.

Jeremías 5:29

¿Tom ma'oj wac' syailal eb' yuj jun tzo'n̈ tic? An Jehová in, an tzwala, to 'oj wac' spac yic eb' 'anma tzb'on 'icha jun tzo'n̈ tic.

Jeremías 5:9

¿Tom ma'oj wa'ch yailal 'a yib'n̈ eb' yuj jun tzo'n̈ sb'eyb'al cha? A junc chon̈b' 'ixta wal sb'eyb'al, ¿tom ma'oj wac' spac 'a 'icha wal tas smoj schani?

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Salmos 99:8

Mamin Jehová qui Diosal ach on̈, tzach ta'wn̈ej 'a eb' a checb' cha. 'Ix a'n lajwc smul eb' quit chon̈b' on̈, palta 'ix ac' syailal eb' yuj tas maysch'olnil sb'o'o.

Nm 20:16

Yuj cha, 'ix qui c'an scolwal Jehová quet'oc, 'ix yab'n yel caw 'a 'a, xya'n cot jun yángel yic on̈ yi'n 'elt 'a Egipto. Ax ticnec, caj 'a yol smacb'en Cades 'a smon̈jonal lum e lu'um.

Ex 33:2

An 'oj wac' b'ab'ljoc jun wángel eyu'uj, a 'oj e jucb'tzani. 'Oj wi'l eb' 'anma 'ay 'a sat lum lum cha, atn eb' cananeo, eb' amorreo, eb' hitita, eb' ferezeo, eb' heveo yet' eb' jebuseo.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ex 15:17

'Ij on̈ 'at 'a lum jolmctac witz to ecn̈ej yaji, jun lugar to ach si'jnac can 'eli yic tzach 'aj cajn ta.

Ex 33:12

'Ix yaln Moisés 'ixtc 'a Jehová: —Mamin, ach 'ix al 'ayin to an tzin jucb'tzej jun chon̈b' tic, palta ma'ix al 'ayin mach tzcolwj wet'oc. 'Ix aln paxi chajtlto 'ojcab'iln o'oj, 'ay a tzaljc'ojlal wet' alni.

Jeremías 23:2

A Jehová qui Diosalec an̈ israel on̈c tic, a tzaln 'ixtc 'a eb' yilmal schon̈ab', atn eb' yajl yaj 'a yib'n̈ eb': Ax tic, 'ix eyac' sactzic can 'at eb' in chon̈ab', xe xib'tj can 'at eb', ma'ix eya'ilj eb'. Yuj cha, an Jehová in, an tzwala, caw 'oj wa'ch yailal 'a eyib'n̈ yuj tas maysch'olnil tze b'o cha.

Jeremías 14:10

Atn jun tzo'n̈ tic 'ix yal Jehová yuj eb' israel: A wal eb' 'anma 'a jun chon̈b' tic, caw 'ay stzaljc'ojlal eb' sb'eyq'ui. Tz'at eb' 'a jun, tz'at eb' 'a jun. Yuj cha, caw matz in tzalj yet' eb'. A ticnec 'oj in na cot smaysch'olnilal eb', ax in b'eyc'ojlan tas tzb'o junjn eb', xchi Dios.

Os 8:13

Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.