Ex 32:27 - Chuj San Sebastian Bible

²⁷ Yuj cha, xyaln Moisés chi 'ixtc 'a eb': —A Jehová qui Diosalec a 'ix aln 'ixtic: Junjn ex tzeyij eyespada, tzex 'at 'a scal camplamento tic, tzlaj e milnc can cham eb' eyu'tac, eb' e wach'c'ojol yet' eb' cajn 'a e tz'ey, xchi Dios, xchi Moisés cha.

Chuj San Mateo Bible

²⁷ Ix lajvi chi', ix yalanpax vin̈ d'a eb': —Ix schec Jehová co Diosal val d'ayex to junjun ex tzeyic'b'at eyespada, tzex b'at d'a campamento, tzex ec' d'a caltac mantiado, tze milancham eb' eyuc'tac, eb' eyamigo yed' eb' cajan d'a e lac'anil, xchi Jehová, xchi vin̈aj Moisés chi'.

Ex 32:27 Referans Kwoze

Nm 25:5

Xlajw cha, 'ix yaln Moisés jun checnb'il tic 'a eb' yajl yaj 'a scal eb' israel, xyaln 'a eb' 'ixtic: —Junjn 'in̈tal ex, milc eb' eyican xit' yac' 'ejm sb'a 'a Baal 'aj Peor, xchi 'a eb'.

Lc 14:26

Toto 'ay mach tzjaw 'ayin, palta yel xo niwn yel'ch smam snun 'a wib'n̈ snani, yet' yistzil, yunnal, yu'tac, yanab', yet' stzatzil, toto 'ixta', matz tac' yoch in cuywumoc.

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

Ex 32:29

Xlajw cha, 'ix yaln Moisés 'a eb' levita chi 'ixtic: —A ticnec, tze chaj can eyopiso 'a yojltac Jehová, yujto ex meltzj 'och 'a eb' eyunnal, 'a eb' eyu'tac, sec 'oj yac' Dios syaxilal 'a eyib'an̈, xchi Moisés chi 'a eb'.

Ex 32:26

Ax Moisés 'ix 'och lin̈n 'a sti camplamento 'ix yaln 'ixtic: A ticnec jun, a mach tzyal sc'ojl ya'n 'och sb'a 'a yol sc'ab' Jehová, cot cab' 'a in tz'ey tic, xchi. Ax smasnil eb' yin̈tl Leví 'ix jaw eb' 'a stz'ey.

Ex 32:28

'Ix syiclj eb' levita jun checnb'il cha, 'aym 'oxe'oc mil eb' winc xcham 'a jun c'u cha.

Dt 13:6

Q'uinloc 'ay junc mach tzex c'ultac 'i'n 'at eyac' 'ejm e b'a a jun tzo'n̈ tzalx 'och diosal, atn sdiosal eb' chon̈b' oyn 'och 'a sla'nil, mto 'a snajtil 'el sti lum e lum cha, atn jun tzo'n̈ man̈ yojcoc eb' qui mam qui nun 'a pecti', man̈ e cha eyab' 'a 'a. Wach'xam a junc eyu'tac, junc eyunnal, junc eyisil, mto eyistzil chamc'ojlb'il eyu'uj, mto junc e wach'c'ojl caw wach' eyaj yet'oc, man̈ 'o'ch e c'ojl 'a 'a, man̈ junn̈joc tzeyutj e nab'en yet'oc, man̈ e c'ub'c 'eli.

Dt 13:10

A jun 'ixta snab'en cha, julc cham yet' q'uen q'ue'en, yujto tznib'j tzex yij 'el 'a stz'ey Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal.

A Ch'an̈ Schab'il Libro Yic Yab'ixal Eb' Rey 10:25

A yic 'ix lajw ya'n eb' jun tzo'n̈ xajmb'al to tz'a smasnil cha, 'ix yaln 'ixtc 'a eb' tztan̈wni eb' cha, yet' 'a eb' capitan̈: —¡'Ochn̈ec, milc cham eb'! ¡May junc eb' tz'elcni! xchi. Ax eb' soldado Jehú, 'ix syamn 'och eb' smiln cham eb' yet' espada, 'ix 'ijx 'elt eb' xcham chi 'a sti yuj eb'. Xlajw cha, 'ix 'och eb' 'a yet'l Baal 'a yol yatutal cha,

Ez 9:5

Xlajw cha, xyaln pax 'ixtc 'a jun tzo'n̈ xo ewin cha: 'Ochn̈ec tza'n yuj win tic. Tzex 'at 'a yol chon̈b' tic, tze miln can eb' 'ichmtac winac, eb' quelmtac, eb' 'ix cob'stac, eb' 'ix 'ix yet' eb' 'unin. Man̈ 'o'ch e c'ojl 'a eb'. Palta ax eb' 'aych yechl wu'uj, man̈ e mil cham eb' cha. Tze chaj 'el yich e miln eb' 'ay 'a in cajnub' tic, xchi. 'Ix 'el yich smilx eb' 'ichmtac winc chi 'a sti 'elt yatut Dios.