Ex 32:19 - Chuj San Sebastian Bible

¹⁹ Ax yic 'ix 'eml Moisés 'a sla'nil camplamento cha, 'ix yiln 'och jun yechl quelm wacx cha. Ax eb' 'anma', wan laj schan̈lwi eb', yuj cha, caw 'ix cot yowal, sjuln 'ejm eb' q'uen q'uen mec'b'il yuj cha, 'ix sma'n can poj 'a lum yich witz cha.

Chuj San Mateo Bible

¹⁹ Axo yic ix javi vin̈aj Moisés chi' d'a slac'anil campamento chi', ix yilanoch jun yechel quelem vacax chi' vin̈, axo eb' anima van schan̈alvi eb'. Ix te cot yoval vin̈, ix syumanel q'uen q'ueen b'aj tz'ib'ab'iloch checnab'il chi' vin̈, yuj chi' ix pojb'at q'uen d'a yich vitz chi'.

Ex 32:19 Referans Kwoze

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

Mr 10:14

Yic xyiln Jesús jun cha, 'ix cot yowl 'a eb', 'ix yaln 'ixtic: —Chajec cot eb' 'unn 'ayin, man̈ e tench wan eb', yujto cojn eb' lajn snab'en 'icha eb' 'unn tic, cojn eb' 'ay yaln yic yoch 'a yol sc'ab' Dios.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Zacarías 11:14

Yajn̈ej xin wecchtan 'at junx te c'occh xwac' scuch Junn̈j yaj cha, 'ixta x'aj slajw 'ejm 'u'tacab'ilal 'a scal Judá yet' Israel.

Lm 5:15

Man̈x 'a xon jac qui tzaljc'ojlal on̈. A chan̈l yic tzaljc'ojlal, 'ix meltzj 'och 'a cusc'ojlal.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

A Ch'an̈ Schab'l Libro Samuel 6:14

Ax jun chaleco nab'a lino yic eb' ya'mal 'och sti eb' 'anma 'a Dios, a 'aych yuj David, caw wal tzb'atj chan̈ yet' smasnil yip yuj tzaljc'ojlal 'a yojltac Jehová.

Dt 27:26

Catb'tzaxc cab' eb' to matz yiclni jun tzo'n̈ checnb'il tic, yet' pax eb' matz b'eylb'ani, xchi eb' levita. 'Ixta cab' tz'aji, 'oj xchic eb' chon̈ab'.

Nm 12:3

Caw yel, cojn Moisés 'emmquilal tzyutj sb'a 'a yolyib'n̈q'uinl tic.

Ex 32:11

Xlajw cha, syamn 'och Moisés sc'ann niwnc'ojlal 'a Dios yuj eb' chon̈b' cha, xyaln 'a Jehová 'ixtic: —Mamin Jehová, ¿tas wal yuj tzcot yowl a c'ojl 'a yib'n̈ eb' a chon̈b' tic, palta 'in to ach 'ix ej 'elt eb' 'a Egipto yet' 'a poder?

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

1 Co 10:7

Yuj cha, matz tac' calnec qui b'a 'a jun tzo'n̈ tzalx 'och diosal, 'icha yutjnac sb'a jun tzo'n̈ eb' 'a scal eb' cha. A Ch'an̈ Un̈ tz'ib'b'il cani, a Ch'an̈ tzaln yuj eb' 'ixtic: 'Ix laj 'em wocn eb' swa'i, 'ix laj yu'nc eb' tas tzyuq'uej. Xlajw cha, 'ix q'ue b'uynjoc eb' sb'on maysch'olnil, xlaj ya'n eb' chan̈al, xchi 'a Ch'an̈.

Ex 32:18

'Ix ta'w Moisés chi 'ixtc 'a 'a: —A jun tzo'n̈ 'aw cha, man̈ 'awc yic tz'ajx ganar owal, man̈ 'awc pax yic nan̈loc 'anma tzcham yuj owal; palta to b'it tz'och tzwab'i, xchi Moisés cha.

Ex 34:1

'Ix yaln Jehová 'a Moisés 'ixtic: —A ticnec, ach xo 'oj a tzey chab'oc q'uen q'ue'en, 'icha wal q'uen 'ix wac' 'aych 'a b'ab'el. An xo 'oj in tz'ib'c pax q'uen 'icha eb' q'uen b'ab'l xa ma' pojoc.

Salmos 119:53

A eb' 'anma maysch'olnil sb'eyb'al, tzyactj can eb' a cuynb'il, yuj cha, caw tzcot wowl yuj eb'.

Dt 10:2

Ax in tz'ib'n pax 'och jun tzo'n̈ paxti chi 'a eb' q'ue'en, atn jun tzo'n̈ 'ix wa'ch 'a eb' q'uen b'ab'l cha, eb' q'uen xa ma' pojoc. Tzlajw cha, ax a moln eb' q'uen 'a yol scaxail cha, xchi 'ayin.