Biblia Todo Logo
Bib sou entènèt

- Piblisite -




Ex 32:14 - Chuj San Sebastian Bible

14 Xlajw cha, 'ix sjeln Jehová snab'en yic matz satl eb' schon̈b' cha.

Gade chapit la Kopi

Chuj San Mateo Bible

14 Yuj chi' ix snaan Jehová to man̈xo ol satel-laj schon̈ab' chi'.

Gade chapit la Kopi




Ex 32:14
20 Referans Kwoze  

A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.


B'oc e b'eyb'al, yiclum tzeyutj e b'a 'a Jehová qui Diosalec, sec ma'oj ya' cot jun tzo'n̈ yailal xwal-l 'a eyib'n̈ cha.


'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.


palta toto a junc nacion̈ cha, tzyij 'el sb'a 'a scal maysch'olnil, to 'ixta', man̈xtzac wa' cot jun yailal chi nab'ilx wuj 'a yib'an̈.


'Ix schecn cot jun yángel 'a Jerusalén yic tzya'n lajwoc. Palta ax yic xyilni to yelc'ojlal tzlajw 'el yu'uj, yuj cha, 'ix snan sb'a sc'ojl yuj jun yailal cha, 'ix yaln 'ixtc 'a jun yángel wan smilw cham 'anma cha: ¡Colb' cha, 'ochn̈ wa'an! xchi 'a 'a. A jun yángel Jehová cha, ata 'ayc' 'a 'aj wan ste'w trigo Ornán win jebuseo.


Ax yic 'ix ya'n 'at jun ángel sc'ab' 'a yib'n̈ Jerusalén, yic tzya'n lajwc yalni, 'ix cus sc'ojl Jehová yuj tas 'ix yutj cha, yuj cha, 'ix yaln 'a jun ángel wan ya'n lajwc eb' 'anma cha, ¡Colb'xo cha, 'ochn̈ wa'an! xchi Jehová. A 'a ste'lab' trigo win Arauna jebuseo, ata 'ayc' jun ángel cha yic xyaln Jehová cha.


Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.


Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.


Toc yuj cha, 'ix milx cham Miqueas yuj win rey Ezequías, yet' yuj smasnil eb' chon̈ab'. A yic eb', to 'ix xiw eb', 'ix leslwi eb' 'a Jehová, sec tz'o'ch sc'ojl 'a eb'. Yuj cha, man̈x 'ic ya' cot Jehová jun yailal tox 'ix alx 'el 'a yib'n̈ eb' cha. Toto an̈ec tic, 'oj qui milc cham Jeremías tic, caw 'oj jawc yailal 'a quib'n̈ec, xchi eb'.


'Ix in na'a, to tzin pechcn 'at eb', tzin satn can 'el eb' 'a sat lum lum tic, sec man̈x b'a'n̈ 'oj b'inaxc eb'.


A ticnec, toto yel 'ixta', 'ac' wojcoc 'el a nab'en, sec wach' tzach wojquej 'eli, ax wa'nn̈ej tzaljoc a c'ojol. Ojc wal si'mb'il to a jun a chon̈b' tza'cn 'a yol in c'ab' tic, a chon̈b' yaji, xchi Moisés.


Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.


Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.


'Ix ta'w Jehová 'a Moisés 'ixtic: —'Oj wac' niwnc'ojlal 'a eb' israel 'icha wal tzotj a c'ann 'ayn tic, palta 'oj wac' xon syailal eb'.


'Ix yaln pax Moisés: A 'a jun tiempoal cha, chawinc c'u chawinc 'ac'wl in can 'a sjolm lum witz cha, 'icha 'ix wac' 'a b'ab'el. An̈jtona', 'ix schaj pax Jehová yab' tas xwal 'a 'a, yuj cha, ma'ex satl yu'uj.


A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.


A yic tzya'n 'och Jehová junc mach tzcolwj cha, ax tzcolwj yet'oc. Ya' sb'a pitznto jun colwjum cha, caw tzcolx 'el eb' 'a yol sc'ab' eb' 'ajc'ojl yu'uj. A yic tz'el yaw eb' yab'n syail, caw tz'o'ch sc'ojl Jehová 'a eb'.


Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.


Yuj cha, snan Jehová yuj jun tic, 'ix yaln 'ixtic: —A jun tic, ma'oj ujoc, xchi.


Yuj cha, 'ix snan Jehová yuj jun tic, 'ix yaln 'ixtic: —Ma'oj ujc pax jun tic, xchi.


Swiv nou:

Piblisite


Piblisite