Ex 30:6 - Chuj San Sebastian Bible

⁶ Tzlajw cha, tza'n 'och jun yet'l xajmb'al chi 'a yojltac 'elt te cortina 'aych yen̈loc scaxail in trato, 'a 'aj 'ay smacl te caxa 'a 'ajtil tzin chaj in b'a eyet'oc.

Chuj San Mateo Bible

⁶ Tzaq'uem jun altar chi' d'a yichan̈elta c'apac cortina ayoch yen̈uloc scaxail in trato, aton te' caxa ay smacul b'aj tz'ac'ji tup mul. Ata' ol in ch'ox in b'a d'ayex.

Ex 30:6 Referans Kwoze

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

Mt 27:51

Yajn̈j wal cha, 'ix jat snan̈l jun te nip 'aych smacloc snan̈l yatut Dios, 'ix jat cot 'a sjolom masnto x'eml sjat 'a yich. 'Ix 'ec' pax jun niwn quixcab', ax jun tzo'n̈ niwc q'ue'en, 'ix laj jati.

1 Cr 28:11

Xlajw cha, 'ix ya'n David yechl yatut Dios 'a Salomón, yuj tas 'oj 'aj sb'o'i, a 'aj tzyal yuj scoredoral yet' jun tzo'n̈ xo n̈a 'aj tzmolx yamc'ab', yet' jun tzo'n̈ cuarto 'ay 'a cha'an̈, yet' 'a yalan̈, yet' pax jun lugar cojxn Dios 'ay yico'.

Nm 17:4

Tzlajw cha, tza'n can 'och eb' te 'a yojl Mantiado 'aj tzin chaj in b'a eyet'oc, 'a yojltac 'elt te scaxail in trato, 'a 'aj tzin ch'ox in b'a 'ayex.

Lv 16:13

Tzlajw cha, tzya'n q'ue jun incienso chi 'a yib'n̈ stzac'ac' cha, tzya'n 'och 'a wojltac, ax jun tab' chi tz'a'n macchjoc 'el yib'n̈ smacl sti scaxail in trato. 'Ixta tz'aji, sec ma'oj cham Aarón cha.

Ex 40:26

Xya'n 'ajxoc 'och jun yet'l xajmb'al nab'a oro 'a yet'ul, 'a yojltac 'elt te cortina. Xya'n tz'a incienso su'q'ui sjab' 'a yib'an̈, 'icha wal yaj yaln Jehová 'a 'a.

Ex 40:5

Tza'n 'ajxoc 'och jun yet'l xajmb'al oro yic incienso 'a yojltac 'elt te scaxail trato, tz'och te cortina smacloc sti in cajnub' cha.

Ex 40:3

Tza'n 'ajxoc 'och te scaxail in trato 'a yojol, tzlajw cha, tz'och te cortina yen̈loc.

Ex 30:36

Tza tenn chojc jab'oc jun tzo'n̈ cha, tza'n 'och 'a yol Mantiado cha, 'a yojltac 'elt scaxail in trato. A jun incienso tic, niwn cab' yel'ch 'a e sat.

Ex 30:5

A 'a te acacia, ata tzac' b'o eb' te can̈nub' cha, tza'n 'ajxoc 'och oro 'a spatquil eb' te'.

Ex 30:7

'A junjn sq'uin̈b'ial, yic yorail sb'o cantil, ata tzyac' tz'a Aarón jun tzo'n̈ incienso 'a yib'n̈ jun yet'l xajmb'al cha.

1 Cr 23:13

Eb' yunnal Amram: atn Aarón yet' Moisés. Ax Aarón a si'x 'el yet' eb' yin̈tl yuj Jehová, yic tzyiln eb' jun tzo'n̈ tas to yic yaji, yic tzn̈usn eb' incienso 'a yojltac, yic tz'a'w servil eb' 'a 'a, yic tzyaln eb' wach' paxti 'a sb'i 'a smasnil tiempo.