Ex 30:29 - Chuj San Sebastian Bible

²⁹ 'Ixta tzotj a'n can 'och jun tzo'n̈ chi wico'oc; tzann̈j junc tas 'oj stench sb'a 'a 'a, tz'ochcn pax wico'oc.

Chuj San Mateo Bible

²⁹ Icha chi' tz'aj a sic'ancanoch masanil juntzan̈ chi' yic vach' vic tz'ajcani. Masanil tastac tz'och tennaj d'ay, vicxo tz'ajcani.

Ex 30:29 Referans Kwoze

Mt 23:19

Yuj cha, caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun ofrenda cha, mto a jun yet'l xajmb'al cha? A jun ofrenda cha, yujn̈ej to 'ayc' 'a yib'n̈ jun yet'l xajmb'al, yuj cha, yic Dios yaji.

Lv 6:18

A jun cha, 'oj b'on̈j 'a smasnil tiempo. A ofrenda to wic yaji, tz'ajx tz'a'oc, tzta'n̈j sc'uxn ewin yin̈tl Aarón. Tzann̈j junc tas tztench sb'a 'a jun tzo'n̈ ofrenda cha, wic tz'ajcni, xchi Dios 'a Moisés.

Ex 29:37

A 'a uque c'u cha, tza'n̈j tz'a no xajmb'al 'a yib'n̈ yet'l xajmb'al cha, yuj ya'n lajwc mul. 'Ixta wal tz'ajcn yoch jun yet'l xajmb'al chi wico'oc. Tzann̈j junc tas tztench sb'a 'a 'a, tz'ochcn pax junc chi wico'oc.

Mt 23:17

Ax tic caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun oro chi sch'ocoj, mto a jun yatut Dios cha? A jun oro cha, yujn̈ej to a 'a yatut Dios 'aychi, yuj cha, yic Dios yaji.

Ex 30:30

Tza tzicch pax perjuma chi 'a Aarón yet' 'a eb' yunnal, sec 'ixta tzotj a'n can 'och eb' ya'malc 'och sti eb' 'anma 'ayin.

Lv 8:11

An̈jtona jun perjuma cha, a stzicch uc 'ejm 'a spatquil jun yet'l xajmb'al cha, 'a yib'n̈ smasnil syamc'ab'il, 'a yib'n̈ jun niwquil palagan, yet' 'a sb'achnub'al yalan̈. 'Ixta x'ajcn jun tzo'n̈ chi yochcn 'a yopiso yu'uj.

Ex 40:10

Tza tzicch pax jun perjuma chi 'a yib'n̈ jun yet'l 'aj tz'a no xajmb'al, yet' pax 'a smasnil syamc'ab'il. 'Ixta tzotj a'n can 'och 'a yopiso, yujto wicn̈ej tz'ajcni.

Lv 8:10

Xlajw cha, xyi'n cot Moisés jun perjuma tzc'anlb'ax 'a yic tzsi'x 'och junc mach 'a yopiso, mto junc tas tz'ochcn yico'oc Dios. Stzicn 'at jun perjuma chi 'a yib'n̈ scajnub' Dios, yet' 'a yib'n̈ smasnil tas 'ay 'a yojl cha. 'Ixta wal x'aj yochcn smasnil jun tzo'n̈ chi yico'oc Jehová.

Nm 7:1

A yic xlajw ya'n b'o Moisés scajnub' Dios, 'ix stzicn 'och aceite 'a 'a, 'a smasnil syamc'ab'il, 'a yib'n̈ jun yet'l xajmb'al, yet' pax 'a yib'n̈ smasnil syamc'ab'il yic tz'ochcn 'a yopiso.