Ex 30:10 - Chuj San Sebastian Bible

¹⁰ A jun yet'l xajmb'al cha, to wicn̈ej yaji. 'A junjn ab'il tzsucn 'och Aarón chic' 'a sch'ac jun yet'l xajmb'al cha, atn schic'l no xajmb'al 'oj a'nc lajwc smasnil mul. 'A junjn ab'il 'oj sb'o eb' jun chi 'a smasnil tiempo, xchi Dios.

Chuj San Mateo Bible

¹⁰ An̈ej junel d'a yol ab'il stzicoch chic' vin̈aj Aarón d'a sch'ac altar chi', aton schiq'uil noc' silab' smiljicham yuj yac'ji lajvoc mul. Junjun ab'il tzuji jun tic d'a masanil tiempo. A jun altar chi', vic yaji, xchi Jehová.

Ex 30:10 Referans Kwoze

Lv 16:18

Tzlajw cha, tz'elt sacb'tzoc jun yet'l xajmb'al 'ayc' 'a wojltac an Jehová in. Tzyi'n cot jac schic'l no quelm wacx cha, yet' yic no chiwo, tzsucn 'och 'a sch'ac jun yet'l xajmb'al cha, tzicn 'och pax 'a spac'b'il smasnil.

A Ch'an̈ Carta D'a Eb' Hebreo 9:25

A win sat ya'mal 'och sti eb' quit chon̈b'ec 'a Dios, junjn ab'il, tz'och 'a yojl jun Lugar to cojn Dios 'ay yico', yic tzya'n jun tzo'n̈ chic' xajmb'alil. Palta man̈oc schic'l tzyac'a. Ax Cristo, may jay 'ejmoc tzyac' sb'a xajmb'alil.

Lv 23:27

A 'a lajn̈e yoch yucl 'uj cha, ata 'ay sc'ul yic tz'ajx lajwc mul. Yowlal tzeyam e b'a yic tzex 'och 'emmquilal 'ayin, tzex 'och 'a c'ajb'c'ojlal, tzeya'n tz'a eyofrenda xajmb'al-l 'ayin.

A Ch'an̈ Carta D'a Eb' Hebreo 9:7

Palta ax 'a jun schab'l cuarto cha, cojxn jun sat ya'mal 'och sti eb' 'anma 'a Dios 'ochnac. Cojn jun 'ejm tz'och 'a junjn ab'il. A yic tz'ochi, yowlal yet' schic'l no noc', yic tzya'n yuj smul, yet' pax yuj smul eb' quit chon̈b'ec.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

Apoc 9:13

'Ix yutz'n jun swacl ángel pax strompeta. Ax jun yet'l xajmb'al nab'a oro 'ayc' 'a yojltac Dios, 'ay sch'ac 'a yisquinyoal schan̈il. Ata xwab' yoch jun 'aw.

Ex 30:9

Man̈ scomn n̈usc jun tzo'n̈ xo incienso 'a yib'n̈ jun yet'l xajmb'al cha, man̈ sn̈us no xajmb'al 'a yib'an̈ mto harina, mto yal uva tzicx 'och 'a yib'an̈.

Ex 30:11

'Ix yaln Jehová 'a Moisés 'ixtic:

Lv 16:2

Yuj cha, xyaln 'ixtc 'a Moisés: Al 'a o'tac Aarón, to man̈ comnoc tz'och 'a yol jun cuarto wicn̈ej yaj in ch'ocj 'a yol in cajnub' 'a tzann̈j tiempoal, atn 'a jun lugar 'ay 'a spatquil 'och te cortina. Matz comn c'och 'a stz'ey 'aj 'ay smacl sti te scaxail trato, sec ma'oj chamoc, yujto a 'a scal jun 'asn 'ay 'a yib'n̈ smac te caxa cha, ata 'oj in paxtin yet'oc.

Lv 16:16

'Ixta wal 'oj yutc Aarón sacb'tzan jun cuarto wicn̈ej yaj in ch'ocoj, yuj smul mto yuj stenmtacl eb' eyit israelal. An̈jtona', 'ixta pax 'oj yutc sacb'tzan jun Mantiado 'aj tzin chaj in b'a eyet'oc, yujto 'ayc' eyet' 'a scal e maysch'olnilal.

A Ch'an̈ B'ab'el Libro Yic Yab'ixal Eb' Rey 1:50

Caw 'ix xiw pax Adonías chi yuj Salomón, 'ix 'at mu'c 'a scajnub' Jehová, 'ix 'och yamn 'a sch'ac yet'l xajmb'al yic tzcoln sb'a snani.

1 Cr 6:49

An̈jtona 'a jun tiempoal cha, a Aarón yet' eb' yin̈til, a eb' tz'a'n tz'a ofrenda 'a yib'n̈ yet'l xajmb'al, yet' 'a yet'l yic incienso. An̈jtona', a pax eb' tz'iln smasnil 'opiso 'a jun Lugar cojn Dios 'ay yico', yet' yic tz'ajx lajwc smul eb' yit israelal eb', 'icha wal yutjnac Moisés yalni, win schecb' Dios.

Lv 4:7

Tzb'on̈n 'och win jac schic'l no 'a sch'ac jun yet'l 'aj tz'a incienso, jun 'aych 'a wojltac 'a yol Mantiado cha. Ax smasnil schic'l no tzcani, ata tzsecx can 'ejm 'a yich jun yet'l xajmb'al 'ay 'a yojltac 'elt Mantiado cha.

Lv 4:18

Tzb'on̈n 'och win jac schic'l no chi 'a sch'ac jun yet'l 'aj tz'a incienso 'a wojltac an Jehová in, 'a yol Mantiado cha. Ax smasnil schic'l no tzcani, tzsecx can 'ejm 'a yich jun yet'l xajmb'al 'ay 'a yojltac 'elt Mantiado, 'a 'aj tz'a no xajmb'al.