Ex 29:38 - Chuj San Sebastian Bible

³⁸ 'A junjn c'u, tza'n tz'a chatcwan̈oc no quelm calnelu junjn ab'il sq'uinl 'a yib'n̈ jun yet'l xajmb'al cha.

Chuj San Mateo Bible

³⁸ Junjun c'u yovalil sn̈usji chavan̈ noc' calnel jun ab'il sq'uinal silab'il d'a yib'an̈ altar.

Ex 29:38 Referans Kwoze

1 Cr 16:40

A eb' tz'a'n no xajmb'al tz'a smasnil 'a Jehová 'a yet'l xajmb'al. 'A junjn sq'uin̈b'ial, yet' 'a junjn yemc'ual tz'ajx tz'a no', 'icha wal yaj stz'ib'x can smasnil 'a sley Jehová ya'jnac 'a chon̈b' Israel.

Dn 12:11

A yic 'oj macxoc 'och wan yajx xajmb'al tz'ajx 'a junjn c'u, yet' 'a yic 'oj 'ajxoc 'och tas yajb'il yuj Dios 'a yol scajnub' yic tzjun 'eli, 'ixta to b'i'an, ax yel yich 1,290 c'ual.

2 Cr 31:3

A win rey 'ix yac' win no scajb'il noc' xajmb'alil: no xajmb'al to tz'a smasnil 'a yic sq'uin̈b'ial yet' 'a yemc'ual, no xajmb'al to tz'a smasnil tz'ajx 'a sc'ul 'iljelal, yet' no xajmb'al yic tznax q'uin̈ yic tzpac' 'uj yet' jun tzo'n̈ xo q'uin̈ to niwn yel'chi, 'icha yaj stz'ib'x can 'a sley Jehová.

2 Cr 13:11

Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

2 Cr 2:4

A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

Dn 9:27

A jun yajl cha, caw niwnto eb' 'anma 'oj yac' pural ya'n strato yet' 'a junc xo seman, palta yic wal spacl yaj jun seman cha, ax smacn 'och wan yajx xajmb'al yet' jun tzo'n̈ ofrenda tz'ajx xoni. Ax jun yajl tz'ixtn 'el jun tzo'n̈ cha, a jun tzo'n̈ tas yajb'il el yuj Dios 'oj yac' q'ue 'a schon yatut Dios cha, 'ayc'n̈ej ta masnto 'oj ya' cot Dios tas nab'il yuj 'a yib'n̈ jun yajl cha, xchi Gabriel chi 'ayin, xchi Daniel.

Esdras 3:3

Wach'xam to tzxiw eb' 'a eb' chon̈b' 'ay 'a stz'ey eb' cha, palta 'ix scha b'oj pax chan̈ eb' jun yet'l xajmb'al chi 'a yet'l xoni. 'A junjn sq'uin̈b'ial yet' 'a junjn yemc'ual, 'ix ya'n tz'a eb' xajmb'al to tz'a smasnil yuj yijx chan̈ sb'i Jehová yuj eb'.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Dn 9:21

A yic wanto in leslwi cha, ax Gabriel jun sch'oxjnac sb'a 'ayn 'a jun in waych 'a yic yaln̈taxi, 'ix jaw jen̈n̈oc 'a in tz'ey 'aj 'ayn 'ec' cha, 'icha wal yorail yic tz'ajx xajmb'al 'a Jehová 'a yic yemc'ual.

Gn 22:7

Jab' nant wal x'at eb', 'ix yaln win Isaac 'a smam 'ixtic: —Mamin, xchi winac. —¿Tas tzal wunnal? xchi Abraham cha. —'Ilto quet' qui c'atzitz yet' qui c'ac', ¿palta 'ajtil 'ay pax no calnelu 'oj 'och xajmb'al-l cha? xchi winac.

Lv 3:5

Ax win ya'mal 'och sti eb' 'anma cha, a win tz'a'n tz'a smasnil 'a yib'n̈ yet'l xajmb'al, junn̈j tz'aj stz'a yet' no xajmb'al wan stz'a 'a yib'n̈ te c'atztz cha. A jun xajmb'al cha, caw wach' sjab' tzwab' an Jehová in.

Lv 6:9

Al 'a Aarón yet' 'a eb' yunnal, yuj sleyl tas tz'aj yajx no xajmb'al tzn̈usxi. A no noc' tz'ajx xajmb'al-l cha, yowlal tzcan no 'a yib'n̈ stzac'ac' 'a smasnil 'ac'wal, sec tz'a no'.

Nm 29:6

Tzeya'n e xajmb'al tz'ajx 'a junjn 'uj, yet' pax xajmb'al tz'ajx 'a junjn c'u, tzeyac' pax 'ixm harina ofrendail yet' yal uva, 'icha 'ix wutj walni. Atn jun tzo'n̈ tic tz'ajx tz'a 'a wojltac, to wach' sjab' tzwab'i.

2 Cr 8:13

sec wach' tz'ajx junjn macn̈ tas 'a yic sc'ul yajx xajmb'al cha, 'icha tzyal ley 'ix yalcn Moisés, tzyal 'el'chi, atn 'a sc'ul 'iljelal, 'a sc'ul yic tzpac' 'uj, yet' 'a 'oxe niwc q'uin̈ tznax 'a yol junjn ab'il, atn q'uin̈ yic tzwax 'ixm pan may yich, yet' q'uin̈ yic tzmolx sat 'awb'ente', yet' pax q'uin̈ Chinama.

Esdras 3:5

'A junjn c'u tzya'n eb' smasnil xajmb'al 'icha stzolil, tzya'n pax eb' xajmb'al yic tznan eb' q'uin̈ yic tzpac' 'uj yet' jun tzo'n̈ xo xajmb'al yic smasnil q'uin̈ to niwn yel'ch 'a Jehová. Tzya'n pax eb' smasnil xajmb'al to tz'el 'a sc'ojl eb' 'anma ya'ni.

Lv 9:17

'Ix ya'n pax ofrenda yic 'ixm sat trigo, xyi'n 'at jun jop 'ixm harina, xya'n tz'a 'a yib'n̈ yet'l xajmb'al yet' no xajmb'al tz'ajx tz'a 'a junjn sq'uin̈b'ial.

2 Cr 2:3

Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

2 Cr 29:7

'Ix smacn eb' spuertail yatut cha, xyutz'n tup eb' jun tzo'n̈ cantil, man̈xtoc xyac' tz'a eb' incienso, man̈xtoc xyac' eb' xajmb'al to tz'a smasnil 'a yatut qui Diosalec an̈ israel on̈c tic.

Ez 46:13

Ax 'a junjn sq'uin̈b'il 'a junjn c'u, yowlal tz'ajx tz'a junjn quelm calnelu xajmb'al-l 'a wojltac an Jehová in, no junjn ab'il sq'uinal, e no may spaltail.

Ez 46:15

A jun tzo'n̈ xajmb'al cha, yowlal tz'ajx 'a junjn sq'uin̈b'ial.