Ex 29:29 - Chuj San Sebastian Bible

²⁹ A spichl Aarón tzya'ch yuj yopiso, 'oj cann̈j jun tzo'n̈ chi 'a eb' yin̈tl b'aq'uin̈. 'Oj yico'oc junc yin̈tl cha, atn junc eb' 'oj 'och sjelc ya'malc 'och sti eb' 'anma 'ayin.

Chuj San Mateo Bible

^29-30 A spichul vin̈aj Aarón syac'och d'a yopisio, scann̈ej d'a eb' yin̈tilal vin̈. A junoc yin̈tilal vin̈ scan d'a yopisio, ayic tz'och d'a yol mantiado b'aj tzin ch'ox in b'a, yuj in yac'an servil d'a yol jun lugar A Inn̈ej Ay Vico', an̈ej juntzan̈ pichul chi' syac'och eb' d'a uque' c'ual ayic tz'ochcan eb' sacerdoteal.

Ex 29:29 Referans Kwoze

Nm 18:8

'Ix yaln pax Jehová 'ixtc 'a Aarón: An 'ix wac' opiso a chan smasnil ofrenda tz'ajx 'ayn yuj eb' israel tic. A jun tzo'n̈ cha, wicn̈ej yaji, palta an xo tzwac' 'aych yet' 'a eb' onnal, sec eyic tz'ajcn jun tzo'n̈ cha. A jun tic ley tz'ajcn 'a e cal 'a smasnil tiempo.

Nm 35:25

Ax eb' chon̈b' cha, a eb' tzcoln win tz'och smul chi 'a yol sc'ab' win yican junc tzcham cha. Yowlal tzya'x meltzjoc eb' jun 'ay smul chi 'a jun chon̈b' 'aj tzcol sb'a cha, tzcann̈j ta', masnto tzcham win sat ya'mal 'och sti eb' 'anma sic'b'il can 'och 'a yopiso.

Ex 40:15

Tzlajw cha, tza tzicn 'och perjuma 'a eb', 'icha wal tzotj Aarón cha. A jun perjuma tzicx can 'och 'a eb' cha, a tzch'oxn 'eli to tz'ochcn eb' 'a yopiso ya'n 'och eb' sti eb' 'anma 'ayn yet' yin̈tl 'a smasnil tiempo, xchi Dios.

Ex 30:30

Tza tzicch pax perjuma chi 'a Aarón yet' 'a eb' yunnal, sec 'ixta tzotj a'n can 'och eb' ya'malc 'och sti eb' 'anma 'ayin.

Ex 28:2

Tza'n b'o spichl o'tac Aarón. A te pichl to tzictzni yilxi, te yel xo wach', a te tzac' b'o'oc.

Ex 29:28

A jun c'aj xo no chib'j cha, yic Aarón yaj no yet' eb' yunnal. Ley tz'ajcn jun tic 'a e cal yet' eb' eyit israelal. A jun xajmb'al tzyac' eb' 'ayn an Jehová in, xajmb'al yic junc'ojlal tz'ajcni.

Ex 29:30

A junc eb' yin̈tl Aarón tz'och ya'malc 'och sti eb' 'anma cha, atn smoj yoch 'a yol Mantiado 'a 'aj tzin chaj in b'a eyet'oc, yic tzin ya'n servil 'a yol in cajnub' cha. A yic tzchan yopiso cha, yowlal 'aychn̈ej jun pichl chi yuj 'a uque c'ual.

2 Cr 13:9

'In xe pechl pax eb' ya'mal 'och sti eb' 'anma 'a Jehová, atn eb' yin̈tl can Aarón yet' eb' levita, 'in xe si'cn pax 'och eb' tz'och ya'malc 'och e ti 'a jun tzo'n̈ e comn diosal 'a yol eyico', 'icha tzb'eylb'ej jun tzo'n̈ xo nacion̈. Tzann̈j mach tzjaw yet' junc quelm wacax, yet' ucwn̈oc no mam calnelu, a xe ya'cn 'och ya'malc 'och e ti 'a jun tzo'n̈ e diosal cha, palta a jun tzo'n̈ cha, man̈ diosoc eb'.

Lv 8:1

'Ix yaln Jehová 'a Moisés 'ixtic:

Lv 16:32

Yuj cha, a yic 'oj cham win sat ya'mal 'och sti eb' 'anma cha, a junc yunnal, a 'oj 'ochx can sjeloc. 'Oj q'ue aceite 'a sjolom, ax ya'n junc xajmb'al yuj yochcn 'a yopiso cha, ax ya'n 'och te pichl lino, te ya'ilb'il yaj sb'o'i.