Ex 29:26 - Chuj San Sebastian Bible

²⁶ A no mam calnelu tzc'anx yuj yic tz'och Aarón 'a yopiso, tzej can 'elt sn̈i sc'ojl no cha. Tza b'achn 'och 'a wojltac an Jehová in, yujto ec tz'ajcn junc'aj no chib'j cha.

Chuj San Mateo Bible

²⁶ A noc' ch'ac calnel sc'anchaji ayic tz'och vin̈aj Aarón d'a yopisio, tzic'canel sn̈i' sc'ol noc'. Tza b'achanq'ue d'a vichan̈ a in Jehová in tic, yujto ic tz'ajcan jun macan̈ noc' chib'ej chi'.

Ex 29:26 Referans Kwoze

Lv 8:29

'Ix yi'n pax cot Moisés sn̈i sc'ojl no mam calnelu cha, no x'ajx yic yochnb'ilc eb' 'a yopiso, xit' sb'achnc 'och 'a yojltac Jehová. A jun chib'j cha, xyij can yico'oc, yujto 'ixta xyutj Jehová yaln 'a 'a.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Lv 7:34

A no sn̈i sc'ojl tzb'achx 'och 'a wojltac yet' no xub' 'a swach' cha, an tzwac' no 'a Aarón yet' 'a eb' yin̈til. A jun tzo'n̈ tic yicn̈ej eb' yaj 'a no xajmb'al yic junc'ojlal tzyac' eb' israel 'ayin, xchi Dios 'a Moisés.

Lv 7:31

A no xepu cha, tz'ajx tz'a no 'a yib'n̈ yet'l xajmb'al yuj win ya'mal 'och sti eb' 'anma', ax no sn̈i sc'ojl cha, yic Aarón yaj no yet' eb' yunnal.

Ex 29:27

Tzej can 'el sn̈i sc'ojl no mam calnelu cha, atn no tzb'achx 'och 'a wojltac; tz'elcn pax no sb'a'chil xub', atn no tzc'an Aarón yet' eb' yunnal yic tz'ochcn eb' 'a yopiso.

Lv 7:30

Caw a tz'i'n cot jac no tz'a chi 'a wojltac, no sn̈i sc'ojol yet' xepual, tzb'achx 'och 'a wojltac.

Lv 9:21

Palta, ax no sn̈i sc'ojol, yet' no xub' 'a swach', ton̈j xb'achx 'och no 'a yojltac Jehová, 'icha 'ix yutj yaln 'a Moisés.

Lv 14:12

Tzlajw cha, tz'ijx cot junc no quelm calnelu chi yet' 'oxe octavo aceite cha, tzb'achx 'och 'a wojltac an Jehová in. A jun cha, xajmb'al yuj stojl mul.