Ex 29:25 - Chuj San Sebastian Bible

²⁵ Tzlajw cha, tza chan 'ec' jun tzo'n̈ tic 'a yol sc'ab' eb', tza'n tz'a 'a yib'n̈ yet'l xajmb'al, junn̈j tz'aj stz'a yet' no xajmb'al cha. A jun tic, caw wal wach' sjab' tzwab'i.

Chuj San Mateo Bible

²⁵ Slajvi chi', tzic'anec' d'a yol sc'ab' eb', tza n̈usantz'a d'a yib'an̈ altar chi'. Junn̈ej tz'aj stz'a yed' noc' ch'ac calnel van stz'a silab'il, sumumi sjab' svab'i. Sn̈usjitz'a jun ofrenda chi' yuj vic'jichaan̈.

Ex 29:25 Referans Kwoze

Lv 8:28

Xlajw cha, xyi'n 'ec' pax Moisés smasnil jun tzo'n̈ tic 'a yol sc'ab' eb', xya'n tz'a smasnil 'a yib'n̈ yet'l xajmb'al, junn̈j x'aj stz'a yet' no xajmb'al cha, yuj yochnb'ilc eb' 'a yopiso. Caw wach' sjab' jun tzo'n̈ chi xyab' Jehová.

Ex 29:41

'Ixta pax tzotj junx no quelm calnelu chi 'ayn 'a yemc'ul cha. Tzac' tz'a no yet' 'ixm harina, yet' pax yal uva cha. A jun tzo'n̈ ofrenda cha, caw wal wach' sjab' tzwab'i.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

A Ch'an̈ B'ab'el Libro Samuel 2:28

Ax 'a scal smasnil eb' eyit israelal, ata ex in si'cn 'eli, yic tzex 'och ya'malc 'och sti eb' 'ayin, sec ax xo tze n̈us no xajmb'al 'a yib'n̈ yet'l 'aj tz'a'i. Tzeya'n tz'a pax incienso, 'aych cab' pax e camx chaleco eyu'uj yic tzex 'ochch 'a wojltac. An̈jtona', xwac' sc'ux eb' e mam eyichm smasnil jun tzo'n̈ ofrenda tz'ajx tz'a 'a wojltac yic tzin yi'n chan̈ eb' eyit israelal tic.

Lv 10:13

Ata tze c'ux 'a yamq'uil Mantiado, yujto a jun ofrenda tz'ajx tz'a cha, ec yaj yet' eb' onnal. Atn jun tzo'n̈ tic xyal Jehová 'ayin.

Lv 7:25

Tzann̈j mach tzchin xepual no noc' tz'ajx tz'a ofrendail 'a 'ayn an Jehová in, a jun 'anma cha, yowlal tz'ijx 'el 'a e cal.

Lv 7:5

Ax win ya'mal 'och sti eb' 'anma cha, a win tz'a'n tz'a jun tzo'n̈ chi 'a yib'n̈ yet'l xajmb'al. A jun xajmb'al cha, tz'ajx tz'a 'a wojltac an Jehová in, yuj stojl mul.

Lv 3:16

Tzlajw cha, ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxxi to tz'ajx tz'a 'a wojltac an Jehová in. An tic, wicn̈ej yaj smasnil xepual no noc' tz'ajx xajmb'alil.

Lv 3:14

A mach tz'a'n no xajmb'al chi 'ayn an Jehová in, yowlal tzyij 'el jun tzo'n̈ tic 'a no' yic tzya'n tz'a 'a wojltac: Smasnil xepual no yol sc'ojol,

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Lv 3:9

A mach tz'a'n jun xajmb'al cha, yowlal tzyij 'el jun tzo'n̈ tic 'a no' yic tzya'n tz'a 'a wojltac: No sn̈e smasnil, xepual no yol sc'ojl smasnil,

Lv 3:5

Ax win ya'mal 'och sti eb' 'anma cha, a win tz'a'n tz'a smasnil 'a yib'n̈ yet'l xajmb'al, junn̈j tz'aj stz'a yet' no xajmb'al wan stz'a 'a yib'n̈ te c'atztz cha. A jun xajmb'al cha, caw wach' sjab' tzwab' an Jehová in.

Lv 3:3

A mach tz'a'n jun xajmb'al cha, yowlal tzyij 'el jun tzo'n̈ tic 'a no' yic tzya'n tz'a 'a wojltac: Smasnil xepual no yol sc'ojol,

Lv 2:16

Ax junc eb' ya'mal 'och sti eb' 'anma', a tz'a'n tz'a jac 'ixm sat trigo cha, calb'il cab' yet' aceite yet' pax incienso, sec a tz'a'n naxc cot smasnil ofrenda chi tz'ajx 'ayin, xchi Dios.

Lv 2:9

Ata tzyac' tz'a jac jun ofrenda cha, yuj snax cot smasnil ofrenda tz'a'i. A jun ofrenda cha, caw wach' sjab' tzwab' an Jehová in.

Lv 2:2

Tzlajw cha, tzyi'n cot 'a eb' ya'mal 'och sti eb' 'anma', atn eb' yunnal Aarón. A junc eb' tz'i'n chan̈ jun jopoc 'ixm harina yet' aceite, yet' smasnil incienso, tzya'n tz'a jun ofrenda chi 'a yib'n̈ yet'l xajmb'al, yuj sch'oxn coti to a smasnil ofrenda cha, wic yaji. A jun cha, caw wach' sjab' tzwab' an Jehová in.

Lv 1:13

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc; ax win ya'mal 'och sti eb' 'anma cha, a tz'a'n tz'a no smasnil 'a yib'n̈ jun yet'l cha. A jun xajmb'al cha, caw wach' sjab' tzwab' an Jehová in.

Lv 1:9

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc. Ax win ya'mal 'och sti eb' 'anma cha, a win tz'a'n tz'a no smasnil 'a yib'n̈ yet'l xajmb'al cha. A jun xajmb'al cha, caw wach' sjab' tzwab' an Jehová in.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Ex 29:18

'Ixta to b'i'an, tza'nq'ue no chib'j chi 'a yib'n̈ yet'l xajmb'al, yic tz'a no smasnil 'a wojltac yuj yi'nb'ilc chan̈ in b'i. A jun xajmb'al tic, caw wach' sjab' tzwab'i.

Ex 29:24

Tza'n smasnil jun tzo'n̈ tic 'a yol sc'ab' Aarón yet' 'a eb' yunnal, sec ax eb' tzb'achn 'och 'a wojltac an Jehová in.

Lv 2:11

A smasnil jun tzo'n̈ ofrenda tz'ajx 'ayn 'a tas tzc'uxxi, may cab' yich, 'ixta pax no yal chab', matz tac' yajx tz'a no 'icha xajmb'al-l 'a wojltac.

Gn 8:20

'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.