Ex 29:21 - Chuj San Sebastian Bible

²¹ Ax schic'l no tzcan 'a yib'n̈ jun yet'l xajmb'al cha, tzac' scalc sb'a yet' jac perjuma tzc'anx 'a yic 'ay junc tas tz'och wico'oc. Tza tzicn 'och 'a Aarón yet' spichul. Tza'n pax 'och 'a eb' yunnal yet' spichul, sec 'ixta tz'aj eb' yochcn wico'oc yet' spichl cha.

Chuj San Mateo Bible

²¹ Axo schiq'uil noc' calnel ayoch d'a yib'an̈ altar chi' tzic'q'ue jab'oc, tza tzicanb'at d'a yib'an̈ vin̈aj Aarón yed' d'a spichul vin̈ yed' d'a yib'an̈ eb' yuninal vin̈ yed' pax d'a spatictac spichul eb'. Icha pax chi' tz'utaj aceite sc'anchaji yic sic'chaj junoc mach tz'ochcan vicoc. Icha val chi' tz'aj sic'chajcanel vin̈aj Aarón yed' eb' yuninal yed' spichul eb'.

Ex 29:21 Referans Kwoze

A Ch'an̈ Carta D'a Eb' Hebreo 9:22

Tztac' calnec, to yuj jun ley cha, yowlal tzsacb'tzax smasnil tas yet' chic'. May junc mach tzlajw can smul, toto may chic' tz'el yuj smul cha.

Lv 8:30

Xlajw cha, xyi'n cot jun perjuma yet' chic' 'ayc' 'a yib'n̈ yet'l xajmb'al. 'Ix stzicn 'at 'a yib'n̈ Aarón yet' 'a spichul, yet' 'a yib'n̈ eb' yunnal Aarón cha, yet' pax 'a spichl eb'. 'Ixta x'ajcn eb' yoch yet' spichl yico'oc Dios.

Ex 29:7

Tze'n cot jun perjuma tzc'anxi yic 'ay junc mach tz'ochcn wico'oc, tza secnq'ue 'a sjolm Aarón, sec tz'ochcn yopiso ya'malc 'och sti eb' 'anma 'ayin.

Ex 29:1

'Ix yaln pax Jehová 'ixtic: A yic 'oj 'ochcn Aarón yet' eb' yunnal ya'malc 'och sti eb' 'anma chi 'ayin, atn jun tzo'n̈ tic 'oj a b'o yet' eb': Tzej cot junc no quelm wacax yet' chawn̈oc no mam calnelu may spaltail.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

Jn 17:19

Yuj swach'loc eb', yuj cha, tzwac' in b'a 'ayach, yic wach' tz'och eb' eco'oc wal 'a yel.

Salmos 133:2

A jun tic lajn wal 'icha sja'l jun perjuma q'uenc 'a sjolm Aarón, win ya'mal 'och qui ti 'a Dios. A yic stob'x q'ue jun perjuma chi 'a sjolom, sb'ey 'emt 'a xil sti', masnto x'eml 'a sjaj te sjucn pichl winac.

Lv 14:29

Ax jacx aceite chi tzcani, tzwach' sucj can q'ue win 'a sjolm jun 'anma tzb'ox sc'ojl cha, sec 'ixta tz'aj slajw can smul jun 'anma chi 'a wojltac.

Ex 29:20

Tza miln cham no', ax jac schic'l no', tza succh 'a sjayl sti schicn Aarón 'a swach'. Tza'n 'och pax 'a yic eb' yunnal cha, tza'n 'och 'a sjolm snun sc'ab' eb' 'a swach' yet' 'a sjolm snun yoc eb' 'a swach'. Tzlajw cha, tza tzicn 'och schic'l no mam calnelu chi 'a yib'an̈ yet' 'a spac'b'il jun yet'l xajmb'al cha.

Ex 29:22

Tzlajw cha, tze'n 'el xepual sn̈e no mam calnelu cha, tz'el xepual no sch'an̈quin, yic no seyub' yet' yic no stut schab'il. Junn̈j tz'aj yelt smasnil. Tzpolx 'elt pax no sb'a'chil xub' 'a swach', yujto a no mam calnelu cha, tzc'anx no yuj yochnb'ilc eb' ya'mal 'och sti eb' 'anma 'a yopiso.

Lv 8:23

Xlajw cha, smiln cham Moisés no', xyi'n cot jab' schic'l no', sb'on̈n 'och 'a sjayl sti schicn Aarón 'a swach', 'a snun sc'ab' 'a swach' yet' pax 'a snun yoc 'a swach'.

Lv 7:35

A 'a no xajmb'al tz'ajx tz'a 'a yojltac Jehová cha, ata tz'elt yic Aarón yet' eb' yunnal, yictax sc'ul yic si'x can 'och eb' ya'malc 'och sti eb' 'anma chi 'a Dios.