Ex 29:14 - Chuj San Sebastian Bible

¹⁴ Palta ax schib'jal no wacx cha, no stz'umal yet' no stza', ata tza n̈ustz'a 'a sti 'el camplamento, yujto a jun tic, xajmb'al yic tz'ajx lajwc mul.

Chuj San Mateo Bible

¹⁴ Axo noc' chib'ej chi' yed' stz'umal noc', stza' noc', masanil juntzan̈ chi' tza n̈ustz'a d'a spatiquel campamento, yujto a jun noc' chi' silab' yaj yic tz'ac'ji tup mul.

Ex 29:14 Referans Kwoze

Lv 4:21

Tzlajw cha, tz'ijx 'el jantc to no xajmb'al chi 'a spatquil 'el camplamento. Ata tzwach' 'ajx tz'a no', 'icha wal tz'aj no tox 'ix b'inax 'a b'ab'el, yujto a jun xajmb'al cha, tz'ajx yuj smul eb' 'anma'.

Esdras 8:35

Ax qui masnil on̈ paxt 'a Babilonia cha, xcac' qui xajmb'al to tz'a smasnil 'a qui Diosalec: lajchwan̈ no quelm wacx xcac' cuj qui masnil an̈ israel on̈ tic, 96 no mam calnelu, 77 no quelm calnelu. 'Ix ca'n pax lajchwan̈ no mam chiwo xajmb'alil yic tz'ajx lajwc qui mul. Smasnil jun tzo'n̈ cha, 'ix cac' tz'a 'a yojltac Jehová.

2 Cr 29:24

Ax eb' ya'mal 'och sti eb' 'anma 'a Dios, smil cham e no', 'ix secn q'ue eb' schic'l no xajmb'al to tz'a smasnil 'a yib'n̈ yet'l xajmb'al, sec tz'ajx lajwc smul smasnil eb' israel, yujto 'ixta 'ix yutj win rey yalni.

Ex 30:10

A jun yet'l xajmb'al cha, to wicn̈ej yaji. 'A junjn ab'il tzsucn 'och Aarón chic' 'a sch'ac jun yet'l xajmb'al cha, atn schic'l no xajmb'al 'oj a'nc lajwc smasnil mul. 'A junjn ab'il 'oj sb'o eb' jun chi 'a smasnil tiempo, xchi Dios.

Lv 16:27

A no quelm wacax yet' no chiwo tz'ajx xajmb'al-l yuj ya'n lajwc mul cha, no x'ijx cot schic'l 'a yol jun cuarto to wicn̈ej yaj cha, tz'ijx 'el no 'a sti 'el camplamento. Ata tz'ajx tz'a no yet' stz'umal, no schib'jal yet' pax no stza'.

Lv 16:11

A yic lista xo yaj no smasnil, tzmiln Aarón no quelm wacx cha yic tzya'n no xajmb'al-l yuj smul, yet' pax yuj yic eb' 'ayc' 'a yol yatut, sec 'oj 'ajxc lajwc smul eb'.

Lv 16:3

A yic 'oj 'och Aarón 'a yol jun cuarto cha, yowlal tzyij cot junc no quelm wacx xajmb'al-l 'ayn yuj ya'n lajwc smul, tzyi'n cot pax junc no mam calnelu yic tz'a no xajmb'alil.

Lv 9:2

'Ix yaln 'a Aarón 'ixtic: 'Ij cot junc no quelm wacax, yic tz'och no xajmb'al-l yuj yajx lajwc a mul, yet' junc no mam calnelu, tza'n tz'a no xajmb'alil, no may spaltail, tz'a'n 'och no 'a yojltac Jehová.

Lv 8:17

Ax stz'umal yet' schib'jal no wacx cha, yet' stza no', ata x'ajx tz'a 'a spatquil 'el camplamento, 'icha wal 'ix yutj Jehová yaln 'a Moisés.

Lv 6:25

Al smasnil jun tzo'n̈ cuynb'il tic 'a Aarón yet' 'a eb' yunnal, yuj tas tz'aj yajx no xajmb'al tz'a'n lajwc mul. A no xajmb'al cha, yowlal tzmilx cham no 'a wojltac an Jehová in, 'a jun lugar 'ajtil tzmilx xon cham no noc' tz'ajx tz'a'oc, yujto wic yaji.

Lv 5:8

B'ab'el tz'ajx no 'a junc win ya'mal 'och sti eb' 'anma'. A no tz'ajx yuj mul, ton̈j tzc'uychtax 'el sjaj no', palta matz 'ijx 'el no sjolm chi 'a jun 'ejmn̈ej.

Lv 5:6

Tztac' ya'n jun 'anma chi junc no nun calnelu mto junc no nun chiwo xajmb'al-l 'ayn an Jehová in, yuj smul cha. A yuj jun xajmb'al cha, ax yajx can lajwc smul jun 'anma cha.

Lv 4:32

Toto calnelu no tzyij cot jun mach tz'a'n jun xajmb'al cha, a junc no nun calnelu may spaltail tzyij coti.

Lv 4:29

Tzyac'q'ue sc'ab' 'a sjolm no', tzmiln cham no 'a 'aj tzmilx cham xon no noc' tz'ajx tz'a xajmb'alil.

Lv 4:25

Tzlajw cha, ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no cha. A jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:3

Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Nm 19:5

Tzlajw cha, tz'ajx tz'a no wacx chi 'a yojltac Eleazar cha, tz'a pax no stz'umal, no schib'jal, no schiq'uil yet' no stza'.

Ez 43:21

Tzlajw cha, tza'n 'ijxoc cot no quelm wacx tz'ajx yuj mul cha, tza'n 'ajxoc tz'a no 'a sti 'el watut, 'a 'aj 'ay yet'ul.

Malaquías 2:3

Eyuj wal ax tic, ax wa'nto yowl in c'ojl 'a eb' eyin̈til. A no noc' tzeyij cot xajmb'alil, 'oj in julch stza no 'a e sat. Junn̈j 'oj eyaj e julx 'el ax tic yet' stza no cha.