Ex 28:21 - Chuj San Sebastian Bible

²¹ Lajchwe sb'isl eb' q'uen q'uen cha, yujto lajchwan̈ sb'isl eb' yunnal Israel, 'icha stz'ib'l junc seyo, 'ixta wal tz'ajcn 'och sb'i junjn 'in̈tal eb' 'a q'ue'en.

Chuj San Mateo Bible

²¹ Yovalil lajchave' juntzan̈ q'ueen chi' sb'oi, yujto lajchave' sb'i eb' yin̈tilal Israel. A d'a junjun q'uen q'ueen chi', ata' tz'och sb'i junjun macan̈ eb', icha yajoch sletrail junoc sello, icha val chi' tz'aj yoch b'i chi' d'a q'ueen.

Ex 28:21 Referans Kwoze

Apoc 21:12

Ax 'a stitc jun chon̈b' cha, oyn 'och smuroal caw pim, chan̈ yaj'ti, lajchwe smac 'ay 'a 'a. 'Ayc' junjn ángel 'a junjn smac. 'Ax 'a junjn smac cha, tz'ib'b'il 'och sb'i lajchw macn̈ eb' yin̈tl Israel.

Santiago 1:1

An tic, Santiago in. Ya'mal in servil Dios yet' 'a Cajlil Jesucristo. Tic tzwa't stzatzl e c'ojl ex lajchw macn̈ wit israelal, ex pucnc can 'at 'a junjn chon̈ab'.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

A Ch'an̈ B'ab'el Libro Yic Yab'ixal Eb' Rey 18:31

'Ix yi'n cot Elías lajchwe q'uen q'ue'en, yujto 'ixta sb'isl eb' yunnal Jacob, atn win 'aj alb'il yuj Jehová to Israel tz'aj sb'i.

Ex 28:11

A mach tz'a'n can 'och jun tzo'n̈ b'i chi 'a q'uen q'uen cha, a cab' junc mach yojc sb'on q'uen q'uen wach' yilxi. A tzb'on can 'och jun tzo'n̈ b'i cha, 'icha wal stz'ib'l junc seyo, 'ixta tz'ajcn 'ochi.

Ex 28:20

'A schan̈l tzol, tz'och jun q'uen topacio, jun q'uen cornalina yet' jun q'uen jaspe. A smasnil jun tzo'n̈ q'uen cha, oron̈ej syamnub'l 'aj tz'ochi.

Ex 28:22

Tza'n b'o pax jun tzo'n̈ xo q'uen cadena ch'umb'il, oron̈ej tz'aji, tz'och 'a te smacl sn̈i sc'ojol.

Ex 24:4

Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.

Job 19:24

'Ayc wal mach tz'ib'n can 'och yet' q'uen cincel 'a junc q'ue'en mto 'a q'uen plomo, sec tzcan jun tzo'n̈ chi 'a jun 'ejmn̈ej.

Zacarías 9:16

A wal 'a yic jun c'ul cha, a Jehová Dios, a 'oj colnc 'el schon̈ab', 'icha tzyutj junc 'ilm calnelu scoln 'el scalnelu. Caw wal tzictzni 'oj 'aj yilx eb' yic Dios 'a yol schon̈ab', 'icha wal q'uen q'uen man̈x jantcoc swach'l yilx 'aych 'a junc corona.