Ex 27:9 - Chuj San Sebastian Bible

⁹ 'Ix yaln pax Jehová 'ixtic: Tza'n b'o pax yamq'uil spatquil in cajnub'. A 'a spac'b'il 'a stojlal sur, ata tz'och te cortina lino ch'umb'il sat, 45 metro tz'aj 'aj tz'och te'.

Chuj San Mateo Bible

⁹ Sb'ochajpax c'apac cortina lino te vach' b'ayb'il, yic tz'och oyan smaculoc yamaq'uil ay d'a spatictac in cajnub' chi'. A d'a jun pac'an̈ d'a stojolal sur, 45 metro tz'ajb'at d'in̈an c'apac cortina chi'.

Ex 27:9 Referans Kwoze

Ez 42:3

A 'a jun spac'b'il cha, ata tzcan jun 'amc' yic yojl 'ochi, lajn̈e metro sat. Ax 'a jun pac' xo, ata 'ay pax junx 'amc' latz'b'il 'ejm q'uen 'a 'a, atn jun 'ay 'a sti 'elta. A 'a jun 'amc' cha, ata oyn 'och jun tzo'n̈ cuarto q'uelc'mb'a yaj yet' pax jun tzo'n̈ xo 'oxe piso yaj sb'o cha.

Ez 40:44

Ax 'a yol 'elt sti jun puerta 'a yojl 'och cha, 'a 'aj 'ay jun yamq'uil sti cha, ata 'ay chab'x cuarto. Jun 'ay 'a stz'ey puerta 'a stojlal norte q'ueln 'at 'a stojlal sur; ax junx 'ay 'a stz'ey puerta 'a stojlal sur q'ueln 'at 'a stojlal norte.

Ez 40:32

In yi'n pax 'och 'a 'aj 'ay jun yamq'uil yol sti puerta 'a stojlal 'aj tzq'uel c'u, 'ix yechtan jun yojl 'och cha, lajnn̈ej yechl yet' jun tzo'n̈ b'ab'l cha.

Ez 40:28

In yi'n pax 'och 'a yol 'och sti puerta, 'a 'aj 'ay jun yamq'uil sti yatut Dios 'a stojlal sur. Syamn 'och yechtan jun puerta cha, lajnn̈ej yechl yet' jun tzo'n̈ xo puerta tox xyechtej cha.

Ez 40:23

A jun puerta 'ay 'a stojlal norte, q'uelc'mb'a yaj yet' jun puerta 'ay 'a yojl 'och cha. Ax jun winc cha, xyechtej scal chab' puerta cha, 'ay 50 metro scal eb'. Lajn yaj yet' jun 'ay 'a stojlal 'aj tzq'uel c'u.

Ez 40:20

A jun puerta 'ay 'a stojlal norte 'a sti 'elt jun 'amc' 'ay 'a spatc 'elt yatut Dios cha, xyechtej pax jun winc cha, xyechtej spac'b'il, schiquin yet' jun scorredoral yol sti cha.

Ez 40:14

'Ix yechtan pax jun corredor q'ueln 'och 'a yatut Dios, lajn̈e metro junjn spac'b'il cha.

Salmos 116:19

atn 'a yamq'uil yatut, 'a yol chon̈b' Jerusalén. ¡Alx cab' wach' paxti 'a Jehová!

Salmos 100:4

'Och coyc 'a spuertail yatut Dios yic tzcalnec yuj diosal 'a 'a. A yic 'ayn̈ec 'ec' 'a yamq'uil yatut cha, qui b'itnoquec b'it yic tzcalnec qui wach' paxti 'a 'a.

Salmos 92:13

Yujto 'ayc' eb' 'a yamq'uil atut Mamin Jehová; wach' 'oj 'el'choc eb', yujto 'ayc' eb' 'a a stz'ey ach qui Diosal on̈.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

2 Cr 33:5

'Ix sb'on chan̈ jun tzo'n̈ xo yet'l xajmb'al 'a chab' yamq'uil yatut Jehová, yic tz'och win 'emmquilal 'a jun tzo'n̈ c'anal, 'a 'uj, yet' 'a c'u.

A Ch'an̈ B'ab'el Libro Yic Yab'ixal Eb' Rey 8:64

Atn wal 'a jun c'u cha, 'ix ya'cn 'och win rey chi yopiso spacl snan̈l jun 'amc' 'ay 'a yojltac yatut Jehová. Ata xyac' tz'a win no xajmb'al, yet' yofrendail sat 'awb'en, yet' xepual no xajmb'al yic junc'ojlal, yujto caw wal ma'ix yab' jun yet'l xajmb'al nab'a bronce 'ayc' 'a yojltac yatut Jehová cha, yujto caw wal niwn no'.

A Ch'an̈ B'ab'el Libro Yic Yab'ixal Eb' Rey 6:36

Xya'n pax b'o smuroal stitc 'amac', 'ox tzol q'uen pachpmb'a q'uen 'ix latz'xi, ax junx tzol te patzb' c'ute 'ix 'ochi.

Ex 40:8

Tza'n 'ajxoc 'och eb' te cortina 'a spatquil 'elt 'amac', tza'n locxocq'ue junx te cortina smacloc sti 'amc' cha.

Ex 36:17

Sb'on 'och eb' 50 scolc'ab' jun lich'n̈ cortina chi 'a jun pac' sti', an̈jtona', 'ix 'och pax 50 scolc'ab' jun schac'ajil cortina 'icha yic jun b'ab'l cha.

Ex 27:10

Junc'l yoyl tz'ejmi, junc'l pax sb'achnub'al yalan̈, to nab'a bronce, ax slocnub'al yet' smacl sjolm eb' te 'oy cha, platan̈ej tz'aji.

Ex 35:17

Tzb'on pax eb' te cortina tz'och smacloc yamq'uil scajnub' Dios, tzb'on eb' yoyal yet' sb'achnub'al yalan̈, yet' te cortina tz'och smacloc sti jun 'amc' cha.

Ex 40:33

'A slajb' xo, 'ix ya'n b'o yamq'uil scajnub' Dios yet' yic yet'l xajmb'al. Xlajw cha, xya'n 'ajxoc 'och junx te cortina smacloc sti 'amc' cha. 'Ixta 'ix 'aj sb'o 'el'ch smasnil tas 'ix yal Jehová 'a Moisés.

Nm 3:26

yet' te cortina 'aych smacloc sti 'amac', yet' pax te 'aych smacloc 'aj tzon̈ 'och 'a 'amc' cha, atn te oyn 'och 'a scajnub' Dios, yet' 'a yet'l xajmb'al, yet' pax sch'an̈l 'aych syamnub'loc.

Nm 4:26

te cortina 'aych 'a stitc yamq'uil in cajnub', te yic yet'l xajmb'al, te cortina 'aych 'a spuertail yamq'uil in cajnub', smasnil sch'an̈il yet' pax smasnil syamc'ab'il tzc'anx 'a 'a.

2 Cr 4:9

An̈jtona', 'ix sb'on pax jun 'amc' yic eb' ya'mal 'och sti eb' 'anma 'a Dios, yet' junx niwquil 'amac', x'och q'uen bronce 'a spuertail chab' 'amc' cha.

Ez 40:17

Xlajw cha, in yi'n pax 'el jun winc chi 'a 'aj 'ay jun 'amc' 'a sti 'och cha. A jun 'amc' cha, latz'b'il 'ejm q'uen 'a 'a, ax 'a stitc cha, ata oyn 'och lajn̈schawinc cotc cuarto.