Ex 27:16 - Chuj San Sebastian Bible

¹⁶ An̈jtona pax 'aj tzon̈ 'och 'a jun 'amc' cha, yowlal tz'och pax junx te cortina smacloc sti'. B'aln̈e metro tz'aj te', tzb'o te 'a te q'uic'mucnac ch'al, te púrpura, te chac yet' te lino ch'umb'il. Wach' tz'aj yoch yelwnub'l yuj mach tzb'oni. Tz'em pax chan̈e yoyal, chan̈e pax sb'achnub'al yalan̈.

Chuj San Mateo Bible

¹⁶ Axo d'a sti' amac' chi', ata' sb'ojioch junoc c'apac cortina nab'a lino b'ayb'il, nan̈al sb'alun̈il metro sat c'apac. Sb'oji yelvanub' c'apac yuj junoc jelan sb'oani. A d'a an̈ q'uic'mutz'inac ch'al, an̈ ch'al yaxmaquinac, an̈ chac ch'al sb'ochaj yelvanub' chi'.

Ex 27:16 Referans Kwoze

Ex 26:36

Tza'n b'o junx te cortina tz'och smacloc sti Mantiado, tzb'o yet' te q'uic'mucnac ch'al, te púrpura, te chac yet' te lino ch'umb'il, wach' tz'aj yoch yelwnub'l yuj mach tzb'oni.

Salmos 45:14

Wach'x yaj 'ix sb'o yet' spichul, 'ijx cab' 'at 'ix 'a win rey cha. Tza'n 'och jun tzo'n̈ eb' 'ix cob'stac 'ix yitb'eymoc 'ix, atn eb' 'ix swach'c'ojl 'ix.

Jueces 5:30

Tecnto wan spojn 'ec' win jantc tas 'ix yijcan 'ec' 'a owl cha. Wan am si'lni ewin junjnoc eb' 'ix cob'stac chi yistloc, mto chatcwan̈oc eb' 'ix 'a junjn ewinac. Am te pichl caw wach' yilx yelwnub'l xyique'ej win Sísara cha; jun am wal xyij winac, mto chab' xyij winac, am te caw wach' yaj stz'isx 'ejm yelwnub'l sat 'a schapaq'uil, am te 'oj ya'ch win 'a sjaj yujto xyac' ganar owl cha, xchi eb' 'ix.

Ex 39:29

'Ix b'o pax te jal-l 'a te lino ch'umb'il, atn te q'uic'mucnac ch'al, te púrpura yet' te chac. Wach' 'ix 'ajch yelwnub'l yuj mach xb'on cha. 'Ix b'o wal 'icha yaj yaln Jehová 'a Moisés.

Ex 36:37

Sb'on pax eb' junx te cortina x'och smacloc sti Mantiado cha, xb'o te yet' te q'uic'mucnac ch'al, te púrpura, te chac yet' pax te lino ch'umb'il, stz'isn pax 'och eb' yelwnub'al.

Ex 28:39

Tza'n b'o junc xo te pichl yel xo jucan, a te lino ch'al tz'och 'a te'. An̈jtona lino pax te ch'al tz'och 'a te sc'oxl jolm cha. Ax te sjal-l snan̈al, wach' pax tz'aj yoch yelwnub'l yuj mach tzb'oni.

Ex 26:31

Tzlajw cha, tza'n b'o junx te cortina yet' te q'uic'mucnac ch'al, te púrpura, te chac yet' te lino ch'umb'il, tza'n tz'isxoc 'och yechl eb' querubín 'a te'.

Ex 27:15

'Ixta pax 'a junx spac'b'il, tz'och uque'oc metro te cortina smacloc sti smac cha, 'oxe yoyal yet' 'oxe sb'achnub'l yalan̈.

Ex 27:17

Smasnil eb' te 'oy 'a stitc 'amc' cha, platan̈ej smacl sjolm eb' te tzq'ue'i, ax slocnub'al eb' te' yet' sb'achnub'al yalan̈, platan̈ej paxi.

Nm 3:26

yet' te cortina 'aych smacloc sti 'amac', yet' pax te 'aych smacloc 'aj tzon̈ 'och 'a 'amc' cha, atn te oyn 'och 'a scajnub' Dios, yet' 'a yet'l xajmb'al, yet' pax sch'an̈l 'aych syamnub'loc.