Ex 25:8 - Chuj San Sebastian Bible

⁸ Tze b'on junc in cajnub', sec wach' tzin can cajn 'a e cal.

Chuj San Mateo Bible

⁸ Tze b'oan junoc in cajnub', yic vach' tzin cajnaj d'a e cal.

Ex 25:8 Referans Kwoze

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.

A Ch'an̈ B'ab'el Libro Yic Yab'ixal Eb' Rey 6:13

'Oj in can cajn 'a e cal ax israel ex tic, ma'oj ex wactcani, xchi Dios.

Ex 29:45

An tic, 'oj in can cajn 'a e cal yujto e Diosal in.

Zacarías 2:10

A Jehová a tzaln 'ixtic: B'itnan̈c 'a tzaljc'ojlal ex 'aj Sión, yujto 'oj in jaw cajn 'a e cal, xchi.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

Zacarías 8:3

'Oj in meltzj pax 'a Jerusalén, yic tzin 'aj cajn 'a jun 'ejm xo. 'Ixta to b'i'an, a Jerusalén cha, 'oj scuch Chon̈b' Yiclum. Ax jun tzaln wic an Jehová in, tztac' wuj smasnil, 'oj scuch Tzaln Cojxn̈ej in 'ay wico'.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Nm 5:3

Smasnil jun tzo'n̈ 'anma cha, tz'ijx 'el eb' 'a spatquil 'el camplamento, eb' winac mto eb' 'ix 'ix, sec wach' may tas to man̈ wach'c 'ayc' 'a yojl camplamento 'a 'aj 'ayn 'ec' eyet'oc, xchi Dios.

Lv 21:12

An Jehová in, an tzwala. Matz tac' yel 'a yol in cajnub' yuj schamlil eb' cha, matz tac' to man̈x 'a yel'ch tzyutj can in cajnub', yujto 'ac'b'ilq'ue perjuma 'a sjolom yic si'x can 'och wico'oc.

Lv 4:6

Tzyac' 'ejm win yune sc'ab' 'a scal schic'l no cha, uc 'ejm tzic 'ejm win schic'l no chi 'a wojltac an Jehová in, atn 'a yojltac 'elt te cortina 'aych 'a yol in cajnub'.

Ex 15:2

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Lv 10:4

'Ix yawtn cot Moisés win Misael yet' Elsafán, atn eb' yunnal Uziel, win yican Aarón, xyaln 'a eb' 'ixtic: —Cotn̈ec ax tic, 'ijc 'el sniwnal ewin eyican xcham 'a Mantiado tic, 'ijc 'el 'a spatquil 'el camplamento, xchi 'a eb'.

A Tas Sc'ulejnac Eb' Schecab' Jesús Hechos 7:44

A yic 'ix 'ec' eb' qui mam quichmec chi 'a jun cusltac lum cha, yet' eb' jun mantiado 'a 'aj 'ay sley Dios. Atn jun yet'l ya'jnac Moisés b'o'oc, 'icha yutjnac can Dios yaln 'a 'a, yic sch'oxn jun yechl 'a 'a.

Ex 29:46

'Ixta wal 'oj eyutc eyojcan 'eli, to an ton e Diosal in, an ex wij 'elt 'a Egipto, yuj cha, tzin can cajn 'a e cal, yujto e Diosal in, xchi Dios.

Lv 26:11

'Oj in cann̈j eyet'oc, ma'oj ex in patquilc can 'eli.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Josué 22:31

Yuj cha, ax win Finees cha, atn win yunnal Eleazar, xyaln win 'a eb' 'ixtic: —A ticnec xcojquej 'el on̈, to a Jehová 'ayc' quet'ec, yujto ma'ex meltzj 'och 'ajc'ojlal 'a 'a, yuj cha, may yailal 'oj ya' cot 'a quib'n̈ec, xchi win 'a eb'.

Ex 15:17

'Ij on̈ 'at 'a lum jolmctac witz to ecn̈ej yaji, jun lugar to ach si'jnac can 'eli yic tzach 'aj cajn ta.

1 Cr 22:19

Yuj cha, a ticnec 'a'c 'och wal 'a e c'ojol, yet' 'a e nab'en e sayn 'ec' Jehová qui Diosalec. Yamc 'och e b'on chan̈ jun scajnub' Jehová qui Diosalec, sec wach' 'oj 'och te scaxail strato 'a yojol, yet' jun tzo'n̈ syamc'ab'il yatut Dios to yic yaji, xchi rey David.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Ez 37:28

A yic 'oj can jun watut chi 'a e cal 'a jun 'ejmn̈ej, atta 'oj nachjoc 'el yuj jun tzo'n̈ xo nacion̈ to sic'b'ilx 'el wuj wico'oc, xchi Dios.

Ez 43:7

xyaln 'ayn 'ixtic: Ach 'anma', atn wal jun lugar tic 'aj 'ay in despacho. Atn 'a tic 'oj in can cajn 'a e cal ax israel ex tic 'a jun 'ejmn̈ej. Man̈x b'a'n̈ 'oj spatquilc can 'el eb' et chon̈b' chi in b'i, man̈x 'oj ya'ch eb' smul sb'on chan̈ munamento 'a yib'n̈ yet'l eb' xi'lb'a 'a stz'ey watut, atn 'aj tzmucx eb' sreyl eb'.