Ex 25:37 - Chuj San Sebastian Bible

³⁷ Tza'n b'o pax uque scantilal. Tza tojlb'tzan 'och 'a yet'l cha, sec tzyac' sacq'uinlal 'a yojltac.

Chuj San Mateo Bible

³⁷ Sb'ochajpax uque' candil, tz'ac'chajem d'a yed'tal yic syac' saquilq'uinal d'a yichan̈.

Ex 25:37 Referans Kwoze

Nm 8:2

Al 'a Aarón, to a yic 'oj ya'nc 'och sc'a'l uque cantil, ata tzya' cot sacq'uinlal 'a yojltac jun yet'l cantil cha, xchi.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Apoc 1:12

Xlajwn̈ej cha, in meltzj 'at q'ueln 'a in patic yic tzwilni, mach jun chi tzaln 'ayin. Ax xwilni, 'ay uque yet'l cantil nab'a oro.

Zacarías 4:2

¿Tas tzela? xchi 'ayin. 'Ix waln 'ixtc 'a 'a: Tzwil jun sb'achnub'l cantil nab'a oro yet' jun yet'l aceite 'a yib'an̈. 'Aych uque cantil chi 'a sc'ab' jun sb'achnub'al cantil cha. A junjn cantil cha, 'ay stuboal tz'i'n b'ey yaceiteal.

2 Cr 13:11

Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

Ex 27:21

Ax Aarón yet' eb' yunnal, a eb' tz'och 'ajcuentail ya'n 'och sc'a'l jun tzo'n̈ cantil cha, sec 'ayn̈j 'och sc'a'l 'a wojltac an Jehová in tic yic tz'ec' 'ac'wl 'a yojl in Mantiado, atn 'a yojltac 'elt te cortina 'aych yen̈loc scaxail in trato. A jun tic, ley tz'ajcn 'ayx yet' 'a eb' eyin̈tl b'aq'uin̈, xchi Dios.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.

Apoc 4:5

A 'a jun despacho cha, caw tz'elt raya 'a 'a. Caw tzc'an̈ 'icha sc'an̈ c'u. Ax 'a yojltac, ata 'ay uque niwc cantil 'aych sc'aq'uil, atn Yespíritu Dios yucwn̈il.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

Jn 12:5

—A jun yal su'q'ui sjab' tic, 'aym 'oxe'oc ciente c'ul munljelal stojol. Octom xqui chon̈ec, xca'nec stojl 'a eb' meb'a', xchi cob' winac.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Jn 1:9

A jun caw yel sacq'uinl yic Dios, wulnc 'ec' 'a yolyib'n̈q'uinl tic. A tz'a'n sacq'uinl 'a spixn smasnil 'anma'.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Mt 5:14

'Icha sacq'uinal, 'ixta 'ex 'a yolyib'n̈q'uinl tic. Q'uinloc 'ay junc chon̈b' 'a junc tzalan, caw matz tac' sc'ub'x 'eli.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Pr 6:23

Yujto a jun checnb'il tic yet' jun cuynb'il tic, lajn wal eb' 'aych 'icha junc cantil 'aych sc'aq'uil. A tennb'il yet' wach' nab'enal, a tzach 'i'n 'at 'a jun b'e yic q'uinal.

Salmos 119:105

A 'a paxti', a sacq'uinl yaj 'a wojltac 'icha yoc junc cantil, a tz'a'n sacq'uinl 'a yol in b'e 'aj tzin b'eyi.

Ex 40:24

Xya'n 'ajxoc 'och jun yet'l cantil 'a yet'ul, 'a yojltac 'elt te mexa chi 'a spac'b'il 'a stojlal sur. Xya'n 'ajxoc 'och sc'a'l jun tzo'n̈ cantil 'a yojltac Jehová, 'icha wal yaj yaln Jehová 'a 'a.

Ex 37:23

An̈jtona', xya'n b'o uque cantil nab'a oro x'och 'a jun yet'l cantil cha, xya'n b'o sluchlab'il 'el stan̈il mecha, yet' yuc'b'al.

Ex 30:8

'Oj yac' tz'a pax 'a junjn yemc'ual, atn 'a yorail yoch sc'a'l cantil. 'Oj sb'o eb' jun tic 'a wojltac an Jehová in 'a smasnil tiempo.

Ex 25:38

Ax sluchlab'il 'el stan̈il mecha, yet' yuc'b'al 'aj tz'em stan̈il c'ac' cha, nab'a oro tz'aji.

Nm 4:9

Tzlajw cha, tzeyi'n cot pax junc xo te q'uic'mucnac nip, tzeya'n q'ue 'a yib'n̈ jun tzo'n̈ tic: jun yet'l cantil yet' scantilal cha, q'uen tzluchn 'el stan̈il mecha, jun tzo'n̈ yuc'b'al, yet' 'a smasnil jun tzo'n̈ vaso tzc'anx 'a aceite.

2 Cr 4:20

jun tzo'n̈ yet'l cantil to nab'a oro, jun tzo'n̈ cantil tz'ajx 'och 'a yojltac jun Lugar to cojn Dios 'ay yico',