Ex 24:10 - Chuj San Sebastian Bible

¹⁰ Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Chuj San Mateo Bible

¹⁰ Ata' ix yil sDiosal eb' vin̈. A d'a yalan̈ yoc, toxon̈ej scopopi icha q'uen zafiro te vach' yilji, icha syaxil satchaan̈.

Ex 24:10 Referans Kwoze

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Ez 10:1

Ax xwilni, a 'a yib'n̈ jun 'icha samq'uen pachn q'ue 'a yib'n̈ sjolm eb' querubín cha, ata 'ix checlj chan̈ jun 'icha yilx junc despacho, lajn wal yilx 'icha q'uen zafiro.

Apoc 4:3

A jun wocn 'ejm cha, lajn yilx sat 'icha junc q'uen jaspe, mto junc cornalina, caw tzictzni. Ax 'a jun despacho cha, ata oyn 'och jun chacpan caw tzictzni, lajn yilx 'icha junc q'uen esmeralda.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Ex 33:23

'Oj lajwc we'cni, ax wi'n pax 'el in c'ab', sec cojxn̈ej in patquil 'oj ela', al wal eln in sat, caw wal matz tac'a, xchi Dios.

Ex 33:20

Palta tzwal 'ayach, ma'oj el xon in sat, yujto may xon junc 'anma tztac' yilni. Toto tzyila, yajn̈ej tzchami.

Gn 32:30

Xya'n can Jacob sb'ic jun lugar chi Peniel, yujto xyal 'ixtic: Caw wal xwil Dios yet' in sat, palta 'in pitzn in to, xchi winac.

Apoc 21:11

Caw tzictzni jun chon̈b' chi yuj sacq'uinlal Dios. Caw tzictzni 'icha junc q'uen caw chan̈ stojol, 'icha q'uen jaspe. Lajn yilx yet' junc cristal, tzc'axw 'ec' qui sat 'a spatic.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

Jn 14:9

Yuj cha, 'ix yaln pax Jesús 'a 'ixtic: —Felipe, 'in niwn xo tiempo 'ayn 'ec' eyet'oc. ¿Tom mant in ojcoc, mach in? A eb' tzin 'ilni, tzyal 'el'chi wan yiln eb' qui Mam Dios. Yuj cha, ¿tas yuj tzat al 'ayin: Ch'ox quil a Mam chi 'on̈, xa chi?

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

Jn 6:46

Man̈toc tzwala, toto 'ay junc mach 'ix 'iln qui Mam Dios. Palta an tic cotnc in 'a 'a, cojn in wiljnac.

Cantares 6:10

¿Mach jun chi tzch'ox sb'a cha, 'icha sch'oxn sb'a yoc c'u 'a yic tzq'uin̈lb'i? Lajn wal sja'l yilx 'icha 'uj, tzictzni yilx 'icha yoc c'u. 'Ay xo smay yilx 'icha nan̈loc eb' soldado 'aych 'a yol b'e, xchi eb'.

A Ch'an̈ B'ab'el Libro Yic Yab'ixal Eb' Rey 22:19

Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Ex 24:11

'Ix yil eb' Dios, palta may x'aj eb' yu'uj, xwa eb', xyu'j pax eb' tas 'a yojltac.

Nm 12:8

q'uelc'mb'a wal tzin 'aj in paxtin yet'oc, jichn tzwutj paxtinc in b'a 'a 'a, tzin yilchj wal si'mb'il. ¿Tas pax yuj tze te'wtzej e b'a eyaln speclal? xchi Dios 'a eb' chawn̈ cha.

Cantares 5:14

A sc'ab' na, lajn yilx 'icha junc q'uen oro xoyn xoj yaj sb'o'i, a q'uen topacio 'aych 'a spatic; ax sniwnal na, lajn yilx 'icha q'uen marfil, ax q'uen zafiro 'aych yelwnub'loc.

Lm 4:7

A eb' 'aych yajlil 'a yol in chon̈b' tic, 'a 'a pecti', caw wach' yilx sniwnal eb' 'icha q'uen rubí, mto 'icha yilx q'uen zafiro.

Ez 1:1

An Ezequiel in tic, yunnaln win Buzi, an xin tz'ib'j jun libro tic. Ya'mal 'och sti eb' 'anma waj 'a Dios. Ata 'ayn 'ec' 'a sti jun a a tzcuch Quebar 'a yol yic Babilonia. 'Ayn 'och 'a scal eb' 'aj Judá 'ijxnac cot 'icha presoal. A 'a yic yol c'u yoch schan̈l 'uj yic ab'il 30, atn 'a yic tox 'ix 'ec' o'e ab'il yijx cot win rey Joaquín 'icha presoal, ata 'ix wil jun tic, 'icha to 'ix jacw satcha'an̈, 'ix sch'oxn sb'a Jehová Dios 'ayin, xya'n jawc spoder 'a wib'an̈.

Dn 10:17

An a checb' in tic, ¿tas wal 'oj wutc paxtinc in b'a et' ach wajlil? Caw man̈x 'a wip, man̈xtzac stac' wi'n wic' tzwab'i, xin chi 'a 'a.

Gn 32:31

Wan xo wal yec' win Jacob 'a Peniel cha, yic xq'uel c'u; yujto x'el xub' winac, caw tz'em sb'eyi.

2 Cr 6:17

A wal ticnec jun Mamin Jehová, ach qui Diosal on̈, 'el'ch cab' tas 'aj a'jnac can a ti cha.