Ex 23:33 - Chuj San Sebastian Bible

³³ May cab' eb' tzcan eyet' 'a yol e chon̈ab', sec wach' ma'oj ex sjucb'tzoc eb' 'a tas maysch'olnil 'a in sat. Palta toto tzeyac' servil sdiosal eb' cha, wal yel mun wal ax tzeyixtj 'el e b'a, xchi Dios 'a Moisés.

Chuj San Mateo Bible

³³ Man̈xo pax e chacan eb' d'a yol e chon̈ab', yic vach' max ex scuchb'ej eb' e c'ulan chucal d'ayin. Tato tzeyaq'uem e b'a d'a sdiosal eb' chi', a ex val tzeyixtejb'at e b'a syal chi', xchi Jehová d'a vin̈aj Moisés chi'.

Ex 23:33 Referans Kwoze

Salmos 106:36

xya'n servil eb' sdiosal eb' chuc chon̈b'al. Atn wal yuj jun tzo'n̈ cha, 'ix juw 'el eb'.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Jueces 2:3

Yuj cha, tzwaln pax 'ayx ticnec: Ma'oj wi'l eb' chon̈b' chi 'a eyojltac. 'Oj 'och eb' 'ajc'ojlal 'ayex; ax sdiosal eb', 'icha ya'al, 'ixta 'oj 'ajcn eb' 'ayex, xchi 'a eb'.

Josué 23:13

eyojc xon wal b'i'an, to a Jehová man̈x 'oj yi'l jun tzo'n̈ eb' 'anma chi 'a e cal. 'Oj sc'anlb'oc eb' 'icha junc ch'an̈ ya'al sec tzex 'em yuj eb'. 'Icha no tz'um tz'och 'a yich e patic, 'icha pax te q'uix tz'at 'a yol e sat, 'ixta 'oj ex yutc eb', masnto 'oj e satl 'a sat lum lum caw wach' 'ix yac' Jehová Dios 'ayn̈ec.

Ex 34:12

A yic tzex c'och 'a sat lum lum cha, may junc trato wach' e b'on yet' eb' 'anma chi ta', sec wach' ma'oj ex yixtc eb'.

Dt 12:30

Tzcham wal eyilni, man̈ ex 'och tza'n yuj sb'eyb'al eb' 'anma cha, man̈ e c'anb'c 'eq'ui tas tzyutj eb' ya'n 'ejm sb'a 'a sdiosal cha, yic wach' 'ixta tzeyutj e b'a jun xo.

2 Ti 2:26

Yujto a eb' cha, 'icha to yamb'il eb' yuj win diablo, sec tzb'o eb' tas tznib'j winac. Palta toto tzna sb'a eb', 'oj colchjoc can 'el eb' 'a yol sc'ab' winac.

2 Cr 33:9

Palta ax Manasés cha, a 'ix jucb'tzan eb' 'aj Judá, yet' eb' 'aj Jerusalén 'a maysch'olnil. Yel xo 'ec'b'al stul eb' 'a yib'n̈ stu b'eyb'al jun tzo'n̈ nacion̈ 'ix satl Jehová 'a 'aj 'ayc' eb' cha.

A Ch'an̈ B'ab'el Libro Yic Yab'ixal Eb' Rey 14:16

Yuj cha, 'oj on̈ ya'c 'och Jehová 'a yol sc'ab' jun tzo'n̈ xo chon̈ab', yuj wal smul win Jeroboam 'ix ya'chi. Yuj winac, 'ix 'och qui mulec, xchi win Ahías.

A Ch'an̈ B'ab'el Libro Samuel 18:21

'Ix snan Saúl 'ixtic: 'Oj wac' 'ix wisl tic yistloc win David, sec yuj 'ix ax ya'x ganar David yuj eb' filisteo, xchi. Yuj cha, xyaln Saúl chi 'ixtc 'a David 'a scha'ejmal: —A ticnec b'i'an, 'oj och in n̈i'oc, xchi cob' winac.

Ex 10:7

'Ix yaln ewin 'aych yajlil yet' win rey chi 'ixtic: —¿B'a'n̈ wal 'oj yactc jun winc tic on̈ yixtnec? ¿Tas yuj matz a chaj 'at jun tzo'n̈ 'anma chi 'at yac' 'emmquilal 'a Jehová sDiosal cha? ¿Tom matz a na jab'oc, to wan slajw 'ejm qui nacion̈ec tic? xchi eb'.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Dt 20:18

sec ma'oj ex scuy eb' e b'on jun tzo'n̈ tas yajb'entac tzlaj sb'o', yic tzya'n 'ejm sb'a 'a jun tzo'n̈ scomn diosal eb'. Tze satl eb' sec matz 'och e mul 'a Jehová Dios yuj eb'.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Jueces 2:2

toto may b'a'n̈ tze b'o junc e trato yet' eb' 'anma cajn 'a jun lum tic. A eyico', to tze satl jun tzo'n̈ yet'l xajmb'al eb', xin chi 'a eb'. Palta ax tic, ma'ix eyiclj tas xwala. ¿Tas yuj tennmtac xe yutj e b'a?