Ex 22:18 - Chuj San Sebastian Bible

¹⁸ Smasnil eb' 'ix b'alum, yowlal tzcham eb' 'ix.

Chuj San Mateo Bible

¹⁸ Masanil eb' ajb'aal, yovalil scham eb'.

Ex 22:18 Referans Kwoze

Lv 20:27

Toto 'ay junc winac mto junc 'ix 'ix tzyal to tzc'umj spixn eb' chamnc 'anma', mto tzyalch sb'a 'ajchumal, a jun 'anma cha, yowlal tzjulx cham yet' q'uen q'ue'en, mun a tzyij cot chaml 'a yib'an̈, xchi Dios.

A Ch'an̈ B'ab'el Libro Samuel 28:3

A yic scham Samuel, smasnil eb' israel 'o'n̈c eb' yu'uj, smucn eb' 'a schon̈ab' atn 'a Ramá. Ax Saúl yajn̈ej spechn 'el eb' cob' jeln snan 'el junc paxti', yet' eb' tzcob' yal to tzc'umj spixn eb' chamnc 'anma 'a scal chon̈b' Israel.

Lv 20:6

Toto 'ay mach tz'at sc'anb'c sb'a 'a eb' 'ajchum mto 'a eb' tzyal to tzc'umj spixn eb' chamnc 'anma', tzyiclni tas tzyal eb', an xo 'oj wac' yowlal 'a 'a, ax in satn 'el 'a scal yit chon̈ab'.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

Lv 19:31

Man̈ e c'anb'c e b'a 'a eb' tzyal jelnal sb'a, mto 'a eb' 'ajchum, sec wach' matz ex juw 'el yuj eb'.

Lv 19:26

Man̈ e chi no chib'j matz 'el schiq'uil. Man̈ e cuy e b'a e nan 'el paxti', mto 'ajchumal.

Is 19:3

'Oj wac' somchjoc 'el snab'en eb', man̈x 'oj nachjoc 'el yuj eb' tas 'aj tzc'och eb'. Yuj cha, ax sc'anb'n sb'a eb' 'a eb' comn dios, 'a eb' wayjel, 'a eb' tzc'umn spixn eb' chamnac yet' 'a eb' 'ajchum.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

A Tas Sc'ulejnac Eb' Schecab' Jesús Hechos 19:19

'Ay pax nan̈l eb' creyente ya'ljnac wayjlil. 'Ix yi'n cot eb' jun tzo'n̈ yun̈al 'aj tzcuy eb' jun wayjlil cha. 'Ix sn̈usn tz'a eb' 'a sat eb' smasnil. 'Ix sb'isn 'el eb', jantc stojl jun tzo'n̈ ch'an̈ un̈ cha. 'Aym junc 50,000 dracma 'ix 'el'chi.

A Ch'an̈ B'ab'el Libro Samuel 28:9

—Ach tic ojtac tas 'ix 'aj eb' jeln snan 'el junc paxti', yet' eb' tzc'umn spixn eb' chamnac, to 'ix pechx 'el eb' 'a yol qui chon̈b'ec yuj Saúl. ¿Tas yuj tza say tas tzin 'aj wajx ganar yic tzin milx chamoc? xchi jun 'ix cha.

Jeremías 27:9

Yuj wal cha, man̈ e cha eyab' tas tzyal jun tzo'n̈ eb' tzaln 'ayex to matz eya'ch e b'a 'a yaln̈ schecnb'il win Nabucodonosor sreyl Babilonia. A eb' tzaln jun tzo'n̈ cha, atn eb' tztac' snan 'el paxti yalni, eb' tztac' yaln tas tzyal 'el'ch junc wayich, eb' wayjel, eb' tzalni tas 'oj ujc b'aq'uin̈.

Jeremías 27:10

Palta a tas tzyal eb' cha, 'esn̈j smasnil. A tas 'oj eyic' 'a 'a, to 'oj eyijx 'at 'a junc xo chuc nacion̈al. An 'oj ex in pechcn 'ati, ata 'oj e chami.

Lv 18:23

May cab' mach tzmuln yet' no noc', sec matz juw 'el yuj jun cha. 'Ixta pax 'ix 'ix, may cab' junc 'ix 'ix tzmuln yet' no noc' cha, yujto caw yajb'entac jun cha.

Dt 27:21

Catb'tzaxc cab' eb' tzmuln yet' no noc', xchi eb' levita. 'Ixta cab' tz'aji, 'oj xchic eb' chon̈ab'.