Ex 21:2 - Chuj San Sebastian Bible

² Toto 'ay junc win eyit chon̈b' tze mana, yic tz'och e mosooc, cojn waque ab'il tzmunlj 'ayex, ax 'a yucl ab'il tzyica'an sb'a, may tas tztojo yic tzyica'an pax sb'a cha.

Chuj San Mateo Bible

² Tato ay junoc vin̈ eyetchon̈ab' tze mana' yic tz'och e checab'oc, an̈ej vaque' ab'il smunlaj vin̈ eyed'oc, axo d'a yuquil ab'il tzeyac'anel vin̈ d'a libre, yicxo sb'a vin̈. Malaj tumin syac' vin̈ yic tzeyac'anel vin̈ d'a libre chi'.

Ex 21:2 Referans Kwoze

Dt 15:18

Man̈ tuc cab' tzeyab'i, yic tzeya'n 'el eb' e moso 'a libre, eb' man̈ yico'oc sb'a, yujto waque ab'il pax tzex yac' servil eb', ax stojl eb', cojn spacl 'aj tzq'ue'ch 'icha tzeyutj e tojn junc e majn tz'acn tzyij stojl 'a junjn c'u. Toto 'ixta', 'oj yac' Jehová Dios syaxilal 'a yib'n̈ smasnil tas tze b'o'o.

Ex 12:44

A ewin e moso to manb'il eyu'uj, toto 'ac'b'ilx circuncidar ewinac, tztac' schin eb' no' yet' eb' 'ix eya'mal servil.

Nehemías 5:8

Xlajw cha, xwaln 'a eb' 'ixtic: An̈ tic on̈, caw 'ix cac' 'ip qui coln 'el eb' quit chon̈b'ec chon̈b'il can 'at 'a jun tzo'n̈ xo nacion̈, ¿tom 'oj e chon̈x 'at eb' quit chon̈b'ec, an̈ xo 'oj qui manl eb' jun 'ejm xo on̈? xin chi 'a eb'. Caw sictac xoj xcan eb', man̈xtoc xnachj 'el yuj eb' tas xyutj eb' sta'wi.

Dt 31:10

'Ix yaln can jun ley tic 'ixtc 'a eb': A yic tz'acw junjn yuctquil ab'il, yic 'aych q'uin̈ chinama, ata tz'ajx niwnc'ojlal smasnil sb'oc eb' 'anma'.

Dt 15:1

'Ix yaln pax Moisés 'ixtic: 'A junjn yuctquil ab'il, tzeya'n lajwc sb'oc eb' to 'ay sb'oc 'ayex.

Ex 22:3

Palta toto c'ul tzyamchji, ax tz'aji tzmilxi, to 'ixta', 'ay pax yowlal schami. A junc 'elc'm tzyamchji, yowlal tztoj tas 'ix yel'j cha, palta toto may stumin, tztac' schon̈x 'eli, sec tztac' stojn tas tzyel'j cha.

1 Co 6:20

yujto manb'iln̈ec xo 'eli. Yuj cha, yowlal caw wach' tzcutjec ca'n cuenta qui niwnalec tic, tzqui ch'oxnec 'el qui b'a, to caw niwn yel'ch Dios.

Mt 18:25

Palta a jun winc cha, caw may stumin, man̈xtzac stac' ya'n meltzjoc jun tzo'n̈ sb'oc cha. Yuj cha, tzyaln win rey cha, to yowlal tzchon̈x 'el win yet' yistzil, yet' yunnal yet' jantcn̈ej tas 'ay 'a 'a, sec toq'ue tztup sb'oc win cha.

A Ch'an̈ Schab'il Libro Yic Yab'ixal Eb' Rey 4:1

'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic: —A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.

Gn 27:36

—Tom yuj chi jun sb'in can ni Jacob. Xchalal xo in yixtn ni tic, b'ab'el 'ix yijcan 'ec' ni in macl yic b'ab'l 'unnab'ilal, ax pax ticnec; tzyi'n can pax 'ec' ni wach'l to wic xon yaji. ¿Man̈x am wal junc xo wach'l c'ub'b'il can 'el 'oj 'ayn jun mamin? xchi Esaú cha.

Gn 27:28

Ya' cab' cot Dios n̈ab' 'a yib'n̈ a lu'um, sec wach' 'oj 'aj smasnil 'awb'en 'a sat lum lu'um, caw wach' 'oj 'aj a trigo yet' pax a uva.

Ex 21:3

Toto sch'ocj winac yic tzc'ochi, an̈jtona sch'ocj win tzpaxi. Toto ajun yistl win yet'oc, an̈jtona tzpax 'ix yistl win chi yet'oc.

Ex 21:7

Toto 'ay mach tzchon̈l yisil, yic tz'och 'ix ya'malc servil junc mach, matz tac' yel 'ix 'a libre 'icha eb' winac.

Lv 25:54

Toto matz tac' smann 'el sb'a jun, can cab'n̈ej 'aj 'ayc' cha, masnto tzjaw jun ab'il yic tz'el jun tzo'n̈ tas 'a libre, atta tzcolchj can pax 'el yet' yunnal.