Ex 20:3 - Chuj San Sebastian Bible

³ May cab' junc xo e diosal 'aj tzeyac' 'ejm e b'a, palta cojn 'ayin.

Chuj San Mateo Bible

³ Malajocab' junocxo dios b'aj tzex och ejmelal, palta an̈ejocab' d'ayin.

Ex 20:3 Referans Kwoze

Dt 5:7

Man̈ e say junc xo e diosal 'a in sat.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Salmos 81:9

May cab' e diosal tzeyij cot 'a junc xo chuc chon̈b'al, man̈ eyac' 'ejm e b'a 'a jun tzo'n̈ dios man̈ 'ojcab'ilc cha.

Is 46:9

Nacc cot tas ujnac 'a yictax pecti'. Cojn in ton Dios in, may junc xo, may wal junc xo dios lajn wet'oc.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Jeremías 25:6

Man̈ ex 'och tza'n yuj jun tzo'n̈ comn dios, man̈ eyal e b'a 'a 'a, sec wach' matz ya' cot Dios junc yailal 'a eyib'an̈. Man̈ e tzuntzc cot yowl sc'ojl Dios yuj eyaln e b'a 'a jun tzo'n̈ comn dios to mun ax e b'ojnac, xchi eb'.

Dt 6:14

Man̈ ex 'och tza'n yuj sdiosal eb' 'anma cajn 'a e tz'ey.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

1 Co 8:6

Palta ax 'ayn̈ec tic, cojn jun Dios 'ay, atn qui Mamec. A qui Mamc tic, a b'ojnac smasnil tas. A b'ojnacn̈ec paxi, sec wach' tzqui ch'oxc 'el swach'il. Cojxn pax jun Cajlilec, atn Jesucristo. Yujn̈ej, 'ayc' smasnil tas. An̈jtona pax an̈ec tic, yu'uj 'ayn̈ec 'ec' paxi.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.

A Scarta San Pablo D'a Eb' Aj Colosas 2:18

'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

Ef 5:5

Cojquec xo, to a eb' tzb'on 'ajmulal, yet' eb' tzb'on tzann̈j junc maysch'olnil yet' sniwnal, yet' eb' tznib'n 'och ricoal, may xon yaln eb' yic yoch 'a yol sc'ab' Cristo, yet' 'a yol sc'ab' Dios. Toto tzqui nib'jec 'och ricoal, a 'a sat Dios, wan ca'nec 'och jun chi qui diosaloc.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Ex 20:23

Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Is 44:8

Man̈ex xiwoc, te'n tzeyutj e b'a, ax tic in testigo ex, to waljnac jun tic 'ayx 'a yictax pecti'. ¿Tom 'ay junc xo dios, mto 'ay junc xo colwjum? Cojxn In Toni, may junc xo mach wojtac, xchi Dios.

Is 43:10

A Jehová a tzaln pax 'ixtic: Ax israel ex tic in testigo ex, in checb' ex, sic'b'ilx 'el wu'uj, sec wach' tzin eyojquej 'eli, tzin eya'n 'och yipc e c'ojol, nachj cab' pax 'el eyu'uj, to cojn in toni. May junc xo dios b'ab'l 'e'nc wu'uj, may pax junc xo tza'n 'oj jawoc.

Salmos 73:25

¿Toc 'ay junc xo mach 'a satchan̈ 'aj tzwa'ch in nab'en? Cojn ach toni. A yic 'ayn xo 'ec' et'oc, man̈x 'a tas 'oj in nib'c 'a sat lum tic.

Salmos 29:2

¡Alc wach' paxti 'a Jehová! yujto smoj ton wal sb'inaxi. 'A'c 'emmquilal 'a scajnub' to wach' yilxi.

Apoc 22:9

Palta xyaln 'ixtc 'ayin: —Man̈ a b'o 'ixtic, yujto an tic, ya'mal in pax servil Dios et'oc, yet' eb' et creyenteal. Atn eb' schecab', yet' jantcn̈ej eb' tzyiclni tas 'ix tz'ib'x can 'a jun libro tic. A 'a Dios tzal a b'a.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Ex 34:14

Man̈ ex leslwoc 'a jun tzo'n̈ comn dios, yujto an Jehová in, caw wal own yuj jun tzo'n̈ cha.

Is 42:8

An tic Jehová in, atn in b'i tic. Ma'oj in cha alxoc wach' paxti 'a junc xo mach yuj tas in b'ojnac, ma'oj in cha 'ijxoc chan̈ jun tzo'n̈ yechl chi in jeloc.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Os 13:4

'Ix yaln Jehová eyuj 'ixtic: An Jehová e Diosal in, yictax 'ayc' eb' e mam eyichm 'a Egipto, may junc xo tas xya'ch eb' sdiosaloc, palta cojn in. Cojn in ton sColmal eb' waji.

Ex 22:19

Toto 'ay mach tzmuln yet' no noc', yowlal tzchami.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Jueces 6:10

'Ix waln 'ayex, to an tic Jehová e Diosal in. Man̈ eyac' 'ejm e b'a 'a jun tzo'n̈ scomn diosal eb' amorreo 'ayc' 'a lum lum tic 'aj cajn ex 'ec' tic; palta ax xo tic, ma'ix eyiclj 'a tas xwala, xchi Dios, xchi jun checb' cha.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

Salmos 81:10

An Jehová e Diosal in, an ex wij 'elt 'a Egipto. Jacc e ti', ax wa'n tas tze c'uxu, xchi 'a eb'.

Dn 3:18

Wach'xam ma'oj qui colx pax yuj on̈ jun, palta tzca'cn ojcoc 'el mamin rey, chajtlto ma'oj cac' 'ejm qui b'a xon 'a a diosal chi 'on̈, atn jun yechl nab'a oro 'ix ac' 'ajxoc b'o cha, xchi eb'.