Ex 20:25 - Chuj San Sebastian Bible

²⁵ Palta toto tze b'o junc yet'l xajmb'al 'a q'uen q'ue'en, man̈ eya'ch q'uen tzeyb'il, yujto a yic tzeyx q'uen yet' jun tzo'n̈ q'uen yamc'ab', man̈x smojc yoch yet'l xajmb'alil.

Chuj San Mateo Bible

²⁵ Tato a q'uen q'ueen tzeyac'och d'a junoc altar chi', man̈ e tzeylaj q'ueen, tato tzeyac'och q'uen tzeyb'il chi', man̈ vach'oc d'a yol in sat.

Ex 20:25 Referans Kwoze

Josué 8:31

'Ix sb'o 'icha yaj yaln can Moisés 'a eb' yit israelal, 'icha pax yajcn 'a ch'an̈ libro yic ley 'a 'aj tzyal 'ixtic: A q'uen q'uen man̈ tzeyb'iloc, a q'uen tzc'anx 'a junc yet'l xajmb'al, xchi. A 'a yib'n̈ jun yet'l xajmb'al cha, ata 'ix laj yac'q'ue eb' xajmb'al to tz'a smasnil yet' xajmb'al yic junc'ojlal.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

A Ch'an̈ B'ab'el Libro Yic Yab'ixal Eb' Rey 6:7

A yic 'ix 'el yich sb'o'i, wach' xon yaj eb' q'uen q'uen sb'o'i, tzeyb'ilx eb' q'ue'en. Yuj cha, a yic wan sb'o jun n̈a cha, man̈x 'a 'aj 'ix 'ab'x sc'an̈ q'uen martillo, q'uen ch'acab', yet' junc xo q'uen yamc'ab'.

Ez 40:42

A chan̈e mexa 'aj tzmilx no xajmb'al-l tz'a cha, tzeyb'il q'uen 'ay q'ue 'a sat, 'ay 75 centímetro spac'b'il, 75 centímetro schiquin, ax 50 centímetro ste'il, atn 'a yib'n̈ jun tzo'n̈ mexa chi tzq'ue schib'jal no xajmb'al. Ax 'a yojl 'och jun cuarto cha, ata tzoln 'och jun tzo'n̈ slocnub'al no chib'j cha, a jun tzo'n̈ mexa cha, tzeln chan̈ stitc eb', wajxque centímetro yajch 'a yojl stitc cha, atn 'a yib'n̈ chi tzq'ue jun tzo'n̈ harina tz'ajx ofrendail, yet' jun tzo'n̈ yamc'ab' tzc'anxi, yic tzmilx no xajmb'al cha.

Ex 24:4

Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.