Ex 20:18 - Chuj San Sebastian Bible

¹⁸ Smasnil eb' israel cha, 'ix yab' eb' sma'n sb'a c'u, x'oc' q'uen trompeta, xyiln eb' yec' letz'lo'om, xyiln eb' sq'ue stab'l sjolm lum witz Sinaí. 'Ix xiw chan̈ eb', yuj cha, snitzn 'el'ch sb'a eb'.

Chuj San Mateo Bible

¹⁸ Masanil eb' israel ix yab' val eb' smac'vaj c'u. Ix yilan eb' yec' copoljoc c'ac', ix yab'anpax eb' te chaan̈ ix puji jun q'uen trompeta. Ix yilan val eb' sq'ue stab'il lum vitzal Sinaí, ix ib'xiq'ue eb' yuj xivelal, ix snitzanel sb'a eb'.

Ex 20:18 Referans Kwoze

Jeremías 23:23

An Jehová in, an tzwala: Wach'xam 'a lac'an, mto 'a caw najat, an tic Dios in n̈ej 'a smasnil lugar.

Gn 3:10

'Ix ta'w win 'ixtc 'a 'a: —Waj 'a tic. 'Ix wab'i to tzach 'ec' 'a scal te 'awb'ente tic, in xiw cha'an̈, yujto jitn in 'eli, yuj cha, xin c'ub'n 'el in b'a, xchi winac.

Dt 4:36

A 'a satcha'an̈, ata 'ix paxtin 'emta yic on̈ scuyni. Ax 'a sat lum tic, c'ac' 'ix sch'ox quila'. 'Ix cab' spaxtin 'elt 'a scal jun c'ac' cha.

Dt 5:5

An xo tic, 'ayn 'ec' 'a e nan̈l yet' Jehová, yic xwaln eyab' spaxti xyal cha, yujto ax tic, caw wal ex xiw yuj jun c'ac' cha. 'In ma'ex q'ue'ch pax 'a sjolm lum witz cha, yic xyaln Jehová 'ixtic:

Dt 5:25

Ax ticnec, ¿tas pax tz'aji? ¿tom an̈j 'ijnoc tzca'c chamc qui b'a yuj jun niwquil c'ac' cha? Toto tzon̈ 'atc pax cab' spaxtin Jehová qui Diosalec jun 'ejm xo, 'oj qui chamec.

Dt 18:16

Atn ton wal jun chi c'anb'il eyuj 'a Jehová Dios, yic yamn on̈c qui masnil 'a yich witz Sinaí yic eyaln 'ixtic: Man̈xtzac qui nib'j cab' sjaj Jehová Dios jun 'ejm xo, man̈xtzac qui nib'j pax quil jun niwquil c'ac' cha, sec ma'oj qui chami, xe chi.

Salmos 81:7

A yic 'ayx 'ec' 'a yol sc'ab' eyailal in eyawtni, yuj cha, ex in coln 'elta. In ta'w 'ayx 'a scal jun 'asn 'aj til wal sc'an̈ c'u; ex wa'n prowal 'a sti a a yic Meriba.

Gn 15:17

A yic 'ac'wl xo, 'ix sch'oxn sb'a jun niwquil c'ac', caw niwquil sq'ue wan stab'il, tzictzni yel snich. Tz'ec' 'a scal snan̈l schib'jal e no noc' tzuc'b'il cham cha.

Dt 5:23

Palta a yic xeyab'n yoch jun 'aw 'a scal jun q'uic' 'asn cha, xeyiln pax stz'a lum witz e masnil, a eb' yajl yaj 'a scal junjn 'in̈tal, yet' eb' yichm wincal chon̈ab', c'uxn xjaw eb' wul yal 'ayn 'ixtic:

Dt 5:27

Wach' tzach 'at ach tic Moisés, 'at 'ab'i tas tzyal Jehová qui Diosalec cha. Ax yic tzach japxi, tzaln cab' on̈ tas tzyal Jehová chi 'ayach. An̈ xo tic qui masnil on̈, 'oj qui yiclc tas tzyal 'aych cha, xchi eb' 'ayin.