Ex 20:16 - Chuj San Sebastian Bible

¹⁶ Man̈ eya'ch 'es 'a yib'n̈ eyit 'anma'il.

Chuj San Mateo Bible

¹⁶ Man̈ e naq'ue lolonel d'a spatic eb' eyetanimail.

Ex 20:16 Referans Kwoze

Pr 19:5

A mach tzya'ch sb'a testigoal 'a tas man̈ yeloc, yowlal 'oj yab' syail; toto tzyac' 'es, ma'oj colchjoc.

Mt 19:18

—¿'Ajm 'a jun tzo'n̈ checnb'il chi tzin yiclej? xchi win 'a 'a. —Man̈ a mil cham junc et 'anma'il. Man̈ a b'o 'ajmulal 'a yol sc'ab' estzil. Man̈ ach 'elc'woc. Man̈ 'a'ch 'es 'a yib'n̈ et 'anma'il.

Salmos 15:3

Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.

Ex 23:1

Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Pr 10:18

A eb' 'a'm 'es, tzc'ub'j 'el eb' schichnc'ojlal, ax eb' alm peclal, may snab'en eb'.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

Ef 4:31

Caw tzeyactj can smasnil e chichnc'ojlal, e c'a'lc'ojlal. Man̈ comnoc tzchacb' e sat scot eyowal. An̈jtona', man̈ comnoc tzq'ue eyaw e tumwji. Caw tzeyactj can e b'on jantcn̈ej tas maysch'olnil.

A Tas Sc'ulejnac Eb' Schecab' Jesús Hechos 6:13

Xlajw cha, 'ix sayn eb' jun tzo'n̈ xo eb' tz'a'n 'och 'es 'a yib'n̈ Esteban cha. 'Ix yaln eb' 'ixtc 'a ewin yajl cha: —A win Esteban tic, caw matz yactj can win sb'uchwj 'a yatut Dios, palta yicn̈ej Dios yaji. Tzb'uchwj pax win 'a ley yic Moisés.

2 Ti 3:3

May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'.

Pr 11:13

A eb' alm peclal, a tas cob' c'ultac tzalx 'a eb', c'uxn tzyal-l eb'; ax eb' wach' snab'en, ton̈j tzmolcn eb' 'a snab'en.

Lv 19:11

Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Lv 19:16

Man̈ ex alwoc peclal 'a scal 'anma'. An Jehová in, an tzwala. Man̈ locnoc ex tzeyala yic tzma'x cham junc eyit 'anma'il.

Lc 3:14

'Ay pax jaywn̈ eb' soldado xc'och c'anb'noc 'a 'ixtic: —An̈ xo tic on̈, ¿tas tzcutj qui b'eyb'al on̈? xchi eb' 'a 'a. —Man̈ e xib'tc eb' 'anma', man̈ eya'ch 'es 'a yib'n̈ eb', yic tzeyi'n 'ec' tas 'a eb'. Colb'iln̈ej cab' tze chaj e tojol, xchi 'a eb'.

Lv 19:18

An Jehová in, an tzwala. Man̈ e pac e b'a 'a eb' eyit 'anma'il. A eyico', to tze chamc'ojlej eb', 'icha wal tzeyutj eya'iln e b'a.

Dt 5:20

Man̈ eya'ch 'es 'a yib'n̈ eyit 'anma'il.

Pr 25:18

Toto tzeya'ch e b'a testigoal 'a tas man̈ yelc 'a junc xo quit 'anma'il, lajn wal jun chi 'icha junc te te', junc q'uen espada mto junc jul-lab' caw jay sn̈i'.