Ex 20:12 - Chuj San Sebastian Bible

¹² 'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Chuj San Mateo Bible

¹² Ayocab' yelc'och e mam e nun d'a e sat, yic vach' snajatb'i e q'uinal d'a sat lum luum ol vac' d'ayex.

Ex 20:12 Referans Kwoze

A Scarta San Pablo D'a Eb' Aj Colosas 3:20

Yet' pax ex 'unnab'il, yicljec jantcn̈ej tas tzyal e mam e nun 'ayex, yujto caw tzalj Cajlilec eyet' 'ixta'.

Dt 5:16

'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.

Mr 7:10

Yaljnac can Moisés 'ixtic: 'Ay cab' yel'ch e mam e nun 'a e sat, a mach tzb'aj smam snun, yowlal tzchami, xchi.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Lc 18:20

'In ojc xon jun tzo'n̈ checnb'il, 'aj tzyal 'ixtic: Man̈ e b'o 'ajmulal 'a yol sc'ab' eyitb'eym junjn ex. Man̈ e mil cham junc e yit 'anma'il. Man̈ ex 'elc'woc. Man̈ eya'ch 'es 'a yib'n̈ eyit 'anma'il. 'Ay cab' yel'ch e mam e nun 'a e sat, xchi Jesús 'a winac.

Mt 19:19

'Ay cab' yel'ch a mam a nun 'a a sat. Chamc'ojlej eb' et 'anma'il, 'icha tzotj a chamc'ojlan a b'a, xchi 'a winac.

Pr 20:20

A mach tzb'aj smam snun, 'oj 'ijxoc 'ec' sq'uinal, 'icha junc cantil tztupi.

Ex 21:17

A mach tzb'aj smam snun, yowlal tzchami.

Mr 10:19

'In ojc jun tzo'n̈ schecnb'il Dios, 'a 'aj tzyal 'ixtic: Man̈ e b'o 'ajmulal 'a yol sc'ab' eyitb'eym junjn ex, man̈ e mil cham junc eyit 'anma'il, man̈ ex 'elc'woc, man̈ eya'ch 'es 'a yib'n̈ eyit 'anma'il. Man̈ eyixtc paxti eyit 'anma'il, 'ay cab' yel'ch e mam e nun 'a a sat, xchi 'a winac.

Ex 21:15

A mach tzmac' smam snun, yowlal tzchami.

Dt 32:47

Man̈ comn paxti'oc jun tzo'n̈ tic, palta a jun ley tic, to 'ay e q'uinl yu'uj. Toto tzeyiclj smasnil, toto 'ixta', caw najtl 'oj eyec' 'a sat lum lum 'ay 'a sc'axpil 'ec' a Jordán cha, lum 'oj 'ajxoc eyico'oc, xchi.

Pr 3:16

Toto tzqui b'eylb'ej jelnal, tznajtxb'i qui q'uinal, tzon̈ 'och ricoal, caw niwn tzon̈ 'aj 'el'ch yu'uj.

A Ch'an̈ Schab'il Libro Yic Yab'ixal Eb' Rey 2:12

A yic 'ix yiln Eliseo jun cha, 'ix 'el yaw, 'ix yaln 'ixtic: Mamin, mamin 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a. Ye'xn̈ej xyilcn Eliseo win Elías cha. Xlajw cha, 'ix yi'n 'el Eliseo spotil 'ix stzilnjat yuj scusc'ojlal.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.

Dt 25:15

A wal eyechtab' tz'acan, a tze c'ana, sec wach' 'oj najtxb'oc e q'uinl 'a sat lum lum 'oj yac' Jehová Dios 'ayex.

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

Pr 30:11

'Ay mach tu yaln 'a smam, may xon 'aj tzyal junc wach' paxti 'a snun.

Pr 28:24

A mach tz'och 'elc'l 'a smam snun, man̈ mulc jun chi snani; a jun cha, lajn snab'en 'icha eb' cojn 'elc'l tzb'o'o.

Pr 15:5

A eb' may snab'en, caw matz chaj eb' yab' tennb'il tzyac' smam 'a 'a, ax eb' tzchaj yab'i', wan sch'oxn 'el eb', chajtlto 'ay snab'en eb'.

A Ch'an̈ B'ab'el Libro Yic Yab'ixal Eb' Rey 2:19

Xlajw cha, 'ix 'at 'ix Betsabé chi paxtinc yet' win rey Salomón yuj Adonías. Ax xyiln win rey, 'ix 'ochch snun, yuj cha, 'ix q'ue wa'an, 'ix 'em n̈ojn 'a yojltac snun cha. Xlajw cha, x'ejm pax wocn 'a sdespacho, 'ix ya'n 'ijxc cot jun niwquil xila 'aj tz'em wocn snun chi 'a swach' c'ab'.

Lv 19:32

'Ochn̈ec wan lin̈n 'a yojltac eb' 'ichmtac winac, 'ay cab' yel'ch eb' 'a e sat. 'Ay cab' pax wel'ch 'a e sat.

Ef 5:21

Yiclum tzeyutj e b'a 'ayx junjn ex, yuj e xiwc'ojlal 'a Cristo.

Dt 4:26

Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.

Dt 5:33

A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Dt 6:2

Yic wach' 'oj e xiw 'a Jehová qui Diosalec, 'oj eyiclc smasnil schecnb'il, sley yet' smasnil scuynb'il yic 'ayx 'ec' 'a yolyib'n̈q'uinl tic yet' eyunnal, eyiechiquin, sec 'oj najtxb'oc e q'uinal.

Dt 11:8

Yuj cha, yicljec smasnil jun tzo'n̈ checnb'il wan waln can 'ayx tic, sec caw te'n tzeyutj e b'a yic tzeyi'n 'ec' lum lum 'oj 'och eyico'oc 'a sc'axpil 'ec' a Jordán cha,

Dt 11:9

yic wach' najtl 'oj eyec' 'a sat lu'um, atn lum ya'jnac Jehová sti ya'n 'a eb' qui mam quichmec, yet' 'a yin̈tl eb'. A jun lum cha, caw wal wach' lu'um.

Dt 21:18

Q'uinloc 'ay junc mach 'ay junc yunnal maysch'olnil snab'en, caw tu tas tzb'o'o. Matz chaj yab' tas tzyal smam snun, wach'xam tzmac' eb', palta man̈ yujoc cha, tzyiclj tas tzyal eb' cha.

Dt 27:16

Catb'tzaxc cab' eb' may yel'ch smam snun 'a sat, xchi eb' levita. 'Ixta cab' tz'aji, 'oj xchic eb' chon̈ab'.

Pr 17:6

A eb' 'ichmtac winac, tzalj eb' yuj eb' yixchiquin, yujto smay eb' yaj eb'; 'ixta pax eb' 'unnab'il, tzalj eb' yuj smam, yujto smay eb' yaji.

Jeremías 35:7

'Ix ya'n pax yowlal qui b'on catut, matz cawj cawb'ente', matz cawj uva. Yaljnac can 'ayn̈ on̈, to an̈j 'a yoltc mantiado tzon̈ 'eq'ui, 'ixta 'oj caj quec' najtloc tiempoal 'a jun lum 'aj ton̈j 'e'lb'a quec' tic.

Jeremías 35:18

'Ix waln 'a eb' yin̈tl Recab chi 'ixtic: A Jehová tztac' yuj smasnil, atn qui Diosalec, a tzaln 'ayx 'ixtic: Yujto ax tic, tzeyicljn̈ej tas yaljnac can e mam eyichm Jonadab cha,

Ez 22:7

Tzchacl eb' 'anma chi smam snun. A eb' chuc chon̈b'al cajn 'ec' 'a scal eb', caw tz'ixtx eb' yuj eb'. Tz'ixtx eb' meb'a 'unn chamnc smam yet' eb' 'ix 'ix chamnc yichmil.

Gn 48:12

Xlajw cha, xyi'n 'elt José ewin 'a scal yoc smam cha, x'em n̈ojnjoc, squiln 'ejm snan̈l sat 'a sat lu'um.

Gn 50:12

A smasnil tas 'ix yalcn win Jacob 'a ewin yunnal, 'ix syiclj eb' sb'oni.

Rt 3:6

Xlajw cha, 'ix 'at 'ix 'a 'aj tzchayw cebada win Booz. 'Ix syiclj 'ix sb'on 'icha 'ix yutj yaln 'ix yalb' 'ix cha.

A Ch'an̈ B'ab'el Libro Samuel 22:3

'Ix 'atx David ta', axta xc'och 'a Mizpa 'a yol yic Moab. 'Ix yaln 'ixtc 'a win sreyl Moab cha: —Tzin tew 'ayach, to tzcan in mam yet' in nun et'oc, masnto 'oj wila', tas 'oj sb'o Dios wet'oc, xchi.