Ex 2:16 - Chuj San Sebastian Bible

¹⁶ Ata 'ay jun winc Jetro sb'i, ya'mal 'och sti eb' 'anma yaj 'a sdiosal, cajn 'a yol yic Madián cha, 'ay ucwn̈ yisil. 'Ix c'och eb' 'ix 'a sti a 'uc'b'il a chi yac' b'ut'joc te jucub', yic tzyu'n e no scalnelu smam eb' 'ix chi a'.

Chuj San Mateo Bible

¹⁶ Ay jun vin̈ sacerdote scuchan Reuel cajan d'a jun lugar chi', ay ucvan̈ yisil vin̈. Ix xid'ec' eb' ix d'a a' uc'b'ila' chi', yic syac'an b'ud'joc te' jucub' eb' ix yic syuc' a' noc' scalnel vin̈ smam eb' ix chi'.

Ex 2:16 Referans Kwoze

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

Gn 24:11

Wan xo sq'uic'b'i yic xc'och win checb' chi 'a sti 'el chon̈ab', 'a yorail yic tz'elt eb' 'ix 'ix 'ij 'at a'. 'Ix 'ilj win checb' chi yet' no cameyo 'a sti jun a 'uc'b'il a 'a sti 'el chon̈b' cha.

A Ch'an̈ B'ab'el Libro Samuel 9:11

Ax yic wan sq'ue'ch eb' 'a yaln̈ 'emt jun chon̈b' cha, 'ix schan sb'a eb' yet' jun tzo'n̈ eb' 'ix cob's 'ix tz'ec' cuchj a', sc'anb'n eb' 'ixtc 'a eb' 'ix: —¿A 'am 'a tic cajn jun win tztac' yiln junc tas? xchi eb'.

Gn 41:45

Zafnat-panea xyac' win rey sb'ic José. Xya'n win rey chi yi' sb'a José yet' 'ix Asenat, 'ix yisl jun win tzcuch Potifera, ya'mal 'och sti eb' 'anma yaj win 'a jun chon̈b' tzcuch On. Lajn̈schawinc ab'il sq'uinl José yic x'ijx 'at 'a yojltac win faraón. Xlajw cha, xyaln can sb'a José 'a win rey, syamn 'och s'at 'a smasnil chon̈b' 'a yol yic Egipto.

Gn 14:18

Ax Melquisedec, sreyl Salem ya'mal pax 'och sti eb' 'anma 'a Dios, atn Dios to Cojxn Niwn Yel'chi, 'ix yac' pan yet' yal uva 'a Abram.

Gn 24:13

Tic tzin cancn 'a sti a 'uc'b'il a tic, ya' sb'a tzjaw eb' 'ix cob'stac 'ix wul yic' ya'al.

Gn 29:2

A yic xc'och 'a jun 'a'lic, xyiln 'at jun a 'uc'b'il a'. A 'a stz'ey a cha, ata 'ayc' 'oxe monto no calnelu, yujto ata tzyu'j e no a'. 'Ay jun niwquil q'uen 'ay q'ue smacloc sti a'.

Ex 18:1

A win Jetro ya'mal 'och sti eb' 'anma yaj 'a sdiosal eb' 'aj Madián, sn̈i pax Moisés, 'ix yab' win smasnil tas sb'o Jehová yet' Moisés, yet' pax eb' schon̈ab', yic xyi'n 'elt eb' 'a Egipto.

Ex 18:12

Xlajwn̈ej cha, xya'n win Jetro chi jun xajmb'al yuj yaln wach' paxti 'a Dios; 'ay jun tzo'n̈ xo xajmb'al xyac'a. 'Ix c'och pax Aarón yet' eb' yichm wincal chon̈b' Israel 'a winac, 'ix mol wa eb' 'a yojltac Jehová yet' win sn̈i Moisés cha.