Ex 19:6 - Chuj San Sebastian Bible

⁶ Ax tic, ya'mal 'och sti eb' 'anma tzex 'ajcn 'ayin, yic tzin eya'n servil. A jun chon̈b'alx tic, wicn̈ej tzex 'ajcni, xchi Jehová, xa chi 'a eb', xchi Dios 'a Moisés.

Chuj San Mateo Bible

⁶ palta a exxo tic, jun chon̈ab'il sacerdote tzex ajcani yic tzin eyac'an servil, jun chon̈ab' anima to vicn̈ej yaji, xchi Jehová, xa chi d'a eb'.

Ex 19:6 Referans Kwoze

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

Dt 7:6

Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

Dt 28:9

Toto tzeyiclj smasnil schecnb'il Jehová, tze b'eylb'an pax sb'eyb'al, 'oj ex yalch schon̈b'oc, 'icha wal yutjnac yaln cani.

Is 62:12

A eb' israel, 'oj alxoc yuj eb', to Schon̈b' Dios eb', atn smasnil eb' tzcolx 'el yuj Jehová; ax yaln eb' 'anma yuj chon̈b' Jerusalén, To Caw Nib'b'il Jun Chon̈b' cha. Man̈x 'Actb'ilc Cani, 'ixta 'oj sb'ic yuj eb' 'anma cha.

Dt 26:19

A 'oj eya'n 'och niwquil chon̈b'al. 'Oj e b'inax 'a swach'ilal. Niwn eyel'ch pax 'a sat jun tzo'n̈ xo nacion̈ b'ob'il yu'uj. 'Ixta wal 'oj eyaj 'icha yutjnac yalni, jun chon̈b' to yicn̈ej Jehová Dios yaji, xchi Moisés.

Lv 19:2

Al 'a eb' et israelal, to an tzwal jun tzo'n̈ checnb'il tic 'a eb': Wach' tzeyutj e b'a, yujto an Jehová in tic, caw wach'nn̈ej.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Apoc 20:6

Caw wach' yic eb' tzb'ab'l pitzw cha. Yicn̈ej Dios yaj eb'. May spoder jun schab'l chaml 'a yib'n̈ eb'. 'Oj 'ajxc yopiso eb' ya'n 'och sti 'a Dios yet' 'a Cristo. Jun mil ab'il 'oj yac' eb' yajlil yet'oc.

1 Co 3:17

Toto 'ay mach tz'a'n juwc 'el yatut Dios cha, ax Dios 'oj satnc 'el jun cha. Yujto a yatut Dios, caw yicn̈ej yaji. A yatut tzwal tic, ax ton tic.

Is 61:6

Ax yaln eb' 'anma eyu'uj, to ya'mal 'och sti eb' 'anma chi eyaj 'a Jehová, schecb' ex Dios. A tas 'ay 'a jun tzo'n̈ xo nacion̈, a chi 'oj tzaljoc e c'ojl e c'uxni, ax tas wach' yilx 'ay 'a eb', a chi 'oj e c'anlb'oc, sec 'oj e b'inaxi.

Lv 20:26

Ax tic, wach' cab' tzeyutj e b'a 'ayin, yujto an Jehová in tic, caw wach'nn̈ej. An ex in pojcn 'elt 'a scal jun tzo'n̈ xo chon̈ab', sec tzex 'och wico'oc.

Dt 14:21

Man̈ e chi no noc' mun tzchami, yujto an̈ec tic, sic'b'iln̈ec 'el schon̈b'oc Jehová Dios. A no noc' cha, tztac' eya'n schi eb' chuc chon̈b'al cajn 'a e cal; atn eb' chi tztac' schin no', mto tze chon̈ no 'a eb' chuc chon̈b'al ton̈j tzb'eyc' 'a e cal. Man̈ e tz'an̈ no cotc chiwo 'a scal yal yim no snun.

Lv 21:23

palta matz tac' yochl eb' 'a 'aj 'ay te cortina, mto 'a stz'ey yet'l xajmb'al, sec wach' man̈ comnoc xoj tzyutj eb' in cajnub', yujto an Jehová in, an 'ay wic jun tzo'n̈ cha, xchi Dios, xa chi 'a Aarón cha, xchi Dios 'a Moisés cha.

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

1 Ts 5:27

A 'a sat Cajlilec, tzcham waln 'at 'ayex, to tzeyawtj jun in carta tic 'a scal eb' creyente smasnil ta'.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Ex 22:31

Ax tic caw yel wic eyaji. Man̈ e chi schib'jal junc no noc' tzcham yuj no calte'al noc', a cab' no tz'i tzeyac' chinoc.

A Ch'an̈ B'ab'el Libro Yic Yab'ixal Eb' Rey 3:8

Palta 'ayn xo 'och yilmalc a chon̈b' 'ix a si'cn 'el tic. A jun chon̈b' tic caw wal niwquil, man̈xtzac stac' sb'ischj eb' 'anma tic, til wal sb'isl eb'.

A Ch'an̈ B'ab'el Libro Yic Yab'ixal Eb' Rey 8:53

Mamin Jehová, ach on̈ a pojcn 'el 'a scal jun tzo'n̈ xo chon̈b' 'ay 'a sat lum lum tic, yic tzon̈ 'ochcn eco'oc, 'icha wal otjnac aln can 'a a checb' Moisés, yic e'n 'elt eb' qui mam quichm 'a Egipto on̈, xchi Salomón 'a slesal.

1 Cr 17:22

Yujto ach 'ix on̈ a'cn 'och an̈ israel on̈ tic a chon̈b'oc 'a jun 'ejmn̈ej, ach tic Mamin Jehová, qui Diosal ach on̈.

Is 43:4

A eb' 'anma 'a jun tzo'n̈ xo nacion̈, a eb' xwa'ch e jeloc sec tzex colchji. Yujto caw nan ex n̈ej, caw niwn pax eyel'ch wu'uj, caw tzex in chamc'ojlej.

Is 66:21

An Jehová in, an tzwala. A 'a scal eb' 'oj cant can cha, ata 'oj in sic' 'elt eb' 'oj 'a'nc 'och sti eb' 'anma 'ayin, yet' eb' 'oj 'och levitail.

Jeremías 2:3

A yic cha, wic eyaj ax israel ex tic, 'icha wal sb'ab'l sat 'awb'en. An Jehová in, an tzwala, to a smasnil eb' ex 'ixtni, x'och smul eb', xwa' cot yailal 'a yib'n̈ eb', xchi Dios, xa chi 'a eb', xchi 'ayin.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Jeremías 13:11

'Icha wal junc mach tzjaln 'och junc jal-l 'a snan̈al, 'ixta wal xwutj eb' chon̈b' israel, yet' pax eb' 'aj Judá. Caw junn̈j yaj eb' wet'oc, in chon̈b' yaj eb', yic tzyaln 'el eb' chajtlto caw niwn wel'chi, palta ma'ix syiclj eb' tas xwala.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Ex 28:36

Tza'n b'o pax junx q'uen placa nab'a oro tz'aji. Tza'n 'ajxoc 'och jun tzo'n̈ paxti tic 'a q'ue'en. Yicn̈ej Jehová yaji, xchi jun stz'ib'l cha. 'Icha wal junc seyo, 'ixta wal tz'aji.

Nm 16:3

Syamn sb'a eb' smasnil, xlajw cha, xc'och eb' 'a Moisés yet' 'a Aarón xyaln eb' 'ixtic: ¡Colb' xo wal eyi'n chan̈ e b'a tic! Yujto qui masnil, yic xo Dios cajec, 'ayc' Jehová 'a qui calc qui masnil. ¿Tas yuj tzeyij chan̈ e b'a yajlilal 'a yib'n̈ schon̈b' Dios tic? xchi eb'.

Salmos 114:2

a 'a chon̈b' Judá, ata tzyal sb'a eb' 'anma 'a Jehová, atn tz'a'n yajlil 'a yol smacb'en Israel.

Hageo 2:5

Man̈ ex xiwoc, yujto 'aychn̈ej Wespíritu eyet'oc, 'icha wutjnac wa'n can in ti', yic xwi'n 'elt eb' e mam eyichm 'a Egipto.