Ex 19:11 - Chuj San Sebastian Bible

¹¹ Sb'o cab' sb'a eb', ax chab'ej tzin 'emli, 'oj in ch'ox in b'a 'a smasnil eb' chon̈b' 'a sjolm lum witz Sinaí tic.

Chuj San Mateo Bible

¹¹ Axo chab'ej tzin emuli, tzin ch'oxan in b'a d'a masanil chon̈ab' d'a jolom vitz Sinaí.

Ex 19:11 Referans Kwoze

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Dt 33:2

'Ix yaln can 'ixtic: 'Ix cot Jehová 'a lum switzl Sinaí, 'ix ya'n cot sacq'uinlal 'ayn̈ec, 'a lum Edom. Toxn̈ej tzwetzwni cot 'a lum switzl Parán, 'ix jaw 'ayn̈ec. Caw smil-l sb'isl eb' ángel ajun yet'oc, ax 'a swach' c'ab', ata yet' jun ley, caw tzn̈ilchj yet' sc'aq'uil.

Ex 34:5

Ax Jehová 'ix 'eml 'a scal jun 'asn 'a stz'ey Moisés 'a sjolm lum witz cha, atnta 'ix yal Jehová sb'i 'a winac.

Jn 6:38

An tic, cotnc in 'a satcha'an̈, tzwul in b'onc 'icha tznib'j jun checjnacn coti. Man̈ yujoc wul in b'onc tas tzin nib'j in ch'ocoj, in coti.

Jn 3:13

May junc mach 'ix xit' q'ue 'a satcha'an̈. Palta an tic, ata cotnc in, yujto 'Ochnc in 'Anma'il, 'aj satchan̈ in.

Salmos 144:5

Mamin, jacw cab' satcha'an̈, tzlajw cha, tzach 'emta. 'Emn̈ wul 'a eb' lum jolmctac witz, ax sq'ue wan stab'l eb' lum o'oj.

Salmos 18:9

Yajn̈ej ach cot 'a satcha'an̈, ach 'eml 'a tic, ax jun q'uic' 'asun a 'aych a te'nub'oc.

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

Ex 19:20

A wal 'a schan̈il sjolm lum witz cha, ata x'eml Jehová, xyaln 'a Moisés to tzq'ue'ch 'a 'aj 'ayc' cha, yuj cha, 'ix q'ue'ch win 'a 'aj 'ix 'awtx q'ue cha.

Ex 19:18

Caw wal xq'ue stab'l sjolm lum Sinaí cha, yujto 'ix 'eml Jehová 'a scal jun c'ac'. 'Icha wal sq'ue stab'l junc jorna, 'ixta wal xq'ue stab'l lu'um, x'ib'x lum witz chi si'mb'il.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Gn 11:5

Ax Jehová, 'ix 'eml wul yil jun chon̈b' cha, yet' jun torre tzb'o eb' cha.

Ex 34:2

Tza'n lista a b'a 'a sq'uin̈b'il q'uic'an yic tzach jaw 'a wojltac 'a sjolm lum witz tic.

Josué 3:5

'Ix yaln Josué 'ixtc 'a eb': A ticnec sacb'tzejc e b'a, yujto q'uic'an 'oj sch'ox Jehová quilc tas satjub'tac yilx 'a qui calc tic, xchi 'a eb'.

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Ex 24:16

'Ix 'eml stzictznil Jehová 'a sjolm lum witz Sinaí cha, waque c'u x'och oyn jun 'asn chi 'a sjolm lu'um. Ax 'a yucl c'u, x'awtx Moisés yuj Jehová 'a scal jun 'asn cha.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Dt 4:10

Nac cot jun c'u yic 'ayn̈ec 'ec' 'a yojltac Jehová qui Diosalec 'a lum yich witz Sinaí. Ata 'ix yal Jehová 'ayn 'ixtic: Yamb'tzej eb' 'anma tic, yujto 'oj wac' yojcoc 'el eb' in paxti'. Ax scuyn sb'a eb' yoch 'emmquilal 'ayin, sec 'ay wel'ch 'a sat eb' yic pitzn eb' 'a sat lum lum 'oj wac' 'a cha, ax scuyn can eb' yunnal, xchi.