Ex 18:19 - Chuj San Sebastian Bible

¹⁹ 'Ab' tas 'oj wala', a Dios 'oj colwjoc et'oc. Ach tzach 'och 'a yojltac Dios yuj eb' 'anma tic, tzaln 'a Dios yuj tas tz'el sb'on eb'.

Chuj San Mateo Bible

¹⁹ Ab' tas ol val d'ayach, a Dios ol colvaj ed'oc. A ach tzach och d'a yichan̈ Dios yuj eb' anima, tzalan d'ay yuj tastac sc'ulej eb'.

Ex 18:19 Referans Kwoze

Nm 27:5

Ax Moisés 'ix yal jun tzo'n̈ snab'en eb' 'ix 'ix tic 'a Jehová.

Dt 5:5

An xo tic, 'ayn 'ec' 'a e nan̈l yet' Jehová, yic xwaln eyab' spaxti xyal cha, yujto ax tic, caw wal ex xiw yuj jun c'ac' cha. 'In ma'ex q'ue'ch pax 'a sjolm lum witz cha, yic xyaln Jehová 'ixtic:

Ex 20:19

'Ix yaln eb' 'a Moisés 'ixtic: —Ach tzach paxtin cab' 'ayon̈, 'oj qui yiclc tas 'oj yal Dios 'ayach, man̈xoc cab' 'ayn̈ tzpaxtini, toto ma'ay, 'oj qui cham yu'uj, xchi eb' 'anma cha.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Gn 39:2

Palta a Jehová a 'aych yet' José, yuj cha, caw jeln x'aj 'el'chi yic 'ayc' 'a yatut spatron̈ cha.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Pr 9:9

Toto tzqui cuyc eb' jelan, yel xo caw jeln 'oj 'aj 'el'ch eb'. Toto tzqui cuyc pax eb' wach' snab'en, 'oj wach' tz'acwoc snab'en eb'.

A Ch'an̈ Schab'l Libro Samuel 14:17

An a checb' in tic mamin rey, 'oj in tan̈woc tas spac 'oj ac' 'ayin sec 'oj wic' sniwnal in c'ojol, yujto ach tic mamin rey, ojc wal tzotj a b'eyc'ojlwi 'a tas wach' yet' 'a tas tu', lajn ach wal 'icha junc yángel Dios. A cab' Jehová qui Diosalec, a tz'och et'oc, xchi 'ix 'a win rey David.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Ex 18:24

Syiclni Moisés sb'on tas xyal sn̈i cha.

Ex 18:15

'Ix ta'w Moisés 'ixtc 'a win sn̈i cha: —Tzjaw eb' 'anma tic 'ayin, yujto an tzwal 'a Dios yuj tastc tzlaj sb'o eb'.

Ex 4:16

Ach tzach paxtin 'a Aarón chi in jeloc, 'icha to an tzin paxtin 'a 'a, ax Aarón 'oj paxtinc 'a eb' chon̈b' chi a jeloc.

Ex 4:12

Yuj cha, 'ixic, 'oj wochn̈j et'oc. A yic 'oj a paxtini, an 'oj wal tas 'oj al cha, xchi Dios.

Ex 18:20

Wach' tza cuy eb' 'a sley Dios, tzaln pax 'a eb' tas tzyutj eb' yi'n b'ey sb'a.