Ex 18:14 - Chuj San Sebastian Bible

¹⁴ A yic xyiln Jetro tas tzyutj Moisés sb'onyaj eb' 'anma cha, 'ix yaln 'a 'ixtic: —¿Tas yuj 'ixta tzotj eb' 'anma tic? ¿Tas yuj achn̈ej tza b'oyaj eb'?. 'Ay eb' ton̈j tz'ec' c'u yuj 'a tic, xchi Jetro cha.

Chuj San Mateo Bible

¹⁴ Ayic ix yilan vin̈aj Jetro yuj tas syutej vin̈aj Moisés sb'oan yaj yoval eb' anima chi', ix yalan vin̈ d'a vin̈: —¿Tas yuj icha chi' tzutej eb' anima tic? ¿Tas yuj a achn̈ej tza b'o yaj yoval eb' smasanil? Ay eb' ton̈ej tz'ec' tiempo d'ay, pilan c'u stan̈vej eb', xchi vin̈aj Jetro chi'.

Ex 18:14 Referans Kwoze

Ex 18:13

Ax 'a junx c'u, x'em wocn Moisés yic tzb'on yaj yowl eb' yit chon̈b' cha; smasnil c'u 'aych eb' 'a yojltac Moisés.

Ex 18:15

'Ix ta'w Moisés 'ixtc 'a win sn̈i cha: —Tzjaw eb' 'anma tic 'ayin, yujto an tzwal 'a Dios yuj tastc tzlaj sb'o eb'.

Ex 18:26

A ewin tzb'on yaj eb' 'anma chi 'a tzann̈j yorail. Ax pax junc owl to niwquil yel'chi, yowlal tzyij 'at eb' 'a Moisés; ax tas may wal yel'chi, a ewin tzb'onyaji.

Nm 15:34

'Ix ya'n 'och eb' stan̈mal winac, yujto mant 'a yalnb'il tas tz'aji.

Jueces 1:16

A eb' yin̈tl Hobab win quenita, sn̈i Moisés, 'ix 'el eb' 'a jun schon̈b' 'aj til wal te palma, atn Jericó. 'Ix q'ue'ch eb' yet' eb' yin̈tl Judá, 'ix c'och cajn eb' 'a scal eb' 'anma cajn 'ec' 'a lum cusltac lum 'ay 'a yol yic Judá, atn lum 'ay 'a Neguev 'a stz'ey Arad.

A Ch'an̈ Schab'l Libro Samuel 15:2

Caw tzseb' q'ue wan 'a junjn c'u, ax 'a sla'nil sti spuertail jun chon̈b' cha, ata tz'aj lin̈an. Tzann̈j mach tzjaw sb'oyaj sb'a 'a win rey chi yuj junc yowal, tzyawtn 'at win 'a stz'ey, tzyaln win 'a 'ixtic: ¿'Aja chon̈b'al tzach coti? xchi 'a 'a. Tzta'w 'a 'a: An a checb' in tic, ata tzin cot 'a scal eb' yin̈tl Israel, xchi 'a winac.