Ex 18:12 - Chuj San Sebastian Bible

¹² Xlajwn̈ej cha, xya'n win Jetro chi jun xajmb'al yuj yaln wach' paxti 'a Dios; 'ay jun tzo'n̈ xo xajmb'al xyac'a. 'Ix c'och pax Aarón yet' eb' yichm wincal chon̈b' Israel 'a winac, 'ix mol wa eb' 'a yojltac Jehová yet' win sn̈i Moisés cha.

Chuj San Mateo Bible

¹² Ix lajvi chi', ix sn̈usan jun noc' silab' vin̈aj Jetro chi' d'a Dios, ix yac'anpax juntzan̈xo silab' vin̈ d'ay. Ix ja vin̈aj Aarón yed' eb' yichamtac vinaquil chon̈ab' b'aj ayec' vin̈ sn̈i' vin̈aj Moisés chi', ix va eb' d'a yichan̈ Jehová.

Ex 18:12 Referans Kwoze

Dt 12:7

Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

Gn 31:54

Sb'on Jacob jun xajmb'al 'a sjolm jun tzaln cha, xyawtn cot eb' yican wac yet'oc. Xwa eb' smasnil, ax 'a sjolm jun tzaln chi x'ec' 'ac'wl yuj eb'.

Ex 24:11

'Ix yil eb' Dios, palta may x'aj eb' yu'uj, xwa eb', xyu'j pax eb' tas 'a yojltac.

Ex 24:5

Yajn̈j wal cha, 'ix yaln 'a jun tzo'n̈ eb' quelmtac winac to tzmil cham eb' no quelm wacax, yic tz'och no xajmb'alil, yet' xajmb'al yic junc'ojlal tz'ajx 'a Jehová.

1 Co 10:31

Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

1 Co 10:21

Matz tac' qui comn 'u'lb'anec jun vaso yic Cajlil, toto tzcu'lb'ejec pax jun yic ewin demonio. An̈jtona', matz tac' qui comn wanec jun pan tz'ajx 'ayn̈ec 'a smexa Cajlil, toto tzqui c'uxc jun tzo'n̈ tas tz'ajx 'a smexa ewin demonio cha.

1 Co 10:18

Tze na cot tas tzyutj sb'a eb' wit israelal cha. A yic tzchin eb' jun tzo'n̈ no noc' tzyac' xajmb'alil, junxn̈ej yaj eb' yet' Dios, atn jun tzchan xajmb'al eb' cha.

Lc 14:15

'Ay jun win 'a scal eb' 'aych 'a te mexa cha, yic xyab'n win jun tzo'n̈ cha, xyaln 'ixtc 'a Jesús: —Caw wach' yic eb' 'oj swa pan yic 'oj 'och Dios Yajlil, xchi win 'a 'a.

Lc 14:1

A 'a yic jun sc'ul 'iljelal, 'ix c'och Jesús wac 'a yatut jun win syajlil eb' fariseo. 'Ay pax jun tzo'n̈ xo ewin fariseo tzmaclni yila'.

Dn 10:3

May jac schib'l wal wach' xin c'uxu, may chib'j xin chi'a, may xon jac yal uva xwuq'uej. May pax perjuma xin succh jac 'ayin, masnto stz'acw 'oxe seman cha.

Job 42:11

Xlajw to cha, 'ix c'ochx eb' yu'tac Job chi 'at yila', eb' yanab', eb' swach'c'ojol yet' jantcn̈ej mach 'ojtnac 'a yic yalan̈. 'Ix 'och wal jun niwquil tzaljc'ojlal, 'ix wa eb' 'a yatut Job cha. 'Ix syamn 'och eb' ya' sniwnal sc'ojol, 'ix yaln pax eb' to locn eb' xcus yuj yailal 'ix 'ec' 'a yib'n̈ yuj Jehová. Xlaj ya'nc junjn eb' tumin yet' junjn colc'ab' nab'a oro 'a Job cha.

Job 42:8

Yuj cha, a ticnec b'i'an, 'ijec cot ucwn̈oc no quelm wacax yet' ucwn̈oc no mam calnelu, tz'at eya'n 'a win in checb' Job, ax win 'oj 'a'nc e no xajmb'al-l 'ayn eyu'uj. Ax sleslwi win eyu'uj, ax in chan slesl win cha, sec may 'oj ex wutc yuj e man̈ nab'enal, 'icha wal smoj e chani, yujto man̈ wach'c tas xeyal 'a in patic, 'icha xyutj sb'a win in checb' cha, xchi Dios.

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

2 Cr 30:22

A Ezequías, 'ix yal yuj diosal 'a smasnil eb' levita, to caw xya'ch eb' 'a snab'en ya'n servil Jehová. 'Ix chi eb' no xajmb'al tz'ajx xajmb'al-l 'a jun q'uin̈ to niwn yel'ch 'a uque c'u. 'Ix yac' eb' xajmb'al yic junc'ojlal, 'ix ya'n eb' yuj diosal 'a Jehová qui Diosalec, atn sDiosal eb' qui mam quichmec.

A Ch'an̈ Schab'l Libro Samuel 9:7

'Ix yaln David 'a win 'ixtic: —Man̈ ach xiwoc, yujto wach' 'oj 'ach wutoc, yuj in chamc'ojlal 'a Jonatán win a mam. 'Oj wac' meltzjoc smasnil lum slum a mam 'ichm Saúl 'ayach, ax a wa wet' 'a in mexa 'a junjn 'ejem, xchi.

Dt 27:7

Ax eya'n pax e xajmb'al yic junc'ojlal. Ata 'oj e na q'uin̈, ax e wa 'a tzaljc'ojlal 'a yojltac Jehová.

Ex 2:20

'Ix sc'anb'n pax win smam eb' 'ix chi 'a 'ixtic: —¿'Ajtil 'ay win jun? ¿Tas yuj ma'ix eyij cot win 'a tic? 'Ixquec muc'uc, 'at 'awtjec cot win wa'oc, xchi winac.

Gn 43:25

Xlajw cha, xya'n lista eb' siylab' tzyac' 'a José yic tzc'och 'a chimc'ul cha, yujto yojc xo eb' chajtlto 'oj wa eb' yet'oc.

Gn 26:25

'Ixta to b'i'an, 'ix sb'on Isaac jun yet'l xajmb'al 'a jun lugar cha, 'ix yaln sb'a 'a Jehová. 'Ix can cajn 'a jun lugar cha, ax eb' schecab', 'ix sjoy eb' junx a 'uc'b'il a ta'.

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 8:20

'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.

Gn 4:4

'Ixta pax win Abel, 'ix yij 'at pax win xajmb'al 'a Jehová, atn e no sb'ab'l yune scalnelu winac, e no caw wal b'aq'uech. 'Ix schaj sc'ojl Jehová win Abel yet' xajmb'al.

Ex 2:16

Ata 'ay jun winc Jetro sb'i, ya'mal 'och sti eb' 'anma yaj 'a sdiosal, cajn 'a yol yic Madián cha, 'ay ucwn̈ yisil. 'Ix c'och eb' 'ix 'a sti a 'uc'b'il a chi yac' b'ut'joc te jucub', yic tzyu'n e no scalnelu smam eb' 'ix chi a'.

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

Ex 18:13

Ax 'a junx c'u, x'em wocn Moisés yic tzb'on yaj yowl eb' yit chon̈b' cha; smasnil c'u 'aych eb' 'a yojltac Moisés.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Ex 33:7

'Ix xuyn chan̈ Moisés jun Mantiado yic Jehová, najt 'ix yij 'el 'a stz'ey camplamento cha, ax 'a sti 'el chi sb'ox cha'an̈. 'Ix ya'n scuch Mantiado 'aj tzqui chaj qui b'a yet' Dios. Toto 'ay mach tznib'j c'umnoc Jehová, yowlal ata tz'at 'a jun Mantiado 'ay 'a sti 'el camplamento cha.

Nm 10:29

'Ay jun c'u 'ix yal Moisés 'ixtc 'a jun sb'alch ajun yet'oc, atn Hobab yunnal Raguel win 'aj Madián: —An̈ tic on̈, tzon̈ 'at 'a jun lugar 'aj xyac' Jehová sti ya'n 'ayn̈ on̈. Con̈ quet' on̈, wach' 'oj ach cutc 'ach quilni, yujto 'ix yac' Jehová sti on̈ sya'iln an̈ israel on̈ tic, xchi.

Gn 26:30

Yic xlajw xpaxtin eb' cha, ax Isaac 'ix ya'n 'och jun niwquil q'uin̈, yuj cha, xwa eb' xyu'n eb' tas 'a tzaljc'ojlal.