Ex 17:9 - Chuj San Sebastian Bible

⁹ Yuj cha, xyaln Moisés 'ixtc 'a Josué: —Si'l jaywn̈oc eb' israel yic tz'at eya'nc owl yet' eb' amalecita cha. 'Oj in 'at 'a lum jolm tzaln chi 'a caw sq'uin̈b'il to q'uic'an, 'oj wic' te c'occh tzc'anlb'ej Dios wet'oc, xchi.

Chuj San Mateo Bible

⁹ Yuj chi' ix yal vin̈aj Moisés d'a vin̈aj Josué: —Siq'uel jantacoc eb' co soldado yic sb'at eb' yac' oval yed' eb' amalecita. A q'uic'an tzin b'at d'a chon tzalan, ved'nac te' c'ococh, te' syac'lab'ej Dios, xchi vin̈.

Ex 17:9 Referans Kwoze

Dt 32:44

'Ix c'och Moisés 'a yojltac smasnil eb' israel, tza'n 'och Josué yu'uj, win yunnal Nun, 'ix syamn 'och yaln smasnil spaxti'al jun b'it cha.

Ex 24:13

'Ix 'at Moisés 'a sjolm lum witz chi yet' Josué atn jun schecab'.

Ex 4:20

Xlajw cha, xyi'n 'at Moisés 'ix yistzil yet' eb' yunnal, 'ix q'ue eb' 'a yib'n̈ b'uru, 'ix pax 'a Egipto. 'Ix yi'n pax te sc'ococh, te xyal Dios 'a 'a.

Ex 4:2

—¿Tas jun yamb'il 'oj cha? xchi Dios 'a Moisés. —A te 'in c'ococh, xchi.

A Ch'an̈ Carta D'a Eb' Hebreo 4:8

Q'uinloc x'och eb' quit israelal 'iljoc yuj Josué, to 'ixta', man̈x 'ic yal Dios yuj junx tiempoal tic.

A Tas Sc'ulejnac Eb' Schecab' Jesús Hechos 7:45

A jun mantiado cha, c'ojnc'ojnil xcan 'a yol sc'ab' jun tzo'n̈ xo eb' qui mam quichmec. Ax Josué, 'ix 'i'n 'at jun chi yet' eb', yic 'ix yica'an eb' lum slum eb' chuc chon̈b'al. A Dios, 'ix pechn 'el jun tzo'n̈ chuc chon̈b'al chi 'a sat slu'um. Ax eb' qui mam quichmec chi 'ix 'ica'an can jun slum eb' cha. A jun mantiado cha, yet'n̈j eb', masnto x'och David sreyloc eb'.

Nm 11:28

Ax Josué win yunnal Nun, yictax quelm 'unin 'aych xon colwjoc 'a Moisés, a 'ix aln 'ixtic: —Mamin Moisés, a ticnec alb't 'a eb' chawn̈ cha, to tz'och wan eb' spaxtini, xchi.

Ex 17:13

'Ixta 'ix yutj Josué ya'n ganar eb' amalecita 'a owal.

Nm 13:16

Atn sb'i eb' winc tic 'ix schecb't Moisés yic tz'at yilnc eb' lum Canaán. A win Oseas yunnal Nun, 'ix sjel Moisés sb'i winac, Josué xyac' sb'i'oc.

Ex 4:17

'Ij 'at a c'occh tic, yujto a 'oj a c'anlb'oc yic 'oj a ch'oxnc jun tzo'n̈ milagro satjub'tac yilx 'ix in ch'ox 'ayach, xchi Dios 'a Moisés.

Josué 8:18

Xlajw cha, xyaln Jehová 'a Josué 'ixtic: Ch'oxb't q'uen 'a lanza et' chi 'a stojlal chon̈b' Hai, yujto an tzwac' jun chon̈b' chi 'a yol a c'ab', xchi. 'Ix sch'oxn 'at Josué q'uen slanza chi 'a stojlal jun chon̈b' cha.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Ex 33:11

Q'uelc'mb'a wal tz'aj Jehová spaxtin yet' Moisés, 'icha wal spaxtin junc mach yet' junc swach'c'ojol, 'ixta tz'aj eb' spaxtini. Tzlajw cha, tzpaxt Moisés 'a camplamento. Palta ax Josué win yunnal Nun, win schecb' Moisés cha, matz 'elt xon win 'a yol Mantiado cha.

Nm 27:18

'Ix ta'w Jehová 'a Moisés, 'ix yaln 'ixtic: —A Josué yunnal Nun, 'ayx 'och Wespíritu 'a 'a, yuj cha, 'awtj coti, tza'n can opiso 'a 'a.

Josué 8:3

'Ix ya'n lista sb'a Josué yet' eb' soldado yic tz'at eb' yac' owl 'a chon̈b' Hai. 'Ix si'n 'el lajn̈schawinc mil eb' soldado, 'ix yalni to tz'at eb' 'a 'ac'wl cha.