Ex 17:6 - Chuj San Sebastian Bible

⁶ 'Oj ach in tan̈wc 'a sjolm q'uen tenm 'a lum tzaln Horeb. Ax yic tzach c'ochi, tza ma'n 'och te a c'occh chi 'a sat q'ue'en, ax yel-l a a chi 'a sat q'uen q'uen cha, 'ixta 'oj 'aj yu'n eb' 'anma tic a', xchi Dios. 'Ixta 'ix yutj Moisés sb'on 'a yojltac ewin yichm wincal chon̈b' Israel cha.

Chuj San Mateo Bible

⁶ A in ol in b'ab'laj d'a ichan̈ d'a q'uen tenam d'a Horeb, axo ol ach c'och ta', tza mac'an sat q'ueen yed' te' a c'ococh chi', ol elul a' d'a sat q'ueen, ol yuc'an a' eb' anima chi', xchi d'a vin̈. Icha chi' ix yutej vin̈aj Moisés chi' d'a yichan̈ eb' yichamtac vinaquil chon̈ab' Israel.

Ex 17:6 Referans Kwoze

1 Co 10:4

An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

Dt 8:15

Yujto a 'on̈ 'i'nec b'ey 'a lum cusltac lum caw 'ay smay, lum 'aj 'ay no chan man̈x 'a yan̈il, 'a 'aj 'ay no sina'an, 'a 'aj may a a wach' yu'xi. Palta a Jehová, a 'ix 'a'n 'eltoc a a 'a sat q'uen q'ue'en, 'ix laj cu'nec a'.

Salmos 105:41

Xya'n poj snan̈l q'uen niwquil q'ue'en, axta 'ix 'elt secnjoc a a'. 'Ix b'ey a 'a lum tacn̈ lum 'icha wal sb'ey a 'elmal a',

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Salmos 114:8

A 'a sat q'uen q'ue'en, ata xlaj pac' 'elt eb' a a', xlaj 'och eb' a pama'il.

Salmos 46:4

'Ay jun a niwquil a tz'el yoctac, a tz'a'n tzaljc'ojlal 'a eb' cajn 'a schon̈b' Dios, atn jun chon̈b' to cojn Dios niwn yel'chi, a 'ay yico'.

Salmos 78:20

Yel toni, 'ix poj snan̈l q'uen q'uen yuj Dios; ax 'a q'uen x'elt jun niwn a tzb'ey yoc. Caw xc'unb' chan̈ sat lum lum yuj a', ¿palta tom wal 'oj stac' ya'n tas tzqui c'uxu? ¿tom 'oj techjoc ya'n chib'j qui chi'? xchi eb'.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Is 48:21

Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.

Ex 16:10

Wanto spaxtin Aarón 'a eb' 'anma cha, 'ix 'at q'ueln eb' smasnil 'a lum cusltac lu'um, axta sch'ox sb'a stzictznil Jehová 'a scal jun 'asun.

Ex 14:16

A yic tzex c'och 'a sti a mar, tzej chan̈ a c'ab' yet' a c'ococh, tza'n 'at 'a yib'n̈ a'. 'Oj spoj sb'a a', ax scheclj chan̈ lum tacn̈ lu'um, sec 'oj e c'axw 'ec' 'a sc'axpil 'ec' a cha.

Nm 20:8

'Ij 'at a c'ococh, tzaln 'a o'tac Aarón to tzcolwj smolb'tzan eb' 'anma chi et'oc. Wal 'a sat eb' 'anma chi smasnil, tzaln 'a jun q'uen niwquil q'uen 'ayc' ta', to tz'elt a a 'a sat q'ue'en. 'Ixta 'oj 'aj yel-l secnjoc a a chi 'a sat q'ue'en, yic tzyu'n eb' 'anma chi a', yet' pax smasnil scajb'en noc' eb', xchi.

Dt 1:2

Uxlche c'u ste'nb'il lum Horeb atn pax lum tzcuch Sinaí, masnto 'a lum Cades-barnea, atn 'a jun b'e tz'ec' 'a lum switzl Seír.

Salmos 74:15

Ach xac' q'ueloc a a 'aj tzlaj paq'ui, yet' eb' a tzb'eyi, xa'n pax tup 'ejm a niwc a may xon 'aj tztupi.

Salmos 78:18

'Ix ya'lj prowal eb' Dios, sc'ann eb' sc'ux tas caw wach' 'a 'a.

Salmos 81:7

A yic 'ayx 'ec' 'a yol sc'ab' eyailal in eyawtni, yuj cha, ex in coln 'elta. In ta'w 'ayx 'a scal jun 'asn 'aj til wal sc'an̈ c'u; ex wa'n prowal 'a sti a a yic Meriba.