Ex 17:10 - Chuj San Sebastian Bible

¹⁰ Syiclni Josué tas 'ix yal Moisés, 'ix 'at ya'nc owl yet' eb' amalecita cha. Ya' sb'a cha, ax Moisés yet' Aarón, yet' pax Hur, 'ix 'at eb' 'a lum jolm tzaln cha.

Chuj San Mateo Bible

¹⁰ Ix sc'anab'ajan vin̈aj Josué chi', ix b'at yac'an oval vin̈ yed' eb' amalecita chi'. Axo vin̈aj Moisés chi' yed' vin̈aj Aarón yed' pax vin̈aj Hur, ix b'at eb' vin̈ d'a chon tzalan chi'.

Ex 17:10 Referans Kwoze

Ex 24:14

A yic mantzac 'ati, 'ix yaln can 'ixtc 'a eb' yichm wincal chon̈ab': —Cann̈ec can 'a tic, masnto tzon̈ japx on̈, 'oj can Aarón yet' Hur eyet'oc. Toto 'ay tas tze nib'j tzb'oyaji, a eb' tic 'oj b'oncyaj 'ayex, xchi 'a eb'.

Josué 11:15

'Icha wal yaj yaln can Jehová 'a Moisés, win schecab', 'ixta wal xyutj yaln can pax Moisés 'a Josué, ax Josué c'uxn syiclj smasnil, may wal junc tas to ma'ix sb'o 'a tas alb'il cani.

Ex 31:2

'Ilto, a 'a scal eb' yin̈tl Judá, ata xin sic' 'elt win Bezaleel, win yunnal Uri yixchicn can Hur.

Ex 17:12

Caw wal tzc'unb' sc'ab' Moisés yi'n cha'an̈, yuj cha, sayn eb' jun q'ue'en, sec ata tz'em wocan. Ax Aarón yet' Hur, a eb' xyamn chan̈ sc'ab' Moisés cha, junjn eb' 'a junjn sc'ab', masnto x'em c'u.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Jn 2:5

Palta 'ix yaln snun chi 'ixtc 'a eb' tz'a'w servil cha: —Jantcn̈ej tas 'oj yal Jesús 'ayex, tze b'on̈ej, xchi 'a eb'.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Ex 17:11

Ax 'ix 'aji, a yic tzyi'n chan̈ Moisés sc'ab' 'a cha'an̈, caw tzyac' ganar eb' israel chi eb' amalecita cha. A yic tzyi'n 'ejm Moisés sc'ab', ax eb' amalecita chi tz'a'n pax ganar eb' israel cha.

1 Cr 2:19

Ax yic 'ix cham 'ix Azuba, xyi'n pax Caleb chi 'ix Efrata, x'alj jun yunnal yet' 'ix, atn win Hur.