Ex 16:6 - Chuj San Sebastian Bible

⁶ Xlajw cha, xyaln Moisés yet' Aarón 'ixtc 'a eb' yit israelal eb' cha: —A 'a yic jun yemc'ul tic, 'oj eyojcoc 'eli to a Jehová a ex 'i'n 'elt 'a Egipto.

Chuj San Mateo Bible

⁶ Ix yalan vin̈aj Moisés yed' vin̈aj Aarón chi' d'a eb' chon̈ab': —A d'a jun yemc'ualil tic ol eyojtaquejeli to yel a Jehová ix ex ic'anelta d'a Egipto.

Ex 16:6 Referans Kwoze

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Nm 16:30

Palta toto 'ay tas satjub'tac 'oj sb'o Jehová, 'oj jacwc sti lum lum tic, ax sb'u'n 'ejm lum eb' 'anma tic yet' smasnil tas 'ay 'a 'a, pitznto eb' ax s'atcn eb' 'a yol lu'um. Ax eyojcan 'eli, to atn eb' 'anma tic 'ix meltzj 'och 'ajc'ojlal 'a Jehová, xchi Moisés.

Nm 16:28

Syamn 'och Moisés yaln 'ixtc 'a eb': —A ticnec b'i'an, 'oj eyojcoc 'eli to a Jehová a tz'a'n in b'o jun tzo'n̈ tic, man̈ munoc tzcot 'a in nab'en tzin b'oni.

Salmos 77:20

'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.

Ex 32:11

Xlajw cha, syamn 'och Moisés sc'ann niwnc'ojlal 'a Dios yuj eb' chon̈b' cha, xyaln 'a Jehová 'ixtic: —Mamin Jehová, ¿tas wal yuj tzcot yowl a c'ojl 'a yib'n̈ eb' a chon̈b' tic, palta 'in to ach 'ix ej 'elt eb' 'a Egipto yet' 'a poder?

Ex 32:7

Yuj cha, 'ix yaln Jehová 'a Moisés 'ixtic: A ticnec paxn̈ 'ejm muc'uc, yujto a eb' chon̈b' ejnac 'elt 'a Egipto, caw wal 'ix juw 'el snab'en eb'.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Ex 12:51

A 'a jun c'u cha, stzol-l 'ix yutj Jehová yi'n 'elt eb' israel 'a sat slum eb' 'aj Egipto.

Ex 6:6

A ticnec jun, 'at al 'a eb' et israelal cha, to an Jehová in, an tzwal 'ixtic: 'Oj ex in col-l 'a 'aj 'ayx 'och mosoal tic, 'aj 'oltac tzex 'aj yuj munljel. 'Oj in ch'ox in poder 'a eb' 'aj Egipto tic, to 'oj wa'ch niwc yailal 'a yib'n̈ eb'. 'Ixta 'oj ex wutc ex in coln 'el 'a yol sc'ab' jun chon̈b' tic.

Salmos 81:11

Palta x'ec' jun tiempoal, xyaln pax yuj eb' 'ixtic: A eb' in chon̈b' tic, ma'ix schaj eb' yab' tas xwala; a eb' israel tic, ma'in syiclj eb'.