Ex 15:7 - Chuj San Sebastian Bible

⁷ Yet' wal a niwquil poder 'ix a'n 'ejm eb' tznib'j tzyac' owl et'oc. A wal yic tzcot owal, 'icha wal stz'a 'ejm te 'ac, 'ixta wal tz'aj slajw 'ejm eb' o'oj.

Chuj San Mateo Bible

⁷ A yed' a nivan poder ix a mac' telvoc eb' sgana syac' oval ed'oc. Ayic ix cot oval, icha val stz'ab'at an̈ ac, icha chi' ix aj slajvicanel eb' uuj.

Ex 15:7 Referans Kwoze

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Is 47:14

Palta a eb' cha, lajn eb' yet' te 'ac, a te c'ac' 'oj n̈usnctz'a eb', ma'oj stac' scoln 'el sb'a eb' a jun cha. Yujto a jun c'ac' cha, man̈ lajnoc 'icha junc comn c'ac' to a te c'atztz tz'och 'a 'a, wach' qui c'achn 'a sti'.

Is 37:29

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argoya 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Salmos 148:13

Smasnil eb' tic, yal cab' eb' swach' paxti 'a Jehová, yujto cojn ton niwn yel'chi, a stzictznial, 'ayc'n̈ej 'a sat lum tic yet' 'a satcha'an̈.

Salmos 83:13

Ach in Diosal, 'icha cab' tz'aj c'alem s'at yuj chacxuxm'ic', 'ixta tzotjcan eb', 'icha s'at junc tacn̈ xil te yuj 'ic', 'ixta cab' tz'aj eb'.

Dt 33:26

Ex 'aj Jesurún, may xon junc mach tztac' slajb'tzan sb'a yet' qui Diosalec, yujto ata tz'ec' 'a yib'n̈ 'asun, caw 'ay smay yic tzjaw colwjoc quet'ec.

A Tas Sc'ulejnac Eb' Schecab' Jesús Hechos 9:4

Yuj cha, 'ix telw win 'a sat lu'um. 'Ix yab'n win yoch jun paxti'. 'Ix yaln 'ixtc 'a winac: —Saulo, Saulo, ¿tas yuj tzin a pech b'eyc'oc? xchi 'a winac.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Zacarías 14:8

A 'a yic jun c'ul cha, 'oj pac' q'uet jun a a 'a Jerusalén. 'Oj b'eyn̈j yoctc 'a cuaresma yet' 'a n̈ab'lq'uinal. A jun a cha, nan̈l a 'oj 'atcn 'a a Mar Muerto, ax nan̈l xo a 'oj 'atcn 'a a mar Mediterráneo.

Zacarías 14:3

Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

Miqueas 4:11

A ticnec, caw niwn eb' nacion̈ jun tzyutj sb'a, yujto 'oj 'och eb' 'ajc'ojlal 'ayex, tzyaln eb' 'ixtic: 'Oj ca'c wal qui nab'en quiln tas 'oj 'aj Jerusalén slajw 'ejmi, xchi eb'.

Jeremías 10:6

Mamin Jehová, may xon wal junc mach lajn et'oc; yujto ach tic, cojxn ach niwn el'chi, caw b'inab'il a b'i, tzta'n̈j oj smasnil.

Is 37:38

'Ay jun c'ual 'ix 'at leslwoc 'a yatut jun sdiosal tzcuch Nisroc, axn 'ayc' chi ta', 'ix c'och chawn̈ eb' yunnal 'a 'a, atn Adramelec yet' Sarezer, 'ix smiln can eb'. 'Ix 'atcn eb' 'elc 'a yol yic Ararat. Ax junx yunnal scuch Esarhadón, a 'ix 'ochcn reyl sjeloc.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Is 37:17

Mamin Jehová, comnoc wal tza maclj ab'i', tzel wal jun tic yet' a sat. Mamin Jehová tzab'n tas 'ix yal cot Senaquerib 'ayin, caw tu 'ix yal 'ayach, ach qui Diosal, pitzn ach.

Salmos 68:33

atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.

Salmos 59:13

Satcn 'el eb' yet' yowl a c'ojol, sat cab' 'el eb' sec man̈x 'aj 'oj checljoc chan̈ eb'. 'Ac' yojcoc 'el eb' chajtlto ach tic Dios ach, yajl aj 'a quib'n̈ an̈ yin̈tl on̈ Jacob tic on̈, yet' 'a 'aj tzlajw c'och yolyib'n̈q'uinl tic.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

A Ch'an̈ Carta D'a Eb' Hebreo 12:29

yujto a qui Diosalec, lajn 'icha junc c'ac', caw tzlajw stz'a smasnil tas yu'uj.

Ex 14:27

Xlajw cha, xya'n 'at Moisés sc'ab' 'a yib'n̈ a mar cha, ax yic 'ix sacb'eli, 'ix syamn can pax sb'a a 'icha xon yaji. 'Ix cob' meltzjoc ewin 'aj Egipto cha, palta tox 'ix syamx can sb'a a a chi 'a spatc ewinac, yuj cha, 'ix mucchj can 'ejm ewin yuj Jehová 'a yojl a'.

Dt 4:24

A Jehová Dios, caw wal ow 'a junc mach tzyac' 'ejm sb'a 'a junc yechel. A yowl sc'ojl cha, lajn wal 'icha junc c'ac' tz'a smasnil tas yu'uj.

Ex 5:12

Xlajw cha, sactzicnac s'at eb' israel chi 'a smasnil yol yic Egipto sayj yoc trigo, sec a tzya'ch eb' sjelc te 'ac chi 'a scal lum b'i'ch cha.

Job 9:4

A Dios caw wal 'ay sjelnal, caw niwn yel'ch yet' tas tztac' yu'uj. Q'uinloc tzqui te'wtzej qui b'a 'a yojltac, ¿tom tztechj cujec 'a 'a?