Ex 15:15 - Chuj San Sebastian Bible

¹⁵ A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Chuj San Mateo Bible

¹⁵ A eb' yajalil eb' aj Edom, ol satcanb'at sc'ol eb'. A eb' yajal d'a Moab, ol lucloncan eb' yuj xivelal. Icha pax chi' eb' cananeo, ol laj sc'ub'ejel sb'a eb',

Ex 15:15 Referans Kwoze

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Josué 2:11

Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.

Josué 2:9

—Wojc an tic, to a Jehová a tz'a'n jun lum tic 'ayex. A pax tzon̈ 'a'n 'och 'a xiwc'ojlal qui masnil 'a jun tzo'n̈ lugar tic on̈. Man̈x on̈ 'anmac tzcab'i yic tzcab'n eyab'xil.

Dt 2:4

Al yab' eb' et chon̈b' jun checnb'il tic. To ata 'oj eyec' 'a yol slugar eb' yin̈tl can Esaú, atn eb' eyican to e b'a yet'oc, eb' cajn 'a yol smacb'en Seír. Caw wal 'ay xiwc'ojlal eb' 'ayex. Palta b'i'an, caw tze tan̈wj e b'a, man̈ e comn xib'tc eb'.

Gn 36:40

Atn sb'i eb' x'ochcn syajloc chon̈b' tic 'a eb' yin̈tl Esaú yuj eb' yican: Timna, Alva, Jetet, Aholibama, Ela, Pinón, Cenaz, Temán, Mibzar, Magdiel, yet' Iram; a pax sb'i eb' x'och sb'ic junjn lugar 'aj xlaj 'ec' cajn eb'. A Esaú a pax tzcuch Edom, atn smam 'ichm eb' edomita.

Habacuc 3:7

'Ix wil yochcn eb' 'aj chon̈b' Cusán 'a somc'ojlal, ax eb' cajn 'a lum Madián, 'ix 'ochcn eb' 'a xiwc'ojlal.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Is 13:7

Yuj cha, ax smasnil 'anma', 'oj sicb'oc 'ejm eb' yuj xiwc'ojlal.

Salmos 68:2

'Icha wal tz'aj satcn 'at tab' 'a scal 'ic', 'ixta tz'aj eb' satcn 'ati. Tz'ulb'x 'ejm eb' 'icha tz'aj yulb'x 'ejm no chab'ic' yuj c'ac'; 'ixta wal 'oj 'aj satcn 'el eb' maysch'olnil sb'eyb'al 'a yojltac Dios.

A Ch'an̈ Schab'l Libro Samuel 17:10

Yuj cha, wach'xam 'ay eb' winc chi caw jelan, matz xiw 'icha no león, 'Oj schab'c'ojloc sb'a eb'; yujto smasnil eb' quit chon̈b'ec, yojc eb' to caw jeln a mam chi 'a owal, 'ixta pax eb' ajun yet' cha.

A Ch'an̈ B'ab'el Libro Samuel 14:16

Ax eb' macwjum 'aych yuj Saúl 'a Gabaa 'a yol yic Benjamín, ax xyiln eb' to caw sactzicnac yec' eb' filisteo chi 'elc yuj xiwlal.

Josué 14:8

Ax pax jun tzo'n̈ xo ewin xwulc' quet'oc, caw man̈ wach'c xyutj ewin yalni, caw xib'tj ewin eb' 'anma'. Palta an̈ xo tic, caw wach' xcutj calni, tojl xcutj qui nab'en 'a sat Jehová qui Diosalec.

Josué 2:24

'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.

Dt 20:8

Tzlajw cha, tzyaln pax eb' syajlil eb' soldado chi 'ixtic: Toto 'ay junc ex caw tzex xiwi, mto matz techj eyuj tzeyab'i, tztac' tzex pax 'a eyatut, yic wach' ma'oj somchjoc chan̈ eb' quit soldadoil tic eyu'uj, xchi cab' eb'.

Gn 36:15

Eb' x'och yopiso 'a scal eb' yin̈tl Esaú, atn eb' tic: Eb' x'elt 'a scal yin̈tl Elifaz win sb'ab'l 'unnal Esaú, atn Temán, Omar, Zefo, Cenaz,

Salmos 48:5

Palta a yic xyiln eb' jun chon̈b' cha, caw sat sc'ojl eb' yilni, xlaj somchj chan̈ eb', x'at eb' 'eloc.

Jeremías 49:23

'Ix yaln pax Dios yuj eb' 'aj Damasco 'ixtic: A eb' 'aj chon̈b' Hamat yet' Arfad, caw man̈x 'anmac yaj snab'en eb', yujto caw tu sc'och 'ab'x 'a eb'. Caw xniwtj xiwc'ojlal 'a eb', man̈xtzac stac' yajc' eb' 'a tzaljc'ojlal.

Gn 36:16

Coré, Gatam yet' Amalec. Atn eb' tic x'och yopiso 'a scal eb' yin̈tl Elifaz 'a yol yic Edom. Smasnil jun tzo'n̈ eb' tic, yixchicn 'ix Ada eb'.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.