Ex 14:8 - Chuj San Sebastian Bible

⁸ 'Ixta 'ix yutj pax Jehová ya'n pitb'oc 'el snab'en win rey, 'ix 'ochx tza'n win yuj eb' israel. Palta toc 'ay xon eb' israel chi tzxiwi yic x'elt eb' 'a Egipto.

Chuj San Mateo Bible

⁸ Ix pitb'i spensar vin̈ rey chi' yuj Jehová, yuj chi' ix tzac'laj vin̈ d'a spatic eb' israel chi'. Palta axo eb' israel chi', ayic ix elta eb' d'a yol smacb'en Egipto chi' ix yic' val chaan̈ sb'a eb'.

Ex 14:8 Referans Kwoze

A Tas Sc'ulejnac Eb' Schecab' Jesús Hechos 13:17

A qui Diosalec an̈ israel on̈c tic, a si'jnac can 'el eb' qui mam quichmec. A yic 'ayc' eb' 'a scal eb' chuc chon̈b'al 'a Egipto, a 'a'jnac can 'och eb' niwc chon̈b'al. Xlajw cha, xyi'n 'elt eb' 'a Egipto chi yet' spoder.

Nm 33:3

A 'a olajn̈e yoch b'ab'l 'uj yic jun ab'il cha, 'ix 'elt eb' israel 'a Ramesés 'a yewial xo yec' q'uin̈ yic yel eb' 'a libre. 'Ix 'elt eb' yet' sjelnal 'a sat eb' 'aj Egipto cha,

Dt 26:8

Yuj cha, sch'oxn wal Dios spoder to 'ay xo smay yilxi, caw satjub'tac yilx tas 'ix sch'ox 'a Egipto, yic on̈ yi'nec 'elta.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 13:16

Yuj cha, 'icha yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun ley tic. A tz'a'n qui na coti, yic on̈ yi'n 'elt Jehová yet' spoder 'a yol yic Egipto, xqui chic 'a eb', xchi Moisés.

Ex 6:1

'Ix ta'w Jehová 'a Moisés 'ixtic: —'Ojt el wal nab'an tas 'oj wutc win sreyl Egipto tic yet' in poder. Teb'il 'oj ex ya'l 'a yol schon̈b' tic, palta caw a win 'oj alnoc ax eyeli, xchi.

Salmos 86:13

Yujto yel xo wal niwn a chamc'ojlal 'ayin, yuj cha, ma'in a chaj 'ejm 'a yol sjul-l eb' chamnac.

Dt 32:27

Palta matz yal in c'ojl tzin sb'uch eb' 'ajc'ojl yajch 'ayin. Matz yal in c'ojl tzb'an̈ sb'a eb'. Toq'ue tzyal eb' 'ixtic: Man̈oc Jehová satn 'el eb', palta an̈ec xqui satc 'el eb' yet' qui jelnal, toq'ue 'oj xchic eb', xchi Jehová.

Ex 13:18

Yuj cha, 'ix 'ec' oyyoc eb' yuj Dios 'a lum cusltac lu'um, yet' 'a sti a Chac Mar. A yic 'ix 'elt eb' israel 'a yol yic Egipto, yet' eb' syamc'ab' yic owal, 'icha yic eb' soldado.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 4:21

Xyaln pax Jehová 'ixtc 'a Moisés: —A yic 'oj a c'och 'a Egipto cha, nann̈ej cab' jun tzo'n̈ tic o'oj, yic 'oj a c'och 'a yojltac win rey, chajtlto 'oj a ch'ox yil win jun tzo'n̈ milagro to satjub'tac yilx xwac' a b'o'. Palta an 'oj wac' pitb'oc 'el snab'en win rey cha, yic ma'oj e chax 'elt yu'uj.

Ex 9:12

Palta 'ix pitb' 'el pax snab'en win rey jun 'ejm xo yuj Jehová, 'icha wal yutjnac Jehová yalni. Ma'ix schaj win yab' tas 'ix yal Moisés yet' Aarón.

Ex 10:27

Palta an̈j 'ijnoc 'ix yac' Jehová pitb'oc 'el snab'en win rey chi jun 'ejm xo, yic matz chaj 'el win eb' israel cha.

Ex 14:7

'Ix yi'n cot win smasnil caruaje yic Egipto, yet' pax waque ciente caruaje caw wach', ajun junjn capitan̈ 'a junjn caruaje cha.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.

Ex 15:9

'Ix yaln eb' 'ajc'ojl chi 'ixtic: 'Oj cochc tza'n yuj eb' israel cha, masnto 'oj yamchjoc eb' cujec. 'Oj qui'c 'ec' smasnil tas 'ay 'a eb', ax qui pojnec 'eq'ui. 'Oj qui'cq'uet qui espada 'a yol yatut, ax qui tzu'nec cham can eb'. 'Ixta to b'i'an, ax sb'o wal qui c'ojlec, xchi eb'.

Lm 3:65

'A' pitb'oc 'el snab'en eb', 'a' cot catb' 'a yib'n̈ eb'.

Lv 26:13

An Jehová e Diosal in, an ex wij 'elt 'a Egipto, sec wach' man̈xtoc ex can munljoc 'a eb' 'aj Egipto cha. An wal 'ix wij 'el jun munljel caw ya chi 'a eyib'an̈, yic wach' man̈xtoc 'ayx 'och 'a yaln̈ schecnb'il junc xo nacion̈.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

Jueces 4:7

An 'oj wa' cot win Sísara 'aych 'a sti a Cisón, win syajlil eb' soldado yic win Jabín, yic tzwul ya'nc owl et'oc. 'Oj yi' cot scaruaje yic owal yet' soldado. An xo 'oj wac' eb' 'a yol e c'ab', xchi Jehová, xchi 'ix.

Salmos 105:43

'Ixtn tic 'ix yutj Dios yi'n 'elt eb' schon̈b' sic'b'il 'el yu'uj, 'a scal 'aw yet' 'a scal stzaljc'ojlal eb' x'elta.